كيف يمكن ان تجعل الغابه تثق فى الثعلب المكار وتطلب منه الحمايه رغم انه يأذيهم - شاهد كيف يلعبها الاخوان فى مصر



كيف يمكن ان تجعل الغابه تثق فى الثعلب المكار وتطلب منه الحمايه رغم انه يأذيهم - شاهد كيف يلعبها الاخوان فى مصر

قعدت فى الكافيه كده
سرحت خمس دقايق
وقعدت افكر
ازاى تخلى التعلب المكار .. يبقى صديق لباقى الغابه .. رغم انهم بيكرهوه لانه بياكلهم وبيفترسهم ..
لقيت ان الحل .. ان تخلقلهم تعلب مكار تانى ...
فعشان يدافعوا عن نفسهم ... هايستعينوا بالتعلب الاولانى
مدة تفكير بسيطه اوى خليتنى تخيلت الفكره دى للى حاصل اليومين دول 
فصيل مكروه والمجتمع بينبذه و بيلفظه خارج الدائره المجتمعيه ( الاخوان )
ازاى تخليه فجأه يبقى حبيبك ومعاك رغم انك بتكرهه ..بس هتلاقى نفسك مقرب منه من غير ما تحس لانه بيدعم نفس قضيتك ...؟
اخلق اى زوبعه ضد الاسلام اللى المصريين بيخافوا عليه 
اطلع بمظاهره ضد الحجاب 
اعملها شهره و شو اعلامى 
المصريين يغاروا على دينهم 
يدخل الاخوان فى النص كمجرد ناس برضو واقفه معاك وبتغير على الدين !
وفجأه .. تلاقى نفسك بتعمل لايك لكومنت من واحده اخوانيه لمجرد انها بتشتم شريف الشوباشى وبتدافع عن الحجاب
وتلاقى نفسك بتقولى لواحده اخوانيه بارك الله فيكى 
لانها عملت موضوع فى منتدى ضد اللى عاملين حمله ضد الحجاب
وبكده .. تبقى عملت مزج مره اخرى للفصيل المكروه
من خلال انك تخلق حرب وهميه وتضطر تستعين بيهم من غير ما تحس لمجرد انهم بيتوافقوا معاك فى نفس القضيه
** عاوز دليل ... 
اتفرج على كومنتاتك لما تكتب حاجه ضد اسلام بحيرى ...
هتلاقى الناس بتحط فيديوهات لناس شيوخ بيشتماو فى اسلام بحيرى ومؤيدين لوجهة نظرك .. تروح تبحث عن الشيوخ دول .. تلاقيهم هما هما اللى ظهروا على قناة الناس والرحمه ايام الاخوان وكانوا بيكفروووونا ..لكنك حبيت الفيديو لانهم بيشتموا البحيرى ورأيهم زى رأيك
اللى ممشى اللعبه دى 
عاوز يخلينا نمشى بمبدأ .. عدو عدوى صديقى ...! 
و دا اخطر مبدأ .. لا عدو عدوى .. برضو ممكن يكون عدو ليا
مجرد طرح لوجهة نظر شخصيه
بس مش مستريح للهوجه اللى تحس ان فى حد داس على زرار .. فكل القضايا طلعت مره واحده .. البحيرى والحجاب وتقنين الحشيش
بيفكرونى من سنتين ...
لما قامت هوجة التحرش ...
اعلام وصحافة وتلفزيون كل يوم بيتكلم عن تحرش فى الاعياد والمناسبات والمظاهرات والتجمعات وابوك السقا مات !!!
زى هوجة 25 يناير .. لما قبلها بشهور فجأه الجزيره وقنوات اخرى.. حد داس على الزرار .. بقى كل الاخبار عن التعذيب والتجاوزات وعماد الكبير و تعذيب البنات وفيديوهات ضرب الناس عالقفا !!!!!
امريكا لما حبت تدخل العراق .. عملت خدعة 11 سبتمبر 
امريكا لما حبت تدخل افغانستان ... عملت خدعة طالبان 
وفى النهايه الاتنين من صنع امريكا
عملا بمبدأ .. اصنع عدوك بنفسك لتصل لهدفك
شايف ان برضو ..
فى ناس حابه تدخل الاخون بشكل جديد .. فبيعملوا فرقعه لحاجات تخلينا نتقبل رأى اللى واقف جنبنا واحنا مانعرفش انه اخوانى
سلامو عليكو
E.E
Eslam Elbahrawy



قعدت فى الكافيه كدهسرحت خمس دقايقوقعدت افكر ازاى تخلى التعلب المكار .. يبقى صديق لباقى الغابه .. رغم انهم بيكرهوه لا...










Posted by