المغزى من بيان المتحدث العسكرى حول حروبب الجيل الرابع وعلاقته بأحداث اليمن وخبر أسر جنود مصريين



المغزى من بيان المتحدث العسكرى حول حروبب الجيل الرابع وعلاقته بأحداث اليمن وخبر أسر جنود مصريين 


بيان المتحدث العسكرى
اللى ذكر فيه اننا يجب نكون حريصين من حروب الجيل الرابع 
ماكانش يقصد بيه القنوات او المواقع اللى بتنشر اكاذيب
كان يقصدنا احنا ... اللى بناخد من المواقع دى ونساهم فى نشر الاكاذيب

احد حروب الجيل الرابع .. انه يخليك انت ياللى بتحب جيشك انت اللى تنقل الاشاعه عشان يكون مصدرها قوى وتأثيرها اكبر

دليل بسيط على كده
فى ناس كتير بتفكر انى بجرى ورا لايكات وشير 
فتلاقى واحد حاطط صورة عمر سليمان او السيسي او صورة ضابط فى الجيش المصرى .. ومسمى نفسى اسم كده له قيمه
وراح باعتلى رساله قايلى ( معلومات بتقول ان فى تدخل برى حصل من مصر فى اليمن والحوثيين أسروا 30 جندى مصرى ) 

لو انا منهم بقى .. اقول ايوووه خبر حصرى وقبل الكل
انشر يا جدع ... و دا بيعمله ناس كتير
بس الحمار اللى بيعمل كده مايعرفش انى عمرى ما عملت شير على بروفايلى
عمرى ما اخدت معلومه مسلم بيها 
عمرى ما حطيت كلام الا من دماغى بعد ما ابحث واتأكد واجرى ورا الكلمه مليون مره .. 

هى دى الفكره بقى
انه يقوم مديلك المعلومه وسايبك انت تنشرها
وطبعا شعبنا العظيم المهاود .. ما اكثر عشاق العناوين فقط 
مابيدخلش يقرا الخبر .. ولا بيجرى ورا اصل المعلومه 
بياخد العنوان او الخط العريض ويرزع الشير المتين !

مثال تانى 
على تويتر دلوقتى لقيت واحد حاطه صورة شاب وعامله تاج للاكونت بتاعه وبتقول الواد دا متهم بالتحريض على تفجيرات مدينة الانتاج !
فروحت حاطط لها تعليق بقولها طب حضرتك ياريت اصل المعلومه عشان ننشرها .. لان لما هانشر المعلومه الناس هاتقولى فين الدليل .. فهل حضرتك عندك دليل او تويتات وهو بيحرض انتى مصوراها...؟
خمس دقايق ولقيت الولد نفسه بيرد عليا بيقولى ولا دليل ولا بتاع .. اختلفت معاها فى وجهات النظر فقالتلى هاعمل عليك حفله !

ياترى بقى 
كام واحد سألها عن المصدرى زى انا ما عملت وهى مش ردت لحد دلوقتى
وكام واحد عامل ريتويت او شير للصوره !! 

تأكدوا يرحمكم الله 

E>E
Eslam Elbahrawy

بيان المتحدث العسكرىاللى ذكر فيه اننا يجب نكون حريصين من حروب الجيل الرابع ماكانش يقصد بيه القنوات او المواقع اللى بتن...










Posted by