بحث - كيف تعاون الاخوان مع هتلر - وهل فكرة الخلافه وفكرة تكوين داعش هى فكره المانيه منذ عقود؟
دعوه للقراءه فى تاريخ قد يفيد فى الحاضر والمستقبل
كيف تعاون الاخوان مع هتلر ؟ وهل افكار الخلافه وافكار داعش هى فى الاصل افكار المانيه ؟!
الجزء الاول
بسم الله الرحمن الرحيم
علاقة الاخوان بهتلر
كيف ينظر الغرب الى الاسلام
كيف انتقلت النازيه من المانيا الى الاخوان فى العالم العربى
من صاحب افكار الجهاد عند المسلمين ..؟
هل تفجير خطوط الغاز والسفارات فكر جهادى حديث..؟
هل المسلمون هم اصحاب فكر الجهاد ..؟
تابع بدقه وعنايه و سيكون الذهول حليفك
ارجو المتابعه للنقاط حسب تسلسلها حتى نصل للهدف المراد
1- فى البدايه نبدأ بقول الدبلوماسى الامريكى ماكس فون اوبنهايم اللى قال ان الاسلام بالنسبه للغرب مجرد سلاح
2- ثم نذهب لنابليون بونابرت الذى خدع امصريين عندما قال لهم ان الفرنسيين مسلمين
بل ان اول خطاب لنابليون باللغه العربيه موجه لعشب مصر قد بدأ بالاّتى :
بسم الله الرحمن الرحيم .. لا اله الا الله وحده لا شريك له فى ملكه .. اننى اعبد الله سبحانه وتعالى واحترم نبيه والقران الكريم ....................!
3- اربط خطاب الحج نابليون بخطاب الحج اوباما لما زار القاهره
لما قال بالنص .. احمل السلام من المسلمين فى بلدى اليكم
السلام علكيم
4- فى القرن ال 19 ربطت علاقه صداقه قويه بين المانيا والعثمانيين اللى هما الاتراك حاليا
و دا كان سببه هو ان عدوهم واحد وهو روسيا لان كلاهما كان على خلاف مع روسيا
5- فى الوقت دا كانوا بيطلقوا على الامبراطوريه العثمانيه لقب رجل اوروبا المريض .. لانها اصبحت ضعيفه ومشاكلها كثيره وان اوروبا لن تستطيع الاستفاده منها ( اى الاستفاده من الامبراطوريه العثمانيه )
6- قبل الحرب العالميه الاولى بالتحديد فى عام 1908 اسست المانيا معهد اسمه معهد هامبورج للدراسات الاستعماريه بقيادة كارل هاينرش بيكر استاذ الدراسات الاسلاميه والشرقيه فى المانيا
7- نقف هنا وقفه مهمه .. لان المعهد دا كان هو بداية خلق فكرة استخدام الدين للسياسه واستخدام الجهاد عند المسلمين .. ايوووه هاتشوفوا مع تسلسل الاحداث .. و دا هايكون رد على اللى بيقولوا ان التطرف خارج من الكتب بتاعتنا كمسلمين .. و دا مش صحيح .. التطرف تم زرعه من الالمان فى بداية القرن العشرين .. تعالوا نكمل
8- فكر الالمان ازاى يستغلوا المعهد اللى عملوه فى الحرب بتاعتهم
فقرروا انهم يستغلوا الامبراطوريه العثمانيه والمسلمين فى صالحهم ضد الانجليز
فعملوا ايه...؟
9- امبراطور المانيا فى البدايه اتعجب من الفكره .. ازاى هانخلى المسلمين يجاهدوا مع المانيا اللى هى مش مسلمه ويكون دا جهاد فى سبيل الله؟؟؟ اكيد دى مزحه
10 - هنا يأتى دور رجل المانيا الاول .. ماكس فون ابونهايم .. مدير مركز استخبارات الشرق اللى اتأسس فى تركيا قبل الحرب العالميه الاولى .. واقترح على امبراطور المانيا حيله وخدعه تخلى المسلمين يحاربوا مع المانيا
وكانت الخدعه انهم طلعوا اشاعه بتقول ان امبراطور المانيا أسلم و دخل الاسلام وكمان راح يحج واصبح اسمه الجديد الحج محمد فيلهيلم
11- ركز كووويس فى النقطه دى
هاتقولى طب لما اشاعه تتعمل سنة 1908 .. ازاى هاتتنشر من غير تلفزيون ولا انترنت؟
هاقولك نفس اساليب نشر الاشاعه حاليا.. ركز وهاتفهم
تم نشر الاشاعه من خلال تجنيدهم لافراد فى البلاد المسلمه ينشروا الاشاعه .. ووزعوا منشورات على الناس بخبر الاشاعه .. وكمان قاموا بتجنيـــــــــــــد شيوخ لصالحهم عشان فى خطب الجمعه يتكلموا مع المسلمين فى اسلام امبراطور المانيا وان الحرب معاه ستكون نصره للاسلام
مش بيفكرك بحاجه دلوقتى ..؟ قنوات وشيوخ الفتنه .. والاشخاص اللى بيتم تجنيدها على الفيس بوك لنشر الشائعات...؟ نكمل
12- اكتمل المخطط عندما زار امبراطور المانيا.. الملك العثمانى محمد الخامس .. اللى كان وقتها خليفة المسلمين .. فراح محمد الخامس مطلع بيان بيقول فيه ان المانيا امبراطوريه مسلمه ووجب على المسلمين الجهاد والدخول فى الحرب لجانبها فى الحرب العالميه الاولى
13- نقطه هنا كمان مهمه .. رجل القصه كلها ماكس فون اوبنهايم الراجل اللى خطط لكل دا .. بعد كده راح لايران ومصر .. سمى نفسه ابو جهاد .. ولبس نفس الملابس العربيه .. ثم ارسل اوبنهايم عميل الى طهران لتأجيج فكرة الجهاد .. ارسل الرجل المشهور بإسم لورانس ايران .. اللى أجج فكرة الجهاد عند الشيعه فى ايران
وركزززز هنا بقى ... اوبنهايم قال فى مذكراته ان الجهاد فى سبيل الله جزء منه هو تفجير خطوط الغاز ومضخات الانابيب للشركات الانجليزيه ...؟
بيفكرك بحاجه السطر دا .. ايووووه الجهاد فى عصرنا الحالى .. تفجير خطوط الغاز كل يوم كشكل من اشكال الجهاد .. عرفتوا الفكره جايه منين ؟
14 - لحد هنا وانتهى الجزء الاول من البحث
وابرز نقاطه هى ان كل من يدعى الان ان التطرف مصدره كتب التراث الاسلامى.. عليه ان يعترف بخطأه لان التطرف والجهاد وكل تلك المفاهيم جاءت من تركيا والمانيا ..
وايضا نفس مفهوم الجهاد مازال مستمرا من خلال تفجير خطوط انابيب الغاز ..وايضا طرق نشر الشائعات من استغلال شيوخ السبوبه وعملاء نشر الشائعات
-------------------------------------
الجزء الثانى
1- انتهت الخلافه العثمانيه عام 1924 واللى انهاها مصطفى كمال اتاتورك
2- خليك مركز ان فكرة الخلافه اصلا مش عربيه دى فكره عثمانيه تركيه دخيله علينا
لذلك الارهاب اللى بتدعمه تركيا ودول الغرب دائما يتحدث عن دولة الخلافه
لان دى الدوله اللى اسسها الارهاب والداعمين له منذ عشرات السنين وذرعوها وسطنا حتى ظننا انها جزء من الاسلام وهذا غير صحيح
3- نرجع لاقوى من عارض انهاء الخلافه فى مصر .. وشاف ان استمرار الخلافه جزء من الاسلام
اقوى المعارضين دول كان محمد رشيد رضا .. مين الشيخ؟؟ هو استاذ حسن البنا
وكان محمد رشيد رضا يملك مجله ينشر فيها افكار تدعم فكرة الخلافه الاسلاميه
كان اسم المجله ايه ؟؟ المنار .. لفت نظرى الاسم .. بما انه اسم القناه الرسميه لحزب الله فى لبنان !
4- هنا يأتى دور حسن البنا .. مؤسس جماعة الاخوان الارهابيين
تأثر البنا بكلام معلمه رشيد رضا عن الخلافه وبدأ يأسس لافكار متطرفه
وفى احد المؤتمرات للاخوان الارهابيين قال البنا ان الاخوان يعتبرون الخلافه رمز للمسلمين وشعيره من شعائر المسلمين
5- هنا رجع الالمان مره اخرى لاستخدام فكرة الجهاد والمره دى عن طريق هتلر
وكمان تعاون امبراطور المانيا اولا مع الخليفه العثمانى لاستغلال المسلمين للحرب معه فى الحرب العالميه الاولى تحت مسمى الجهاد .. عاد هتلر لاستخدام نفس الاسلوب مع الاخوان لاستخدام المسلمين للدخول بجانبه فى الحرب العالميه الثانيه
6- هتلر استخدم فكرة السيطره على العقول من خلال الدعايه والاعلام
فاستخدم كل شىء لمصلحته لاقناع الناس بالحرب
هتلر قال فى كتابه ( كفاحى ) ان الاعلام لا يستخدم فى الالهاء وانما يستخدم فى الاقناع
كان احد اساليب اقناع الناس بالحرب هى استخدام الاطفال
فكان هتلر بينشر صوره مع اطفال قررورا ينضموا للجيش النازى
الفكره دى مش بتفكرك بحاجه؟؟ ايوووه استخدام جماعة الاخوان للاطفال ايام اعتصام رابعه وما بعده
مش بس الاخوان .. كمان حماس و داعش بيستخدموا نفس الاسلوب
عرفتوا اصل الفكره جاى منين
7- ازاى تعاون الاخوان مع هتلر
ابحث عن اسم الحاج محمد امين الحسينى
الحج محمد امين الحسينى كان عضو فى جماعة الاخوان وصديق مقرب لحسن البنا ومؤسس جماعة الاخوان فين..؟ ايووه فى فلسطين و كان متعين مفتى القدس من قبل الانجليز
لما اختلف مع الانجليز ذهب لهتلر للتحالف معاه
8- امين الحسينى عينه هتلر فى الاستخبارات السريه الالمانيه وكمان عينه مسئول بروباجاندا او مسئول اعلام النازيه فى المنطقه العربيه
9- تأثر امين الحسينى كثير بهتلر والنازيه وافكارها
فكان مقرب من رئيس الجناح العسكرى النازى
ووصل الامر انه عمل سجاده خاصه عليها صورة هتلر من شدة ولعه بأفكاره
لما تشوف افكار الجهاد واستخدام الافكار والشائعات طالعه من المانيا .. ماتستغربش لما تلاقى الاخوان بيطبقوها ..لان مؤسس الاخوان كان احد اصدقاء هتلر
شوفوتا اللعبه بدايتها منين
لو عاوز دليل كمان
ادخل جوجل ابحث عن التحيه اللى بيؤديها افراد حماس فى المظاهرات
هتلاقيها كوبى من التحيه اللى مشهور بيها هتلر وهو رافع ايده للامام !
10 - حسن البنا وامين الحسينى واصلوا دعم النازيه فأقنعوا المصريين ان الالمان ليسوا احتلال بل انهم جاءوا لتخليص المصريين من الاحتلال .. لدرجة انه عندما كانت القوات الالمانيه على الحدود المصريه .. كانت تنزل مظاهرات يقودها البنا واتباعه تدعم المانيا وتقول الى الامام يا رومل.. ورومل هو قائد القوات الالمانيه
11- وبنفس الفكره بتاعت الحرب العالميه الاولى اللى ذكرناها فى اول البحث ان الالمان استأجروا شيوخ تقول ان امبراطور المانيا دخل الاسلام .. حصل دا مع البنا والحسينى برضو
وكتب البنا فى مجلة النذير يقول ان المانيا وايطاليا هايدخلوا فى الاسلام
وكلها تجااااااااره بالاسلام والاسلام منهم برىء
** بكده نكون وضحنا اجابات لتساؤلات كتير
من اين نشأت فكرة الخلافه ؟
لماذا تركيا الان ؟
من اصحاب افكار تفجير خطوط الغاز ؟
لماذا المانيا؟؟ وما سبب دعمها لجماعة الاخوان وتشدد موقفها من مصر بعد ثورة 30 يونيو ؟
شكر خاص الدكتور محمد الجنىد برنامج Teck Talk
منقول بتصرف
E.E
Eslam Elbahrawy