بالصور والدليل - الحقيقة وراء شاعر النكسة هشام الجخ
يهاجم جيش مصر ودائما اشعاره تهدف الى كراهية مصر الغضب
بشوف ان من النقص اننا ندى مواعظ واحنا غرقانين فى العيوب
وبشوف انه من الرجولة واحترامى لنفسى -- اعترافى بالاخطاء
انا شخصيا ندمان
انى فى يوم من الايام حبيت كلام الشخص الزبالة دا
ويمكن الندم اتكرر 3 مرات لحد دلوقتى
1- ندمت لما احترمته بكلامه وللاسف زيى زى الناس اللى بلومهم .. العاطفة هى اللى خليتنى اعجب بكلامه لانه لعب على الوتر اللى بيخدعنا كلنا وهى الكلمات الحزينة والكلمات الصعبة اللى تخليك تنحاز له عشان متعاطف مع الكلمات وبعدين لما دققت فيه لقيته سم فى عسل - لقيته بيكرهنا فى البلد واللى فيها ودايما مطلع مصر قاسيه علينا
( بتخلفينا ليه لما انتى كارهانا ) !!
2- ندمت مرة تانية انى احترمت كلامه لما اكتشفت انه حرامى وبيسرق اشعاره ومرفوع عليه قضايا كمان .. لانى عمرى ما حبيت حرامى !
3- وندمت اخيرا انى احترمت كلامه واشعاره فى البداية.. لما شوفته قذر .. وطالع بيهاجم جيش بلدى .. طالع بيدافع عن النشطاء اللى بيخربوا بلدى .. وبيهاجم الناس اللى بتدير البلد
شبه مبارك بالحمار .. وشبه الجيش بالعملاء اللى بيخططوا عشان يفضلوا دايما انهم يسيطروا على البلد وناسها ..
ايوة هو دا كان قصده فى اخر قصيدة له .. المكالمة
اسمعها هاتعرف انه بيتكلم عن اللى احنا بنقول عليه حوورس
اللى احنا بنقول عليه لولا وجوده كان زمانها خربت
اللى احنا بنقول عليه انه بيدير البلد من الاول ولحد دلوقتى
سميه زى ما تسميه .. المخابرات..الصقور ..اى حاجة
هوا بقى بيقول ان دول . بيسيطروا علينا ويخططوا ويبيعونا
عشان كده انا بحتقره
وعارف انى ممكن اتهاجم لان ناس كتير بتحبه ومنهم ناس ف بروفايلى
بس انا عمرى ما كنت جبان ولا بخاف من انى اقول كلمة جوايا او وجهة نظر ليا بسبب ان اللايكات تقل ولا عدد الفريندز يقل
طززز فى اى حاجة مقابل انى اقول وجهة نظرى
سواء كانت صح او غلط انا اتحملها
لكن انا افكارى ومبادئ هى كرامتى
ولما بشوف انى غلطت او شايف حد وحش
لازم اقول انه وحش..واسجل موقف قصاد الكل
اسمعوا القصيدة
وشوفوا مشبه الناس ازاى
https://www.youtube.com/watch?v=BQLp2z9Z2lQ
واخيرا..
اسف انى احترمت كلام واحد حرامى
واى حد ..ايا كان ..اى حد
هايفكر يهين جيش بلدى .. ولا يسااااوى عندى مليم
جايز قبل النكسات والارهاب والقرف دا
الجيش كان شىء عادى مش بنتكلم عنه وحتى كنا بنخاف من التجنيد
لكن بعد كل اللى حصل وشوفناه وشايفينه
بقى لزام علينا .. نرد الجميل
سمونى بلحس بيادة .. عبيد بيادة ..
مش بتفرق ..
بس حياة الانسان مراحل .. وكل مرحلة فيها حاجة مهمة
وحاليا رغم انى شاب وليا حياتى وشغلى وكل الحاجات دى
الا انى مابقيتش اطيق اشوف حاجة بتخرب البلد دى
وبقيت بكره المزيفين والمنافقين والمزايدين
مع العلم ان العبد لله كان عاطل ايام مبارك
وحتى دلوقتى ماعنديش العربية الاخر موديل ولا الشقة الفخمة
بس بحس ان لو عندى العربية والشقة .. دا كله مالوش قيمة
لو ان مفيش امان وبرصاصه ممكن اموت وكل دا مايبقالوش قيمة
الحياة مزززززيفه
الفيس بوك عبارة عن لايك وكومنت ولو قفلت الاكونت = انت مش موجود
الحياة والناس والعيشة والجرى ورا الفلوس .. لو اخدت رصاصه = كل دا مالوش وجود ولا انت ليك وجود
فخليك شجاع وقول اللى جواك ... صح او غلط بس قوله
ماتبقاش عامل زى الجماد !!
E.E
Eslam Elbahrawy
قبل ما اغيب عنكم كام ساعة !!
امبارح اتشتمت ب أبويا وأمى على العام والخاص
لما نزلت البوست الخاص بهشام الجخ الحرامى اللى بيهاجم جيش بلده
انا اتعودت انى ماردش الاساءة بإساءه
بس هاسيبلكم الصورتين دول كرد منى
وافكركم بس ان كل اللى حط ايده مع دول .. !!
بيبقى معروف التمن ايه و الهدف ايه
** الجخ فى احضان اسماعيل هنية
ولو لسه ماتعرفش هوا مين هنيه ........؟
او ريح نفسك وادخل اللينك دا
اشوفكم على خير
E.E
Eslam Elbahrawy
هشام الجخ مع سوكة خطيب اسماء محفوظ السابق
واحد الذين اقتحموا امن الدولة لسرقة الملفات
هشام الجخ مع اسماعيل هنيه
