سعيد بإغلاق قناة فلول
فعدو عدوى ليس صديقى
صراحة وشخصيا
سعدت جدا بخبر اغلاق قناة فلول بغض النظر عن القبض على سما المصرى من عدمه
لانى قلت قبل كده كتير انا مش من انصار مبدأ
عدو عدوى يكون صديقى
ومش معنى انها هاجمت باسم يوسف او البرادعى او اى شخص انا بكرهه .. انى اؤيدها فى اللى بتعمله
قضيتى منع الاسفاف والانحطاط ايا كان اللى بيقدمه
سواء كان حد مصرى ولا اجنبى ولا حتى لو اخويا
انا شايف دى خطوة محترمة تتزامن مع قضية فيلم حلاوة روح
ولكن .. دعونى اذكر المجتمع وجهاته المختصه
ان للمثلث ثلاثه اضلاع وليس ضلعين
فلو بدأنا نعالج ضلع السينما .. و ضلع القنوات المسفه
اتمنى إكتمال المثلث والبداية فى معالجة الضلع الثالث
وان ارى خبر وصول شرطة المصنفات الى مسرح راديو
لتمنع الاسفاف والانحطاط والهجوم على كل ما هو مصرى !
حتى اقتنع فعلا ان الدولة تحارب الاسفاف بكل اشكاله
ولا تفرق بين شخص والاخر
ففى النهاية
قنوات الرقص وافلام العرى وبرامج الابتذال الجنسى
جميعهم فى سلة واحدة .. تحت مسمى .. الانحطاط المجتمعى !
E.E
Eslam Elbahrawy
منشور by Eslam Elbahrawy.
