الحاجه صيصه - من منكم يقبل الاحتفاظ بجنسه والتعامل بهيئة جنس اخر لمدة 40 عام ؟
الريس في خطابه النهارده كان بيتكلم عن الام اللي عاشت وسط الناس علي انها راجل لمدة اربعين سنه
انتوا متخيلين الوضع دا
الراجل مننا بيعتبر ان من العار انه يلبس لبس الستات ودايما لما يحب يبين مثلا اد ايه هو صادق في كلامه يقولك دا انا لو كداب البس نقاب
تخيل انت بقي الست دي قبلت علي نفسها تلبس لبس مش بتاعها .. تعيش عيشة مش عيشتها. .. تتخلي عن حقوق وشهوات كل ست بتتمناها وبتعيشها .. كل دا عشان تربي بنتها
الريس النهارده قال كلمه خلت عيني دمعت
لما قال انها من كتر ما لبست لبس الرجاله وعاشت عيشتهم .. صوتها كمان اتحول وبقي اشبه بالرجال
والله العظيم قمة وجع القلب
هل اللي زي دي شوفتوها في لقاءات ?
الاجابه لا .. ﻻنها بكلامها مش هاتساعد اجنده معينه ولا هاتفيد خطه وهدف
انا بس كاتب كل دا عشان حاجتين
الاولي .. ان اللي عاوز يشوف رحمة ربنا الحقيقيه وهي بتتجلي في شئ .. ينظر للام وحنانها .. وكأن ربنا كرمها فعمل منها ايقونه للرحمه والحنان والتضحيه
الحاجه التانيه .. ياريت البنت اللي قبلت علي نفسها لقب عانس مع طوني خليفه .. وشافت ان اللقب مش تقليل منها زي ما يقلل منها ان راجل يتحكم فيها .. عاوز اقولها بصي وشوفي .. الست دي لو كانت من جيلك .. الجيل اللي بيأجل الخلفه عشان يحافظ علي جماله ورشاقته .. الجيل اللي لو رضعت ابنها بليل تكتب بوست عالفيس تلعن العيال واللي خلفوها لانهم مسهرينها .. الست دي لو كانت من جيلكم وشافت انها هاتضحي وتعيش راجل .. والله مش بعيد كانت ترمي بنتها في الملجأ
تحيه لكل ام عظيمه
تحيه لكل ام ضحت و بتضحي
تحيه لكل ام بتضحي من غير ما تستني مقابل
ربنا يدي كل ام. الصحه
ويرحم كل ام قابلت ربها
E.E
ESLAM ELBAHRAWY
الريس في خطابه النهارده كان بيتكلم عن الام اللي عاشت وسط الناس علي انها راجل لمدة اربعين سنه انتوا متخيلين الوضع داال...Posted by Eslam Elbahrawy on 31 مارس، 2015
