اتعجب من فتيات يشكون من عدم احترامهم و أجد احداهن تقبل بلقب عانس فى برنامج طونى خليفه



اتعجب من فتيات يشكون من عدم احترامهم و أجد احداهن تقبل بلقب عانس فى برنامج طونى خليفه

ماتتكلميش تانى عن مجتمع ذكورى بيقلل من قيمتك
مادام انتى وافقتى تضيعى كرامتك 

لم يهمنى محتوى الحلقه

ولكن كنت فى قمة غضبى لما لقيت الضيفه وافقت انها تطلع فى الحلقه ويكون Title او مسمى وجودها انها عانس .. ليه تقبلى على نفسك كده
مقابل ايه ؟ شهره ولا فلوس ...؟

انا مقدرش اقلل منك لانك فى الحياه امى واختى ومراتى
ليه انتى تقللى من نفسك والاخر تشتكى من التقليل منك
انتى متخيله ان الكلمه دى خلت حد يتعاطف معاكى
روحى شوفى كم السخريه اللى اخدتيه بسبب الكلمه

وانا اسف للى هايشوف الحلقه واللى شافها اكيد هايحس اد ايه هى نظرتها ضيقه جدا للامور .. اد ايه هى بتحاول تظهر الجزء الوحش فيها اللى وانت قاعد تتفرج تقول فعلا ليكى حق ماتتجوزيش بكلامك دا ..
كلام كله يدل على السطحيه والعدوانيه وعدم فهم فكرة الزواج والمشاركه
بتقول افضل ابقى عانس على ان حد يتحكم فيا
مين قال ان حد بيتحكم فى حد ..؟
وعاوزه تقنعينى ان فى حد بيتحكم زى سى السيد فى الزمن دا؟؟
احب اقولك ان لو ماكانش فى احترام دلوقتى والبنت بتنفذ كلام جوزها لانها بتحبه .. صدقينى محدش بيتحكم فيها .. فى الزمن اللى احنا فيه دا ماعادش فى سى السيد .. انتى بس بتختلقى اوهام لان حالتك صعبه
انا اسف انتى طلعتى تمثلى شابات مصر ولكنك مالكيش اى علاقه بيهم

انا معرفش ليه بتشاركوا فى البرامج دى
قبل كده وحده مثلية الجنس
وبعدها واحده مجنونه من عبة الشيطان
ودلوقتى واحد المفروض بتمثل البنت المصريه توافق ان يكون المسمى بتاعها فى اللقاء انها عاااانس ..

جايز الامر يكون بالنسبه لناس كتير عادى .. وايه يعنى ماهى دى الحقيقه
لكن فين الذوق ...؟ فين الاحترام لذاتك ..؟
كان فى مليون مسمى غير دا

للاسف ..
مش بيقلل مننا الا اللى مننا

E.E
Eslam Elbahrawy

ماتتكلميش تانى عن مجتمع ذكورى بيقلل من قيمتكمادام انتى وافقتى تضيعى كرامتك لم يهمنى محتوى الحلقهولكن كنت فى قمة غضبى...










Posted by