بالصور الحرب على الاسلام فى قلب القاهره - عرض ازياء بالنقاب والهوت شورت - ترى ما القادم ؟



بالصور الحرب على الاسلام فى قلب القاهره - عرض ازياء بالنقاب والهوت شورت - ترى ما القادم ؟

ها ايه رأيكم ...؟
انا بسألكم وانا معرفش رد الفعل اصل البلد دى بقى صعب تتوقع فيها اى حاجه

بالسبالى الامر كارثه .. 

لكن بالنسبالكم ..؟ الله اعلم الامر هايلفت انتباه حد فيكم او لا 

اللى قصادك دا ببساطه عرض ازياء اتعمل فين ...؟
لا مش فى امريكا ولا فرنسا ولا فى الدنمارك البلد اللى بتنشر رسوم مسيئه للرسول عليه افضل الصلاة والسلام

عرض الازياء تم اقامته فى مصر .. وفى وسط العاصمه القاهره
حسب ما ذكرت صحيفة اليوم السابع و زى ما بين الفيديو المنشور

فكرة عرض الازياء يا ساده .. عباره عن واحده لابسه نصين
النص الاول ما يشبه العبايه السمرا ... ولابسه نقاب
والنص التانى .. هوت شورت من تحت .. وهوت بدى من فوق

لو لاحظتم زى ما انا حاطط اسهم على الصور
اللى صممت الزى دا .. الشابه اللى واقفه جنب الفتاه العارضه
الشابه المحجــــــــــــــــــــــــــــبه !!

الا هو فين اسلام بحيرى من دا ...؟
هل هانشوف اسلام بحيرى بيهاجم اللى شايفينه دا ...؟
اللى قصادنا دا مش برضو حاجه بتسىء للاسلام وبتهدد الاسلام ...؟
ماعتقدش انه هايتكلم عنه .. لان اصلا هو دا المطلوب اثباته !!!

اللى قصادكم دا المفروض يعتبر بلاغ .. يعتبر صوات وصريخ
يعتبر سواد اسود عايشين فيه ولكن لا حياة لمن تنادى

متوقع رد من صاحبة التصميم وتقولك دا مش نقاب
ومتوقع ان فى ناس هاتصدق
بس بصوا عالصوره .. او ادخلوا على جوجل واكتبوا
عرض ازياء نصف عاري بالنقاب

احنا بنوصل لمرحله متدنيه جدا جدا من الهجوم على الدين فى عقر دارنا
عمالين نصرخ ونقول الاعلام والافلام والمسلسلات
ولكن .. ودن من طين و ودن من عجين

مابقيتش عارف الامل فى مين .. بس المنظر دا لما خليت والدى يشوفه دلوقتى كان تعليقه : لو كانت البنت دى عارفه ان البلد فيها حد بيغير على دينه وهاياخد ضدها اى اجراء ماكانتش اتجرأت وعملت كده ...
صدقت يا حج !

** شكرا للصديق ياسر راشد على التنبيه

E>E
Eslam Elbahrawy

ها ايه رأيكم ...؟انا بسألكم وانا معرفش رد الفعل اصل البلد دى بقى صعب تتوقع فيها اى حاجهبالسبالى الامر كارثه .. لكن ب...










Posted by