سنى وشيعى لازم نتحد فى الحرب - طب وبالنسبه للدين مش نغلط فيه عادى !



سنى وشيعى لازم نتحد فى الحرب - طب وبالنسبه للدين مش نغلط فيه عادى !

- ياعم بقولك الفكره كلها سيطرة هلال شيعى على المنطقه لان فى الاساس الحرب حرب اديان
- والنبى تسكت انت كل حاجه تدخلها فى ام نظرية المؤامره
- يا حبيبى مش نظرية مؤامره .. الفكره كلها ان دول ناس بيقولوا انهم من دينك بس هم ابعد ما يكون عنه
- ياعم ازاى بس .. اصلا المفروض سنه وشيعه نقف فى وش الاعداء
- يابنى اذا كان الشيعه نفسهم بيحاربوك ؟؟ عاوز تتحد معاهم ازااااااى ؟
وبعدين قولى كده بخيالك الواسع لو خلاص الشيعه دول ناس مسلمين على حق وكله تمام .. لو جيت عملت جيش عربى سنه وشيعه .. وفى وسط المعركه قولتوا تصلوا احد الفروض .. ياترى هاتصلوا ازاى ...؟
طب الفرق بين المسيحى والمسلم ان كل منهم له كتابه وكل واحد بيصلى صلاته .. بس تخيل معسكر بيقوم فيه واحد يقول اشهد ان محمد رسول الله والتانى بيأذن اذان يقول اشهد ان على ولى الله .. تخيل واحد من الكتيبه متدين بيتكلم عن الرسول عليه الصلاة والسلام وبيروى روايه عن سيدنا عمر ويقول رضى الله عنه والكتيبه اللى جنبك فيها واحد بيقول لعنة الله على فلان ويسب الصحابه ..
دا اى جيش دا ..؟ واى تحالف ؟؟ واى خيال انت بتفكر فيه
- مش انت بتقول امريكا ورا تقسيم البلاد العربيه وفرحانه باللى بيحصل فى اليمن ؟
- ايوه
- طب ازاى بقى امريكا فرحانه وفى نفس الوقت وافقت على الضربات السعوديه المصريه ؟
- يابنى ماهى دى لعبة السياسه .. اولا مايقدروش يرفضوا والا منظرهم يبقى زى الزفت قصاد العالم وبيدافعوا عن ميليشيات ارهابيه .. وثانيا امريكا كسبانه من الناحيتين .. الناحيه الاولى العرب بيضربوا فى بعض والناحيه التانيه بيضغطوا على ايران
- ايوه بس اشمعنى يستخدموا الشيعه .. ماهو امريكا لو بتكره الاسلام كانت تحارب الدول الاسلاميه ؟
- يا ابنى .. زمان الاستعمار جرب الهجوم على الاسلام من خلال الحروب والاحتلال ولكن لقوا انهم بيفشلوا .. اولا بيكون منظرهم وحش قصاد العالم كمستعمرين .. ثانيا وجدوا ان المسلمين بيضحوا بأرواحهم عشان يحموا دينهم .. ثالثا لقوا انهم لما بيدخلوا حرب معانا بيخسروا خساير كبيره بشريه وماديه .. وبناء عليه اتجهوا للخطه ( ب ) .. زى ما عملوا مع جميع الاديان السماويه .. قالك احنا نخلى الاسلام ياكل فى بعضه واحنا بعيد .. اولا زى ما عملنا فى كل الاديان .. نطلع فرقه اسمها الشيعه .. يعملولهم احاديث لوحدهم وقراّن لوحدهم بس يقولوا انهم مسلمين وبكده نقسم الاسلام لفرقتين بيتقاتلوا .. ثانيا بفلوسنا نطلع ناس تشكك الناس فى الدين الاسلامى عشان نخلى الدين اضعف .. زى اسلام بحيرى ومصطفى راشد وسيد القمنى وشيوخ الفتنه والضلال فى عهد مرسى !
فهمت بقى ليه بيستخدموهم
- طب انت ايه دليلك ان دى حرب دينيه؟
- لا .. انت قولى ايه دليلك انها حرب غير دينيه
فكر كده .. مين الدوله الوحيده اللى ساعدت الحوثيين ؟ ايووه ايران
فكر كده مين اللى دافع فى خطابه امبارح عن الحوثيين وايران ؟ ايووووه حسن نصر الله بتاع حزب الله .. واعتقد انت تعرف حزب الله شيعى ولا سنـــــــــى
بلاش دا كله
ارجع للكتب بتاعت الصهاينه والماسون .. اعرف خطتهم ايه
اعرفهم الهدف ايه
هتلاقى الهدف : سقوط الشام .. سقوط سيناء ارض الميعاد .. اراقة اكبر عدد من الدماء - والاهم من دا كله .. وضع السعوديه فى خطر من اجل هدم الكعبه .. كل دا تمهيداً لنزول الدجال لعنة الله عليه .. ولو رجعت للاخبار هتلاقى تهديدات من قيادات شيعيه ايرانيه انهم عاوزين يعملوا قبلة المسلمين فى كربلاء بدل الكعبه ..
واخرهم قاسم سليمانى العسكرى الايرانى الشيعى الذى قال للسعوديه لو مسستم مقدراتنا فى العراق .. سأصلى المغرب فى البقيع وفى الفجر سأضع راية الحسين فوق الكعبه ...
** كل دا وتقولى الموقف سياسى مش دينى
عامة انا بشر اخطىء وأصيب ولكن من حقى اقول وجهة نظرى
انا قولتها من سنين وكررتها قصادكم وهافضل اكررها الى ماشاء الله
كل ما حدث ويحدث وسيحدث فى العالم من حروب واحداث ما هو الا غطاء سياسى لصراع دينى ..
تقولى بترول .. تقولى استراتيجيات .. تقولى سياسه
ابحث عن اول حرب فى تاريخ البشريه
وستعلم ان كل هذا صراع دينى بحت
اسف للاطاله
E.E
Eslam Elbahrawy

- ياعم بقولك الفكره كلها سيطرة هلال شيعى على المنطقه لان فى الاساس الحرب حرب اديان - والنبى تسكت انت كل حاجه تدخلها ف...










Posted by