صناعة تاريخ من لا شىء - وهدم التاريخ بلا شىء - حرب السينما الامريكيه - بين احداث 11 سبتمبر ويسقط يسقط حكم العسكر
#بالفن تستطيع ان تصنع تاريخ لشىء من لا شىء
و #بالفن ايضا تستطيع ان تهدم حضاره وتدمر كل شىء
تفتكروا فى فيلم فى هوليوود بيتعمل .. مابتكونش كل لقطه فيه مقصود ومحسوبه ووراها هدف معين ..؟
تفتكروا ان الافلام معموله عشان ضرب رصاص وعربيات تطير ويجمعوا ملايين من الايرادات وبس ..؟
لشىء ما فى صدر العبد لله .. قررت انى اشوف مره تانيه فيلم
world trade center
اللى قدمه نيكولاس كيدج وبيتكلم عن احداث 11 سبتمبر .. اتنين من جنود المطافى اتحبسوا جوا البرج لما وقع وبيحكى الفيلم قصة انقاذهم
اللقطه اللى فى الصوره قصاد حضراتكم .. استوقفتنى جدا
فضلت اعيد ال 30 ثانيه دول مره والتانيه عشان أأكد لنفسى ان تفكيرى صح
ضابط جيش من مشاة البحريه الامريكيه بيشارك فى عملية الانقاذ
ومعاه ضابط شرطه من الشرطه المحليه
ضابط الجيش بيقدم مساعده للضابط المحلى
فبتلاقى الضابط المحلى بيسأله بيقولك اسمك ايه؟
يرد ضابط الجيش يقوله الرقيب اول كارنز
الضابط لبمحلى يقوله اسم اقصر.. يعنى بيقوله من غير القاب احنا وسط برج بيولع ومنهار قول اسمك ...
فيرد ضابط الجيش الامريكى .. ويقوله ( الرقيب اول )
** عارفين اللقطه دى محطوطه ليه ...
عشان حاجتين
- الحاجه الاولى .. الشاب والطفل الامريكى وهو بيتفرج على اللقطه دى هايترسخ فى وجدانه ان فى أحلك واصعب الظروف ضابط الجيش الامريكى ملتزم جدا ومش بيتخلى عن التزامه حتى فى مجرد محادثه .. ناس بتموت وبرج بينهار واى حد يسألك اسمك ايه هاتقوله فلان .. انتوا فى وسط كارثه..لكنه اصر انه مايهزرش ويقول رتبته
- الحاجه التانيه برضو اللى هاتترسخ فى وجدان الشاب او الطفل الامريكى
ان الضابط لما سأل ضابط الجيش وقاله قول اسم اقصر
ضابط الجيش تخلى عن اسمه .. واستخدم رتبته
يعنى بيقول الرقيب اول كارنز .. الطبيعى لو هايقول اسم اقصر يقول كارنز.. لا .. دا استغنى عن اسمه ... واتمسك بالرتبه .. اللى بيشوف اللقطه دى هايترسخ جواه معنى انك تتمسك برتبك وتتنازل عن اى شىء فى سبيل الجيش الامريكى حتى لو كان اسمك !!!
** هل حد عنده شك ان اللقطه والمشهد مقصود ولهدف معين
لو عندك شك فكر .. ايه لازمة المشهد فى الفيلم .. ولا اى لازمه
ولكنه اتحط عشان يؤكد على معلومه معينه
** هو دا الفرق
هوليوود صنعت بعبع اسمه امريكا من خلال افلام محاربة الفضاء والجنود اللى بيقتلوا 15 واحد بطلقه واحده .. رغم ان دا كله مش حقيقي وهم جيش يملك سلاح لكن لا يملك عقيده زى جيوشنا العربيه .. وعلى النقيض فى بلدنا .. اعلام بيقول يسقط حكم العسكر .. افلام ومسلسلات كل ضباط الشرطه فيها حراميه وظلمه وبيعذبوا .. من اول الكرنك لحد هى فوضى وامين الشرطه اللى بياكل ويشرب ببلاش وبيغتصب البنات !
** بالفن تصنع امه .. او تهدم تاريخ امه
مشهد استوقفنى كتير وانا بشوف الفيلم
وحبيت ابينلكم الناس دى بتفكر ازاى
وبتربى ولادهم ازاى .. مش زى ما انتوا فاكرين ان الجنس والعهر مالى افلامهم .. لا..فى افلام كتير بيعملوها عشان يبينوا بطولات حتى لو وهميه عشان يطلعوا جيل متمسك بأمريكا وواثق فيها
E>E
Eslam Elbahrawy
#بالفن تستطيع ان تصنع تاريخ لشىء من لا شىء و #بالفن ايضا تستطيع ان تهدم حضاره وتدمر كل شىء تفتكروا فى فيلم فى هوليوو...Posted by Eslam Elbahrawy on 28 مارس، 2015
