مواقع الكترونيه تعرض اماكن الكنوز المدفونه فى مصر من ذهب واثار ويتم البحث عنها بشكل شخصى
بوست اعتراضى كده لحاجه ناوى اتكلم فيها
اقسم بالله العظيم .. اقسم بالله العظيم .. اقسم بالله العظيم
مصر مليانه كنوز لا يعلم حجمها و مداها الا الله
حاليا .. فى اللحظه اللى بتكلم فيها
فى مواقع الكترونيه موجود بالفعل
يتحدث الاعضاء عن كل الكنوز اللى بيلاقوها فى مصر
خاصة منطقة اسوان والواحات
المواقع دى .. بيكون الموضوع مباشر قدام عينك
صاحب الموضوع بيحط صوره للمقبره او المكان اللى وجد فيه الاشاره
وبيبتدى رد الاعضاء عليه .. وبيكون اصحاب المنتدى او الموقع موجودين
اشخاص بتفهم فى فك الرموز الفرعونيه و واشارات الدفائن والخرائط وما الى ذلك
ويبدأوا يكلموه فى الخطوات اللى لازم يعملها
بل احيانا بيتكلموا عن احتياج المقابر لشيوخ لفتحها وجوا الموضوع بيكون فى ردود تفيد صاحب الموضوع يروح للشيخ الفلانى فى محافظته لان هو اللى هايفيده !
اللى يجننك .. ليس كل ما سبق
اللى يجننك ... ان بعد ايام تجد رد من صاحب الموضوع
احيانا مصحوب بالصور
ان التجربه نجحت وانه نجح للوصول للغرفه الاثريه او غرفة الكنز
وبيحط صور من جوا الغرفه !!!!!
المقصود بالكنوز مش بس فرعونيه
فى ناس بتحط موضوعات لحاجات غريبه وكلها مدعمه بالصور والفيديو
واغلبها واقعه فى مناطق بعيده وغير مأهوله فى الصعيد والواحات
حاجه تحرق الدم
انك تتواجد فى مكان تتصفح فيه مئات الموضوعات عن الدفائن والكنوز اللى الناس لقيتها بسهوله .. واصبح المكان محل موضوعات كتير للاعضاء..ناس عاديه من بلدنا .. اللى ماشى فى ارض وشاف علامه .. اللى وقع تحت ايده خريطه قديمه .. مجرد انه يحطها جوا الموقع ويتم تحليلها وتفسيرها من خبراء الرموز جوا الموقع..ايام وتلاقيه بيقول انه حفر وتوصل للكنز !
الامر مش دعابه .. ولا مجرد كلام فى الهوا
لو كانوا بيقولوا ان الخليج عايم على بحر بترول
بلدنا مصر دى .. عايمه على بحر كنوز مالوش اول من اخر
** اخر حادثه سمعتها بودنى من صديق بيعمل فى مجال الاثار
ان 4 مومياوات لها اقنعه ذهبيه اكتشفوها فى الواحات بالصدفه .. ان رجل من رجال الواحات كان ماشى بالحمار بتاعه.وبعدين قضى حاجته .. وبعدين اكتشف ان مكان قضاء الحاجه عمل زى حفره او تجويف و دا كان مدخل لمقبره هناك !!!!!
حبيت اطرح الموضوع فقط لانه اثار دهشتى
وكان اللى نبهنى له احد اصدقائى من لبنان
وقريب هانفتح الملف دا بالصور والاماكن
E.E
Eslam Elbahrawy
بوست اعتراضى كده لحاجه ناوى اتكلم فيها اقسم بالله العظيم .. اقسم بالله العظيم .. اقسم بالله العظيم مصر مليانه كنوز لا...Posted by Eslam Elbahrawy on 29 مارس، 2015
