بالصور- تحقيق مهم - هل دافع نجل الشهيد العميد عامر عبد المقصود عن قتلة ابيه وعن ابو تركيه ام انها مهزله شاركت فيها اليوم السابع وبوابة فيتو



بالصور- تحقيق مهم - هل دافع نجل الشهيد العميد عامر عبد المقصود عن قتلة ابيه وعن ابو تركيه ام انها مهزله شاركت فيها اليوم السابع وبوابة فيتو


طيب .. هاتكلم وربنا يستر
لو طلع الكلام كدب يبقى لازم وقفه 
ولو طلع الكلام صح يبقى عليه العوض !
بسم الله الرحمن الرحيم
بصراحه دايما مخى بيرفض يقبل المعلومه زى ما هي
لو مكانتش ادور وراها وابحث بحس انى عاجز بيسقوه الدوا وهوا نايم ومش عارف اذا كان دا دوا ولا سم
بقلب فى الاخبار وبتابع هنا وهناك 
واذ فجأه .. لقيت حاجه شميت فيها ريحة سكه شمال
شوف يا سيدى
اولا انا حاطط صور فى البوست .. وكل صوره برقم فياريت لو سمحتم تهتموا تشوفوا الصور

فتحت اليوم السابع لقيت التصريحات التاليه

1- دشن نجل الضابط الشهيد عامر عبد المقصود، الذى استشهد فى أحداث كرداسة هاشتاج (نجل_شهيد_كرداسة_يدعم_ابو_تريكة) عبر الفيس بوك، ليعلن من خلاله تعاطفه مع لاعب الأهلى السابق محمد أبو تريكة رغم ما يتردد 
عن تورطه فى الأحداث التى شهدت استشهاد والده

2- فى الصوره رقم 1 



ورد أحمد عامر عبد المقصود على بعض الشائعات التى ترددت عن علاقة والده بأبو تريكة، قائلاً: "رغم تورط محمد أبو تريكة فى حوارات كرداسة فى رأيين أنا شايفهم، أولاً بما إنى إبن عامر عبد المقصود شهيد مذبحة كرداسة فلازم أتضايق وأثور ضد تريكة وأقول عليه إخوانى وعميل، أما النظرية التانية إنى أكون زى أى حد من الشباب إنه يعمل عبيط ومايصدقش الحاجات دى عن تريكة وإنه يقول إن تريكة مش بتاع مشاكل والكلام ده". وتابع قائلا: "أنا اخترت بقى عن نفسى رأى تالت خالص إن أبو تريكة سواء كان إخوانى أو بنى آدم عادى فأنا ماشفتش منه حاجة 
وحشة بالعكس أبو تريكة فرح مصر كلها أكتر من مبارك ومرسى والسيسى أما عن موضوع أخونته وإنه كان بيجيب مولدات لرابعة فبعد بحث طويل لم أجد أى صورة لأبو تريكة فى رابعة ولا شوفتله أى صورة وهو بيوزع مولدات 
هناك". واستطرد قائلاً: أما عن موضوع إنه طلع أم متهم من متهمين كرداسة لعمرة فأنا شايف إن ده عمل خير ومش عشان هى ابنها متهم تبقى ست مخطئة زى ما أنا بيتى اتخرب بموت والدى الله يرحمه لقيت الناس اللى اتعكز 
عليها وقومتنى من تانى.. الست دى أم المتهم لقت اللى تتعكز عليه وقومها من تانى اللى هو أبو تريكة". وأضاف 
أحمد عامر قائلاً: "أنا ضد التحفظ على أموال أبو تريكة، أنا عاشق لأبو تريكة، أبو تريكة خط أحمر وان شاء الله ربنا بيحب الرجل ده وهيثبت برائته".

3- ووصف أحمد عامر زيارة أبو تريكة لوالدة المتهم بقتل الشهيد، وعدم تعزيته لهم فى وفاة والده بانها حرية شخصية قائلاً: "تريكة راح يواسى ام احد المتهمين اه حصل بالفعل وماجاش عزى فينا فعلا والشهادة لله انا شايف 
ان تريكة له الحرية الكاملة فى اللى عمله وشايف انه مالوش دخل فى اللى حصل لابويا".

4- لحد هنا وانتهت التصريحات .......؟
وبعدين قعدت افكر .. هارسود يا جدعان 
يعنى انا ابويا لو اتقتل وشرب مية نار وفى حد مشكوك انه جايز يكون منتمى لنفس الجماعه اللى قتلته .. وهاقول انى بحبه ؟؟؟ واقول على والدة اللى قتل ابويا انها من حقها تطلع عمره وست طيبه ! 
الله.........؟

5- قلت اكمل تصفح للاخبار .. لقيت الخبر نازل على بوابة فيتو
وهنا .. قعدت ادور زياده فمش لقيت الخبر فى مكان تانى
فقط اليوم السابع وبوابة فيتو و دا اللى خلانى اشك فى الموضوع لان الموقعين بصراحه تاريخهم مشرف فى المصداقيه !!.؟

6- بحثت عن الاكونت اللى بيقولوا فيه انه لنجل شهيد كرداسه 
ولاحظت شوية حاجات
اولا الحساب شكله مش طبيعى
صورة رقم 2



المواد اللى محطوطه عليه والبوستات وعدد الكومنتات ! اللى زاد اللايكات عليها فقط بعد نشر كلام اليوم السابع
وتعمد صاحب الحساب فتح بروفايله عشان يتنشر عليه روابط كلامه الموجوده على اليوم السابع وبوابة فيتو
ثانيا :
اخر بوست للحساب ( صورة رقم 3 )



 بيقول انه مش هايقدر يقبل طلبات صداقه تانى لان العدد وصل ل 5 الاف بعد ما انتشر كلامه الكويس عن ابو تريكه وبيطلب من الناس تعمله فولو .. والبوست اللى قبله قال انه جاله 2000 طلب 
صداقه فى يوم واحد بعد نشر الكلام .. لكن .. لما بصيت على الفريندز فى نفس اللحظه 
( صوره رقم 4 )



لقيت عدد الاصدقاء للاكونت دا 1168
يعنى ولا 5 الاف ولا حتى الفين !
فهل ممكن يكون الاكونت معمول للفبركه والشهره .....؟

** الغريب انى مش قادر اوفق بين الكلام 
يعنى فى الصوره رقم 5 



زوجة الشهيد عبد المقصود بتقول نفسى افجر نفسى فى ارهابيي كرداسه 
يجى ابنه يقول حتى لو ابو تريكه اخوانى فأنا ماشوفتش منه حاجه وحشه لانه فرحنى وفرح مصر اكتر من مبارك ومرسى والسيسي !!!!!!!!!!؟

** لحد هنا مهمتى انتهت ...
مطلوب بقى من اى اعلامى همام يدور على ابن الشهيد عامر عبد المقصود ويعمل معاه مداخله
هايكون فيها سؤال واحد مدته 10 ثوانى
هل انت اللى قلت الكلام دا و دا رأيك عن ابو تريكه وعن اللى قتلوا والدك ولا لا ؟؟
لو قال لا .. وقتها يحق له يرجع بالتعويض على فيتو واليوم السابع لنشر اخبار كاذبه ومن حقنا احنا كرأى عام بيتم تضليله انه يقفل الجريدتين دول
اما لو قال اه
وهو فعلا شايف ان عادى يكون ابو تريكه اخوانى بس هو بيحبه 
وانه عادى ان اللى قتل ابوه اخوان بس مش معنى ان ابو تريككه اخوانى يتاخد بنذبهم
يبقى على الدنيا السلام وسلام عليكم وعليه العوض ومنه العوض
E.E
ESlam ELbahrawy




طيب .. هاتكلم وربنا يسترلو طلع الكلام كدب يبقى لازم وقفه ولو طلع الكلام صح يبقى عليه العوض !بسم الله الرحمن الرحيم...










Posted by