بعد تكرار حوادث قتل الحيوانات - وقتل صغار الكلاب فى شارع رشدى بالاسكندريه - احذروا من دواعش الداخل



بعد تكرار حوادث قتل الحيوانات - وقتل صغار الكلاب فى شارع رشدى بالاسكندريه - احذروا من دواعش الداخل

اصحوا وفوقوا 

الصوره دى لكلبه .. شارع رشدى فى اسكندريه 
ولدت صغارها وكانت موجوده فى الشارع هناك
وفجأه يظهر ( داعشى ) من الدواعش اللى اصبحوا دخلاء على مجتمعنا
يجيب خشبه فيها مسامير ويضرب الكلاب الصغيره على دماغها لحد ما قتلها
ايا كان السبب .. فى حد ممكن يعمل كده فى روح؟؟
شهادة اهل المنطقه بتقول ان الكلاب مش سعرانه ولا أذوا حد 
والغريب ان اهل المنطقه بيقولوا ان الكلبه الام مازالت منذ وقوع الحادث وحتى الان بتروح لنفس المكان اللى اتقتل فيه صغارها وتبدأ فى العويل !

فاكرين يوم ما كتبت بوست بقارن بين طموح حمدى صبى الميكانيكى اللى بياخد اربعين جنيه فى الاسبوع وراضى وبين الطيارين اللى بياخدوا الوفات ومش عاجبهم
يومها قلت جمله فى البوست :
ان فى بنى اّدم راضى ورغم ظروفه رافض يكون كلب 
وفى كلب ناقم ورغم رفاهيته رافض يعيش بنى ادم !

احنا عايشين وسط كلاب متنكره فى زى بنى ادمين 
وصدقونى اقسم بالله السكوت على تكرار الحالات دى وسط صمت مجتمعى هايخلي فى يوم من الايام احنا اللى هانتدبح زيهم كده ولا حد هايعبرنا

اى قضيه دمويه بتبدأ فى البدايه انك تكرر المشهد
العين تتعود عليه
يصبح فعل المشهد امر طبيعى

بصوا فى فلسطين والعراق واى دوله فيها حرب
الاول ننزعج من خبر قتيل واحد ومع تكرار الخبر بقينا نصبح على اخبار وفيات للمئات واصبح الامر مجرد عدد ومجرد خبر !

مش بطالب اننا نعمل وقفات للكلاب او نلملهم تبرعات
لان فى ناس فى البلد دى مازالت محتاجه وعايشه زيها زي ....؟ 
لكن انا بطالب بالرحمه .. بطالب اننا ننزع الهمجيه والفوضى اللى طفحت فجأه بعد وقوع النكسه المشؤومه اللى خلت القتل والحرق والتكسير عادى ومسموح ! 
واظهرت اووووووسخ ما فينا .. عدم الرحمه وانعدام الاخلاق

E.E
ESlam Elbahrawy

اصحوا وفوقوا الصوره دى لكلبه .. شارع رشدى فى اسكندريه ولدت صغارها وكانت موجوده فى الشارع هناكوفجأه يظهر ( داعشى ) من...










Posted by