بين الشعب ومرسى وعيد ميلاد مبارك وزيارة جمال للاهرامات - انتوا عاوزين ايه؟
بجد اقسم بالله الناس فى مصر مش طبيعيه
شعب منصب نفسه حاكم على بعضه وكله شايف نفسه صح والباقى غلط
تتكلم عن مبارك
ناس حارقها ان جمال مبارك بيروح عزاء
وناس حارقها ان مبارك طلع اتكلم يوم تحرير طابا
وناس حارقها ان مبارك وولاده مش عارف بيعملوا ايه
يا اخى بجد انتوا ازاى كده
هو انتوا ليكوا حاجه عنده؟؟؟
هو مش انتوا بتقولوا دولة قانون وبلد قانون
وكلنا متفقين ان البنى ادم فى البلد دى مجرد وووورق
وانك لو كنت مين وماشى من غير بطاقه بتتاخد تحرى لانك مش معاك ورق
طيب الراجل بالورق طلع براءه .. وبالورق وبحكم محكمه براءه
يروح او يجى بقى ..يقلع ملط .. هو حر يا عم
تسأل الواحد من دول
يقولك اصله قتل وسرق
تقوله ياعم مش القضاء حلو ومستقل ..؟
يقولك اه .. تقوله طيب ماهو القضاء برأه ..؟
يقولك ماهو اصله كان مظبط الورق يابا
ياعم وماله حتى لو مظبط الورق..انت قبلت من زمان ان بلدك تبقى بلد ورق
وبالورق طلع براءه ...
يجى واحد تانى يقولك شوف التع...........؟ مطلعينه يتكلم فى التلفزيون
تقوله ياعم وماله ماهو الحج احمد والحاجه زينب والناس كلها بتتكلم فى التلفزيون؟
يقولك لاااااااااا اصل دا استفزاز للشعب
ياعم دا راجل مواطن مصرى كان عليه قضايا وطلع منها هو حر
يقولك بأمارة ايه يستضيفوه يوم تحرير طابا...؟
يابنى مش هو دا اللى وقف ورفع العلم فى المناسبه
يعنى هو يرفع العلم على الارض دى ونجيب احنا محترف قطرى يحتفل بالمناسبه مثلا !!!!!
يرجع يقولك ايوه بس المفروض الاعلام مايجيبوش
تقوله يعنى انت عاوز واحد طلع براءه وكان جندى فى الجيش المصرى وشارك فى حرب وحكم لمدة 30 سنه له ما له وعليه ما عليه .. وحرر ارض .. ورفع العلم المصرى على طابا وكمل اللى كان بيعمله الريس السادات .. كل دا ومش عاوزه يطلع يتكلم .............؟
امال ماشوفتش بوءك اتفتح يعنى لما كانوا بيعملوا حوارات وينشروا تسجيلات لجاسوس ارهابى ينتمى لجماعيه ارهابيه وهو لسه مدان فى السجن ومش اخد براءه ...؟
وقتها تلاقى الاخ سكت ويبدأ يمشى بمبدأ النكسيجه ويقولك
والله اقولك على حاجه .. كلهم اوسخ من بعض grin رمز تعبيري
** انا مش بطبل ولا انا جاهل ولا انا باخد مرتب من حد عشان اقول كلام معين .. انا مؤمن براجل انا عيشت عمرى فى عهده .. عارف ان كان فى اخطاء وكان فى فساد وكان فى سقطات .. دا طبيعى .. زى ما كان كل دا موجود ايام السادات وعبد الناصر .. وموجود حاليا فى عهد السيسي واللى ينكر يبقى مش محايد .. لكن دا الطبيعى لان دول بشر لازم يغلطوا فى قرار او اداره .. كل واحد له وعليه
ناس مش عارفه هى عاوزه ايه
القضاء لو بيحكم على اخوانى يبقى حر ومستقل
لو حكم لمبارك يبقى قضاء فاسد من العهد القديم
الاعلام لو شتم فى الاخوان يفرحوا
ولو استضاف اخوان او ملحدين او شواذ جنسيا .. يتكتموا ويسكتوا ولا تعليق
انما لما يطلع راجل يتكلم فى مناسبه هو شارك فيها ..؟ يعملوا فيها عنتر بن شداد
من الاخر اللى يعرف يعمل زيه يعمل
واللى ماسك عليه ورقه يقدمها
واللى لسه بعد 4 سنين من الحقايق ولسه بيتحجج انه مش عارفين مين قتل المتظاهرين .. اقوله رغم انك اعمى ماتروحش تكشف على عينك .. لان العمى عندك عمى عقل وقلب جتك نيله
** Waiting For More Blocks
ومش مهتم اشوف اراء تانيه !
E>E
Eslam Elbahrawy