رساله لجمهور الاهلى صغير السن - ربنا مش هايكرم النادى الا بعد تصحيح تلك الاخطاء



رساله لجمهور الاهلى صغير السن - ربنا مش هايكرم النادى الا بعد تصحيح تلك الاخطاء

رساله لجمهور الاهلى ( الصغير فى السن ) 

صدقونى ربنا مش هايكرم الفرقه دى طول ما فيها اخوانجى وسخ بيلعب فى الفرقه 

** ربنا مش هايكرم الفرقه طول ما اكتر حاجه اشتهر بيها النادى الاهلى ضايعه منه وهى المبــــــــــــــــــــــــــــــادىء 

** ربنا مش هايكرم الفرقه طول ما فى مجلس اداره اعضاءه كلهم بيدافعوا عن الالتراس .. وبيفتحولهم النادى يعملوا جواه الدخلات بتاعتهم اللى من ضمنها اناشيد تشتم فى الداخليه وتحرض على عنف .. مجلس الاداره اللى كلهم مصاحبين بتوع اللتراس وهما اللى بيمشوهم 

** صدقونى المشكله مش مشكلة لاعيبه ولا مدربين 
انا لما قلت بوجه الكلام للمشجعين الصغيرين .. لانهم هما اللى ماشافوش الاهلى من زمان .. ومن زمان دى مش من 50 سنه .. لا عالاقل من 15 او 20 سنه ..
الاهلى ضاع منه المبادىء والروح .. انا افتكر جوزيه فى عز مجده مع الاهلى .. كان الاهلى ناقص لاعيبه لدرجة اننا لعبنا قصاد الهلال السودانى فى بطولة افريقيا وكان راس الحربه المدافع وائل جمعه .. لان الفريق وقتها ماكانش فيه لاعيبه .. لكن ....؟
كان الاهلى محتفظ بنفسه ككيان محترم 

** محمود بكر المعلق رغم انه بيدخل كل الاسماء فى بعضها ومش بحب اتفرج عليه الا انه النهارده قال جمله لخصت كل حاجه .. قال جماهير الاهلى مسئوله عن اللى بيحصل لفريقها .. وهو هنا بيقصد الالتراس .. العيال اللى ماعندهاش مسئوليه .. واللى بسببها النادى بيلعب فى سرادق عزاء مش ماتش كوره بسبب ان الاهلى اتحرم من اكتر حاجه كانت بترعب المنافس وهى الجمهور وصوته وتشجيعه 

** اهلى المبادىء .. لما ابراهيم سعيد احسن لاعب فى افريقيا فكر يتنطط مشاه وقاله الباب يفوت جمل .. اهلى المبادىء لما احسن حارس فى تاريخ افريقيا ومصر عصام الحضرى هرب من الاهلى ..الاهلى قاله بالسلامه .. اهلى المبادىء قبل كده لما فكر حسام وابراهيم حسن يتنططوا اخدوا بالجزمه ومشيوا وكانوا نجوم مصر وافريقيا ... رجعوا اهلى المبادىء هاترجعلكم البطولات والانجازات 

** ركز كده .. هتلاقى ان الوضع اتبدل والزمالك اخد من الاهلى اللى كان ناقصه فبدأ يتقدم .. عارفين اخد ايه؟؟ الاداره القويه .. الوضع بين الاهلى والزمالك تبدل .. الزمالك كان بيعانى من اداراته الفاشله والاهلى كان دايما بيتوصف انه صاحب اقوى اداره .. دلوقتى الزمالك عنده اداره قويه حازمه وقفت الالتراس عند حده .. علمتهم الادب .. فبدأ النادى يستقر ويتقدم .. روح للاهلى دلوقتى هتلاقى الوضع اتعكس 

** مصر كلها مش هايكون فيها كوره ولا رياضه طول ما بنطبطب وندلع ونسمح بالباطل والتكسير والحرق والبلطجه .. رجعوا الاخلاق والقانون .. الكوره هاترجع فى مصر 

** دا كلام من اهلاوى ابن اهلاوى 
بس انا فرحان من اللى بيحصل لان بداية التصحيح بتيجى لما بنكتشف العيوب وتحصل المصايب .. عشان نفوووووق شويه 

سيظل الاهلى فوق الجميع
وسنظل نحن فخورين بأهلاويتنا 
وسنظل ندافع عن الاحترام والمبادىء لان هذا ما تعملناه من الاهلى
ابدا لم تكن سياسة الشماريخ وخلع البناطيل فى المدرجات تمثل اخلاق الاهلى

E.E
Eslam Elbahrawy

رساله لجمهور الاهلى ( الصغير فى السن ) صدقونى ربنا مش هايكرم الفرقه دى طول ما فيها اخوانجى وسخ بيلعب فى الفرقه ** رب...
Posted by