للتاريخ فقط - معتز عبد الفتاح يعترف - ما كان لثورة يناير ان تحدث ومبارك كان برىء - وسيحكم التاريخ
** ومع الوقت - سيظهر الكثيرين ممن كفروا ب 25 يناير ومن ساندها
- معتز بالله عبد الفتاح
طبعا الاسم سمعته سابقاه
دا الراجل بتاع يسقط مبارك
ويسقط الطاغيه و
ويسقط الفساد
ومن بعده يسقط المجلس العسكرى
ومن بعده يتصور مع باسم يوسف ويمشي معاه المشوار ضد الدوله
احد من تواجدوا فى وزارة عصام شرف !!
احد من عملوا بقناة التحرررير فى بداياتها !!
احد كاتبى المقالات فى جريدة الشروق !
- هو لاعب على كل وتر و رجل كل العصور
يثنى على مبارك .. و يسبه
يتقرب من الاخوان ويدافع عنهم ويكون احد مستشاريهم .. ثم ينقلب عليهم
- نبذه مختصره عنه قد تعرض لكم شخصيته :
حكي ناشط كان زميلا للدكتور المعتز بالله عبد الفتاح قصة غريبة حدثت للأخير وذلك قبل 17 عاما من الان وهي القصة التي أثارت جدلا واسعا علي الفيس بوك .. وعدد هائل من "اللايك والشير" .
وقال الناشط : في امتحان الفرنساوي بتاع ثانوية عامة جالنا سؤال موضوع التعبير بيقول "تخيل نفسك حنطور قديم، واحكي عن يوم من ايام عملك"
انا مش بهرج السؤال ده فعلا جالنا في امتحان الثانوية العامة سنة 1989، وأرجعوا لكتب المراجعة وانتوا تلاقوه.
طبعا الناس كلها اتكلمت عن الحكاية دي، حتى انا فاكر أنيس منصور في العمود اليومي بتاعه في الأهرام قال "انا حاولت اني اكتب بالعربي عن الموضوع ده بس ما عرفتش أقول ايه".
لدرجة انهم أطلقوا على الدفعه بتاعتنا "دفعه الحنطور"
طبعا خيالنا ماكانش واسع زي الأيام دي وإلا كنا كلنا كتبنا "اركب الحنطور واتحنطر"
وأضاف: في السنه دي الاول على الجمهورية في العلمي كان اسمه حازم توفيق كان جايب 95٪ (هو دلوقتي دكتور في كلية هندسة) تخيل أولنا كان جايب 95٪
والأول في ادبي مش فاكر اسمه، بس فاكر اللقاء اللي عملوه معاه
هو واد كان شكله معفن اوي، ولما المذيع كان بيساله ايه شعورك وانت الاول على الجمهورية، ساب السؤال خالص
و رد عليه وقاله "انا بشكر السيد الرئيس حسني مبارك وبشكر ماما سوزان، وكنت دايما بشوف كل الخطب اللي الرئيس مبارك بيقولها في التلفزيون، ونزلت السنه اللي فاتت في الانتخابات الرئاسية بتاعته" (أكتوبر 1987)،
انا طبعا ما قدرتش استحمل باقي اللقاء وقلت ايه الواد ده،
واضح انه عايز يبقى وزير، وقلبت القناه (على أيامنا كانوا قناتين بس في التلفزيون كله)،
وتابع : بس فضل اللقاء والواد ده في بالي مش عارف ليه، لغاية ما شفت الواد ده تاني في الفضائيات بعد تقريبا 20 سنه، نفس الواد وضحكت في سري وقلت واضح انك عرفت طريقك كويس.
وأردف: ومن ساعتها وانا بشوفه كتير في الفضائيات وبيمارس "هوايته" باحتراف شديد كل يوم.
ااااه افتكرت اسمه ايه، اسمه معتز عبدالفتاح
** عبدالله خطاب، مستشار وزير «مالية» الإخوان، قال على «فيسبوك»: «معتز عبدالفتاح.. كان شغال مستشار للدكتور هشام قنديل، وطلب منه أن يكون ذلك فى السر خوفا من الإعلام.. وفى الوقت نفسه كان شغال مستشار للمجلس العسكري، وهو من شجعهم على عزل الرئيس (هو اللى قال كده بنفسه).. ودلوقتى عامل ناصح أمين للإخوان».
**************************
الان .. ما ستقرأونه هو تفريغ لفيديو مدته دقيقيتن
لمعتز بالله عبد الفتاح فى برنامج على قناة المحور يوم الثلاثاء الماضى
وهو يتحدث عن الرئيس مبارك :
انا قلت لحضراتكم قبل كده اكثر من مره ان هذه البلد مستقره بفضل ربنا
وانا بقول كده لانى بعد ما دخلت حكومة مصر بعد ثورة 25 يناير
انا اخدت كده خطوه وقلت .. لا .. الثوره دى ماكانش المفروض تحصل
لان الافتراض الاساسي لقيام ثورة 25 يناير ان مصر كانت مصر بسبب مبارك
لكن اللى اتضح لنا كلنا ان مبارك كان مبارك بسبب مصر
يعني ايه؟
احنا كنا فاكرين ان مصر كانت وحشه عشان مبارك كان وحش
فمشي مبارك ومصر تبقى حلوه
لكن مشى مبارك .. واكتشفنا انه اتضح ان مشاكل مصر اكبر من مبارك
دا مشاكل مصر ممكن تكون المصريين نفسهم
ممكن تكون حكومه .. ممكن تكون حاجات كتير اوى ملخبطه
وهذا الوضع ليس فقط بمصر
لكن . الناس فى ليبيا كانوا مفكرين ان ليبيا بقت ليبيا بسبب القذافى
ولكن الحقيقه ان القذافى كان القذافى بسبب ليبيا
ما معناه ايضا ان القذافى وسياساته كانت راجعه لطبيعة ليبيا كدوله وشعب مش بمزاجه
كذلك العراق
كنا مفكرين ان العراق كانت حالها صعب بسبب صدام حسين
فنخلص من صدام واول ما نخلص منه هنلاقي العراق بقت سويسرا مثلا
واكتشفوا النهارده ان صدام حسين كان بشكله اللى شوفناه بسبب طبيعة الشعب العراقى
**************************
عرفتوا مين كان بيساند النكسه واشكالهم ايه
عرفتوا انهم ناس بلا ضمير او مبدأ ويسعون وراء المال فقط
شهاده للتاريخ .. شهادة واحد من اهلـــــــــــــــــها
E.E
Eslam Elbahrawy
