اقرأ النص للكلمه الاقوى للسيسي منذ توليه الحكم فى مصر - انفعال ورسائل مباشره وقويه فى مؤتمر الشباب بالاسماعيليه
اضع بين يديكم التفريغ الكامل لنص كلمة الرئيس
لمن لا يستطيع مشاهدة الفيديو
فى كلمه هى الاقوى منذ توليه الحكم فى مصر
الرئيس السيسي ينفعل ويوجه اخطر 20 رساله للمصريين وللعالم الخارجى
اثناء مؤتمر الشباب بالاسماعيليه
الرئيس تحدث عن كل شىء
الحديث عن تغيير الوزراء
عن محدودى الدخل و غلاء الاسعار
عن المؤامرات الداخليه والخارجيه
الحديث بشكل قوى عن الدول التى تريد هدم مصر
الحديث عن امكانية عدم الترشح مره اخرى
والحديث عن البديل الذي قد يحل مكانه
لقاء مدته 25 دقيقه ولكن كل دقيقه بها رساله قويه جدا
جعلت الجميع يتفاجىء من اداء الرئيس و رد فعله فى تلك الكلمه
====================
لمشاهدة الفيديو كامل 25 دقيقه
بإمكانكم الضغط على الرابط التالى للمشاهده على اكثر من سيرفر
او
=============
نص الكلمه
1- جيبنا مليون وزير وكل واحد يقول هاعمل واعمل واعمل
طيب اهو كل واحد بييجي ويمشي
ماعملناش ليه .. ؟؟
==========
2- من سنه ونص قبل تعويم الجنيه وطلبت من وزير التموين عاوزين نزود حجم المنافذ
جيبنا المستثمرين وقولتلهم هاديكم اى ارض عاوزينها
وهاديكم اى ترخيص
بس نعمل حجم منافذ يغطى مصر
وبعد 6 شهور ...
حصل تراجع كبير
============
3- انا عارف ان الطبقه متوسطه غضبانه بسبب المعيشه لكن انا عملت القعده دى عشان نشوف..لو اداءنا هو السبب..احنا مستعدين نمشى
=========
4- ما نعانى منه هو نتيجة عدم المواجهه لسنوات طويله وانا لا اقصد بهذا اسقاط على اى شخص
===============
5- انا مش خايف من اللى هاقوله دا .. ومحدش غيري هايقوله لان الكل بيخاف يتهاجم انما انا لا .. اللى حصل فى 25 يناير كان توصيف مزيف .. كان وعى
مزيف .. لذلك وانت بتتحرك وقررت تشيل .. شيلت مستقبلك بإيدك
( يقصد التدمير والخراب اللى حصل فى مصر وقت 25 يناير )
عاوز تتحرك تانى المره دى .. انت هاتضيع بلدك خالص انت واولادك و اولاد اولادك
=========
6- امبارح كنت بكلمكم وبقولك احنا دوله فقيره .. يعنى ايه دوله فقيره ؟
يعنى دوله موارده شحيحه و دا بقاله سنين طويله
البلد دى اتدبحت فى حرب 67 وانتهت حركة تقدمها
لازم تعرفوا ان الدول زى ما بتضيع فى سنين طويله ..برضو بتقوم فى سنين طويله
==============
7- انا قررت اعملكم وعى حقيقي واصارح الرأى العام
لان فى 2011 الناس كان وعيها مزيف ومش عارف ليه احنا كده
( يقصد ليه حالتنا الماديه وحشه )
لكن انا دلوقتى عاوز اعملكم وعى حقيقي عشان تفهموا ليه احنا كده
=============
8- لن تشعروا بمعدل النمو بتاعكم
طالما معدل الزيادة السكانيه بتاعكم بيزيد بمعدل 2 و نص فى الميه
المشكله دى موجوده من ايام عبد الناصر والسادات ومبارك ولحد ما انا جيت
دايما الزياده السكانيه بتضيع اى نمو
===========
9- انا قلت اكتر من مره
هدفنا واحد وهو تصبيت الدوله المصره عشان ماتقعش
وانا بوعيكم عشان تفهموا ومحدش يغضب
انا من ايام ترشحي للرئاسه قولتلكم ان ميزانيتكم متقسمه
ربع للدعم و ربع للدين الداخلى وربع للسلف اللى مصر استلفته
قولى بقى يتبقى ليك ايه انت كمصرى اقدر اعملك بيه حاجه تليق بقيمتك
===========
10- قسما بالله الجيش بيقوم بدور فى التمنيه موازى للدوله بالضبط
دا انا شغلت الجيش عندكم
بيقاتل الارهاب
وانا اسف مش عارف اقول الكلمه دى ولا لا
بس كمان مشغل الجيش تحت رجليكم
عشان ماتقعش مصر
============
11- مشكلتنا اننا بنتكلم فى القعده دى كلام حلو
لكن مفيش تنفيذ
بدليل مشروع المليون ونص فدان بقاله سنه ونص
وزارة الزراعه ووزارة الرى كل ما يحددوا المساحات يتراجعوا
انا مش بشتكى المؤسسات ليكم يا مصريين
لكن ىد الحقيقه .. وكل شويه تقولولى شيل وزير
هو كل وزير يقعد خمس شهور امشيه
يبقى في المصداقيه بقى
==========
12- انا بعمل القعده دى يا فندم كل شهر
لان ببساطه محدش فى الاعلاااااام هايقدر يوصل رسالتى دى بنفس المصداقيه والامناه والشرف دا
=============
13- احنا عندنا خلل فى كل مؤسساتنا
الله وبتقول الكلام دا على الهوا ؟
ايوه بقوله على الهوا
ايوه .. لان الاخطر منه انهكم ماتعرفوش.. ولما ماتعرفوش بتتحركوا .. ولما بتتحركوا بتهدوا بلادكم وبتضيع وتبقى ماكسبتش حاجه
لا انا هاقول .. وهاقول على الهوا عشان تصبروا وتتحملوا ومفيش غير كده
=============
14-اهتموا بحالكم وببلدكم ..حد فيكم دلوقتى والناس بتتكلم فكر يكتب وراهم اللى بيقولوه؟
طب انا قلت اننا هانجيب مليون راس ماشيه
قولولى بقى مين هايجيبهم؟ ومين هايعملهم ؟
ويوجه الرئيس كلامه للسيد صدقى صبحى ويسأله
قولى يا فندم طن اللحوم الحيه بكاااام ؟
فيرد صدقى صبحى : اكتر من 2750 دولار للطن
انا عشان اعمل المليون راس ماشيه محتاج اكتر من 60 مليار جنيه
منين ؟؟؟؟؟؟
عشان اعمل 100 الف صوبه زراعيه عاوز 100 مليار جنيه ... منين؟
عشان اعمل المزارع السمكيه محتاج 30 مليار جنيه .. منين ؟
وبعدين ....
محدش برضو يقولى طب هاتجيب منين
==============
15- من خمسين سنه لما كنا 17 مليون ..لما مصر كانت بتدعمهم كانت بتعطى دعم محترم .. لكن دلوقتى ومصر بتدعم 90 مليون اكيد الرقم هايقل
وهانكون محتاجين ارقام اكبر
طب الارقام الاكبر دى موجود ولا لا ؟؟
طب الدوله بتنتج ولا لا ؟
============
16- انا لما كنت بقول من فضلكم سيبوا الفكه بتاعتكم فى البنوك
خرجتم وقعدتم تقولوا شوف الراجل بيقولنا سيبوا الفكه
شوفتوا السخريه من حالنا ازاى
لما بقول للناس ناكل يوم وماناكلش يوم
يقولك شوف الراجل بيتكلم فى ايه
لا حول ولا قوة الا بالله
لا حول ولا قوة الا بالله
===========
17- عاوز اقولكم على حاجه
انتوا هاتتحملوا سنه كمان
سنه وبعد كده فى انتخابات
واختاروا ما شئتم
وربنا يعين ويوفق اللى يجي
اسمعوا الكلام .. حطوا ايديك مفى ايدين بلدكم مش فىلا ايدي انا
مصر حاربت كام حرب ..
والحرب دى تكلفتها كام
حاربنا 3 حروب ؟ 56 واليمن و 67 و 73
انا بقى عاوز اسألكم لو كان السادات ماعملش السلام
الله يرحمه .. وقت ما كان بيقول الكلام دا
كان الناس بتقول الراجل خان القضيه
لكن الراجل كان قاعد مكانى هنا وبيفكر فى البلد ومستقبلها وعرف ان الحل
لا يمكن يكون غير بإننا نفك نفسنا من الحروب والضياع
ولما عمل الاصلام فى 1977 ونتيجة لاننا كلنا ماكناش عارفين حاجه
اتحركنا ضد الاصلاح اللى عمله السادات
والراجل خاف..او تراجع لان الامور خرجت عن السيطره
=============
18- لن تقوم مصر الا بصبر شعبها وعمله والتضحيه
اى حد تانى غيري يمكن يحل المسأله بشكل مختلف
انا مش بتخلى عنكم
الا لو قولتولى امشى
يا جماعه يا مصريين ياللى بتسمعونى
انا عملت المؤتمر دا كل شهر
عشان تسمعوا وتتحملوا شويه معايا
انا مش بدخل فى صدام مع مؤسسات او اجهزة دوله
ولازم احافظ على كل الموجود
ولو مؤسسه عاوزه تتصلح بصلحها بس بالراحه
هو ايه اللى بيحدد دلوقتى وعى المواطن المصرى بذمتكم؟
هل الاعلام .. ولا الاعلانااااااااااات ؟
============
19- انا عاوز اقولكم على حاجه
انت لما يكون عندك فصيل جوا مصر
بيدخل يهد فى البلد اللى محتاجه حق كتر لتر بنزين احرك بيه عربية شرطه عشان تعمل تأمين فى حته
طب انت لما تهدها انت هتلاقى ايه تقوده؟
مش هتلاقى حاجه ..هتلاقى حراب ودمار
اللى هايحافظ على مصر ولا الجيش ولا الشرطه
عامل الاستقرار الرئيسي هو وعى الشعب المصرى وتماسكه
وكل اللى بيتعمل فيكم فى الاربع سنين اللى فاتوا كان الهدف منه
هو ان يتم تزييف وعيكم ثم تحريك الوعى المزيف دا
لان انتوا لو بتتكلماو عن ان حد يحاربنا حروب خارجيه
لا..محدش بيحارب حروب خارجيه فى مصر
الامر مش بسيط وله مواثيق دوليه وحاجات كتير عشان حد يحاربك
وبعدين تكلفة الحرب النهارده هااائله
وبعدين الجيش المصرى بخير و دى النقطه اللى ربنا انعم علينا بيها
فمحدش هايحاربكم من برا
طب احنا بنمتلك الاسلحه والامكانيات دى ليه؟
عشان فى الكام سنه اللى فاتوا حصل خلل فى منطقتنا فى سوريا وليبيا واليمن والعراق
فالحرب التقليديه دى مش موجوده
الحرب موجوده حرب عقول واعلام وارهاب
اهد مصر بأهلها من جواها
طب هاقولكم
بكام مليار جنيه اقدر اهد البلد دى واحاربها؟
ب 70 او 80 مليار دولار اقدر اهد البلد دى واحاربها حرب اسلحه
لكن اقدر اهدها من جواها بحرب العقول بحوالى 400 ولا 500 مليون دولار
شوفتوا الفرق ...
حرب العقول اخطر وارخص
=============
20- هاقولكم على حاجه
كتير بيسألونى انت ليه مش بترد على الناس اللى بتعمل معاك مواقف مش جيده
بقولهم كل ما حد يألمنى ويسيىء ليا .. كل ما ابص للبلد دى واقول لازم تطلع لقدام وتكبر وتبقى عزيزه
لما حد يزعلكم بلاش تطولوا لسانكم
لما حد يزعلكم او يتاّمر عليكم .. بصوا لنفسكم واشتغلوا وتماسكوا
هو بيعمل كده لانه مستضعفك ومستفقرك
اللى عاوز ياخد بتاره يشتغل ويصبر
