خطير - سناكس للاطفال موجود بداخله جوائز تحمل عبارات يهوديه - شكوى من مواطنين انه يسبب التسمم
بص يا سيدى .. دى سلسله مكتوب عليها كلمه بالعبرى
( استمتع بالشراء )
والسلسله دى هديه بتكسبها فى منتج كاراتيه ( سناكس )
اسمه Toys City
موقع فيتو زيه زي باقى المواقع عمل رقم للواتس اب تبعتلهم عليه اى خبر او حاجه ان ترصدها
بتاريخ 21 يونيو يعنى امبارح .. فى واحد بعت الصور دى للموقع
الموقع نشرها و بيقول ان اللى بعت الصور بيقول ان دا كاراتيه سناكس
الكيس منه ب 2 جنيه .. وجواه بتكسب ميداليات مكتوب عليها بالعبرى
** انا من الضهر وانا بحاول اوصل لمعلومه ورا الكاراتيه دا
** المعلومه الاولى انى دورت مالقيتش فى السوبر ماركت النوع دا
وجاتلى معلومه انه منتج بيتباع فى غزه واحتمال يكون تم تهريبه لمصر فى محافظات معينه
** المعلومه التانيه ..
صفحة الفيس الوحيده اللى لقيتها كاتبه عن المنتج دا
كان يوم 16 نوفمبر 2014 .. يعنى الموضوع مش جديد يا ( فيتو )
الصفحه دى هى ( كلنا مع الزعيم محمد مرسى ) !
وكتبت بوست محتواه :
د. اسلام مخلوف
تحذير :
زوجتى د.عزه كمال طبيبه اطفال اكتشفت زياده حالات الالتهاب الكبدى الوبائي حتى عند صغيرى السن والرضع وهو نادر ما يصيب الرضع وبمحاوله معرفه السبب اكتشفت اشتراك كل الحالات تقريبا فى تناول نوع جديد من كاراتيه الاطفال اسمه تويز سيتى toys city
والاغرب اننا عرفنا ان هذه الشركه بتوزع جوائز كبيره داخل معظم الاكياس تصل ل 100 جنيه فى الكيس الواحد !!!
ياريت الحذر واخبارنا باى معلومه فى هذا الشأن .
** المعلومه التالته ...
موقع فتكات . لقيت عليه حديث عن نفس الكاراتيه ..
وواحده من العضوات عامله موضوع بتاريخ 28 يناير 2015 يعنى برضو الموضع قديم يا ( فيتو ) و محتواه :
ايوه بلاش من الشيبسي ده اللي هو اسمه toy city
سعره ب 2 وشكله عامل زى شيبسي شومه كدا
وبيكسب فلوس مره ورقه ب 200 جنيه ومره 100
ومره 50 وماديليات واقلام وحاجات كتير والناس تشد منه وتاكل
ويا حرام مش عارفين انه مسمم و4 اطفال من بلدنا بسببه
فانا جايه اقولكم بالله عليكم لا تاكلو ولا تاكلو اولادكم منه
انا واحده من الناس كلت كيسين منه لحد دلوقت
والحمدلله ان عرفت ف الوقت المناسب
اللهم بلغت اللهم فاشهد
** المعلومه الرابعه ...
ان فى نفس وقت اعادة نشر الخبر القديم دا على فيتو
خبر فى المصرى اليوم بيقول ان فى مشروب فى الاسواق اسمه اهلا رمضان والمشروب دا اسرائيلى
** المعلومه الخامسه :
ان الاخبار دى كلها انتشرت فى اخر 48 ساعه .. وسط الهوجه اللى الاخوان عاملينها لان السيسي اعاد تعيين سفير لاسرائيل لاول مره منذ سحبه من 3 سنوات فى عهد المعزول مرسى !
** اخيرا .. عاوز اقولكم مقدرش جازم الكلام دا كله حقيقى او لا
لكن خلينا نقول ببساطه
لو الكلام مش حقيقى .. خاصة ان الخبر قديم وتم اعادة صياغته .. اذن مش هانستغرب .. عادة فيتو وال هاتشتريها ....؟
ولو الكلام حقيقى .. يبقى كل الامهات تاخد حذرها لو سمحتم .. ماتخلوش اولادكم ياكلوا من المنتج دا حرصا على سلامتهم
** انا هاضيف التعديل دا على البوست يا جامعه
بعد نشر البوست اتأكدت من اصدقاء بعتولى ان اولادهم قالولهم ان امنتج دا بيتباع قصاد المدارس وبيكسبوا فيه هدايا غاليه جدا وفلوس كتير
ياريت تحذروا الناس لو سمحتم ..
E.E
Eslam elbahrawy