مصر ونكسة يناير والطفل اللى عايز اللعبة
اسلام البحراوى
دايما لما كان يبقى عندنا ضيوف ومعاهم طفل صغير
الطفل يبقى عاوز يشد حاجة ويوقعها؟
فتقوم مامته تشيلها.. فالولد يعيط ويصرخ صراخ رهيب
يصعب عليا.. اقوم انا عشان اجيبهاله
تقوم والدته تقولى
سيبك منه.. لو المرة دى جبتهاله
هايعرف ان العياط وسيلة ياخد بيها اى حاجة
وكل مرة هايعيط وهايزيد فيها
سيبه يتفلق..ولما يتعب من العياط هايسكت
** دا اللى حصل معانا
ادينا للكلاب قيمة لحد ما نهشت فينا
مصر مش هاتقوم طول ما بنعمل نصب تذكارى لبلطجية
مصر مش هاتقوم طول ما بنقول ثورة يناير ( النكسة )
مصر مش هاتقوم طول ما بيطلع السيسى نفسه حتى ويقولك ان 30 يونيو امتداد ل 25 يناير
مصر مش هاتقوم طول ما الكيل بمكيالين شغال
مصر مش هاتقوم طول ما احنا بنقول نعديها ونعملهم اللى عاوزينه عشان يسكتوا
مش هايسكتوا ومش هايبطلوا
عارفين ليه
لان دايما لما تسكت لحد وهوا بيغلط
بعد فترة بيعتبر ان الغلط اللى بيعمله دا صح
وبيتحول الامر .. من انك ساكت عليه
الى ان فعل الغلط بقى حق مكتسب ليه
طول ما بتقول على اللى حرقوا الاقسام ثوار
طول ما انت بتصرف تعويضات لمسجلين خطر اتقتلوا وهما بيقتحموا قسم
طول ما انت بتحاكم ظابط لانه قتل واحد اعتدى عليه فى مكان عمله
البلد مش هاتقوم
يا تفوقوا
يا اما يفضل شوية عيال اوساخ متحكمين فيكم وفى مصيركم
دى النهاية..عشان نجيب من الاخر
