مخطط فاشل قامت به اسرائيل لكى يغضب الشعب على السيسي
اسرائيل والقرضاوى اشتركوا فى المخطط سويا
بواسطة اسلام البحراوى
تعليقا على اندهاش الناس من دعم رئيس وزراء
اسرائيل السابق للسيسي فى مؤتمر وكتبت بالنص :
شايف انزعاج من ناس كتير شافوا
امبارح رئيس الوزراء الاسرائيلى فى مؤتمر بيناشد امريكا مساعدة السيسي فى قيادته
لمصر !
فى المؤتمر قال باراك بالحرف :
انا سعيد ان السيسي ادخل مرسى الى السجن
واخرج مبارك من السجن
** اخدت بالك لعب على ايه؟ ايوووة شطوووووور
لعب على وتر الثورة والثورجية
عشان بتوع الثورة يتغسل دماغهم بالكلام ويقولك اه دا النظام القديم راجع
شوفتوا بيتلعب عليكم ازاى وشوفتوا التصريح طالع ازاى
اكاد اجزم ان حمدين هاياخد الفيديو دا فى مؤتمر من مؤتمراته
ماهو بيخدم نفس الفكرة .. والصورة وحمدين وباراك واسرائيل ايه؟
ماهو واااااااحد
مالك يا سيدى؟؟ قولتلى منزعج ليه؟؟ طيب وايه المشكلة
هو حضرتك ما تعرفش ان احد اساليب العدو عشان يخليك تشك فى اللى بتحبه .. ان
العدو نفسه يقولك ان مرشحك دا صديقى
هو حضرتك ما تعرفش ان السيسي اصبح اكتر شخص مكروه فى اسرائيل
لان السيسي هو اللى هدم انفاق حماس
حماس ذات الصناعة الصهيونية
وبغلق الانفاق .. اتقفلت حنفية السلاح والمخدرات اللى كانت بتدخل تخرب مصر !
هو حضرتك ما تعرفش ان اسرائيل اكثر المنزعجين من رحيل نظام الاخوان الذي كان
يؤمن لهم تخريب مصر بعيدا عن المساس بإسرائيل
بدليل ( صديقى العزيز بيريز )
هو حضرتك ماتعرفش ان اسرائيل قبلت ووافقت ان يحكم مصر ارهابيين وكان بالنسبالها
مش مهم ولكن كان الاهم والغير مقبول ان يحكم مصر قائد عسكرى لانهم عارفين ان فى
الحالة دى اسرائيل فى خطر !
هو حضرتك مش واخد بالك ان اللى بيمدحه رئيس وزراء اسرائيل دا واحد من الجيش
اللى علم اسرائيل الادب وهزمها شر هزيمة
تفتكر هايمدحوه كده لله فى لله !
هو حضرتك ماسمعتش ان السياسة لعبة قذرة وان كل الاساليب متاحة وان لما يكون ليك
عدو انت خايف منه حاول تقلب عليه الناس داخليا عشان تضعفه من غير ما تشترك انت
او يبان ان لك يد فى اللى بيحصل
هو حضرتك ماشوفتش الجواسيس الاسرائيليين اللى اتمسكوا فى التحرير ايام 25 يناير
وكانوا بيقولوا انهم مع الشباب ومع مصر واتضح فى النهاية انهم كانوا بيدعموا
الخراب وبيبثوا السموم فى عقول الشباب
لازم تبقى فاهم كويس ان الناس دى اول لما بتتكلم عن حد بتبقى كارهاه وبتحاول تلعب
عليه .. اليهود طول عمرهم مشهورين بالخبث
ففكروا ازاى يخلوا الناس تقلب على السيسي
وهما شايفين الشعب بكل طوائفه واقف معاه
قالوا مفيش غير المدخل بتاع اسرائيل لان اسرائيل عند المصريين حاجة مكروهه جدا
فخرجوا برئيس وزرائهم عشان يتكلم كويس عن السيسي
عشن يغسلوا دماغك ان السيسي مرضى عنه وانه صديقهم فتكرهه
عامة وكلمة لتلخيص كل دا
لو كانت امريكا ( الشقيقة الكبرى ) لاسرائيل .. راضية عن السيسي
ماكانتش قالت على اللى حصل انقلاب
وماكانتش دعمت وجود الاخوان فى الحكم
وماكانتش منعت عننا صفقات سلاح لمواجهة الارهابيين
ماتسلمش دماغك ليهم
سلم دماغك لنفسك وعقلك
والحرب لسه هاتكون اشرس
اللهم بلغت
اللهم فاشهد
E.E
Eslam Elbahrawy
النهاردة هاكمل الجزء التانى للخطة القصيرة
اللى الحمد لله الواحد كان كاشفها من قبل ما تحصل
تانى يوم المؤتمر الخاص برئيس وزراء اسرائيل
خرج علينا وبالصدفــــــــــــــــــــــه
مفتى الناتو القرضاوى يقول ان السيسي امه يهوديه
وان اسرئيل بتدعم السيسي وان السيسي اصدقائه كلهم من اليهود والاسرائيليين
وطبعا
كان واضح جدا ان اللى حط الخطة معلم كبير اوى
قسم الخطة على جزئين مالهومش علاقه ببعض عشان انت ماتقدرش تربطهم ببعض
دا رئيس وزراء اسرائيل ودا شيخ عربى
لكن كان عاوز يلعب على مخك ويسيطر على عقلك
لما تشوف رئيس وزراء اسرائيل بيدعم السيسي وبعدها تشوف شيخ بيقول ان السيسي
اصدقاءه اسرائيليين فيبتدى عقلك يربط المعلومتين وتصدق الكلام
بس الحمد لله الواحد كان كاتب الكلام دا قبلها ب 4 ايام
المقصود من البوست دلوقتى هو انى اؤكد على نفس الكلام اللى قولته فى البوست الاول
ماتسلمش دماغك ليهم
سلم دماغك لنفسك وعقلك
والحرب لسه هاتكون اشرس
E.E
Eslam Elbahrawy
