النور بيقطع وانا زهقان - بس استنى لحظه
دلوقتى احسن برضو من حكم الخرفان
واضح ان الناس مابتفرقش بين رصد الواقع
وبين ايمان الانسان بالشىء
ادينا فى عز الصيام مضطرين نحط توضيحات عشان تكون خطوط عريضه الناس تمشى عليها لما تشوف كلامى
1- انى اقول ان النور قطع؟ دا مش مهاجمه للنظام .. دى حقيقة والمصحف
2- انى اقول ان الناس مخنوقه .. دا مش تهييج..دى حقيقه والله
3- انى اقول حرام النور بيقطع كتير.. دا مش هجوم على الدولة ولا الرئيس ولا حتى الوزيرررررررررررررررررررر بس اهو مجرد تنفيس عشان الناس تعرف اننا بنحس
4- قطع النور الكتير مش هايخلينى اقول ولا يوم من ايامك يا جاسوس
5- قطع النور مش هايخلينى اندم على تفويض السيسي
6- قطع النور مش هايخلينى اندم على صوتى اللى حطيته فى الصندوق للسيسي
7- قطع النور مش هايخلينى اشتم والعن فى السيسي
8- قطع النور مش هايخلينى اعطى فرصة لاى خروف يشمت فيا
9- قطع النور عارف انه بسبب تركه تقيله استلمها السيسي من فلول الاخوان اللى كانوا خاربينها !!
10 - قطع النور ازمة وعارف انها مش محلولة من يوم وليله
11- قطع النور مش هايتحل الا بالطرفين الحكومة والشعب
12- قطع النور اهون من قطع الامن والامان
13- قطع النور احسن من قطع النفسيه والاحساس بالامل !
14- قطع النور وانا حاسس انها ازمه احسن من قطع النور وانا شايف السولار بيتهرب لغزه !
15- قطع النور وارجع من برا بعد الفجر واكون متسحر برا .. احسن من قطع النور وقاعد فى بيتى وخايف لان مفيش امن فى الشارع
16- قطع النور يخلينى اقول الله يمسيك بالخير يا مبارك
بس مايخلينيش اعطى عذر للجاسوس ولا معناه انى مش عاجبنى رئيسى الحالى ولكنه من مبدأ اعطاء الحق لاصحابه ودا مايزعلش حد
16- رسالة للاعلاميين.. فى حكومة الببلاوى واثناء رئاسة عدلى منصور كنتوا بتصوتوووووووووا وتعملوا مناحه على قطع النور
وبقالى كام يوم اهو مش سامع حس حد فيكم
انتوا مفكرين ان دى وطنيه منكم بس انتوا كده اغبياء وبتضروا السيسي اكتر
لان دا اسمه تطبيل
حسسوا الناس انكم حاسين بيهم عشان الناس ترضى تستحمل
حسسوا الناس ان من حقهم يقولوا ااااااااااه
وماتخليهومش يكتموا الوجع بدل ما ينفجر فيكم
الناس حرانه .. الناس المريضه بتتعب.. اصحاب اكل العيش بيعانوا
ومع ذلك هايستحملوا عشان خاطر البلد والسيسي
بس ماتكتموش على نفسهم وخليهم يتكلموا ومش كل واحد يتكلم ويشتكى يبقى مش بيحب مصر ومش بيحب السيسي
17- اخيرا
ماتخلقش اللى ممكن يشكك فى حبى للبلد دى وحتى حبى للرئيس السيسي
بس انا دايما بحب افرق بين المساندة والتطبيل
التطبيل انى اقول اقطعوا النور كمان دا الجو تمااااااااااااااااام
انما المسانده انى اطلع اقول يا بلد النور بيقطع واحنا حرانين والناس تعبانه بس هانستحمل شوية لحد ما الامور تتظبط
18- رسالة بقى لوزير الكهربا بالمرة
سيادتك فواتير الناس بتوع الطبقة المتوسطة اللى مش لاقيين ياكلوا انضربت الضعف
وانا شايف بدل حضرتك ما تهيج الرأى العام..
ان مفيش كهربا وكمان الفاتورة مضاعفه
حضرتك فى كافيهات بتكسب الوفات كل يوم
حضرتك بتعامل الكافيهات دى بنفس تسعيرة البيوت
حضرتك لو عاوز تلم فلوس حلوة طلع تسعيرة وشريحة خاصه للكافيهات
لان مش معقول هاتحاسب واحد مرتبه 500 جنيه
زى كافيتريا المشروب فيها ب 50 جنيه وبتعمل فوق ال 10 الاف وال 20 الف كل يوم
جرب تعملها وهتلاقى انك مش محتاج تزود علينا الفاتوره
وهتلاقى نفسك بتلم فلوس حلوة ودا حق البلد
لان بتاع الكافيه دا بيكسب ولازم يدفع مقابل ومايتعاملش زيه زينا
اتمنى تكون كده الرؤية وضحت
اتمنى تكونوا فهمتوا انى مش من هواة التطبيل
اتمنى تكونوا عرفتم انى مش هاشوف غلط او وجع واسكت عليه
لو عاوزين تبنوها صح .. يبقى لازم نتكلم ونواجه مشاكلنا
بدل التطبيل ونحط راسنا فى الرمل
اللهم بلغت
اللهم فاشهد
E.E
Eslam Elbahrawy
منشور by Eslam Elbahrawy.
