الملخص الكامل للحرب الدائرة
بين ادمن صفحة ابله فاهيتا وإسلام البحراوى
1- شكوك كثيرة تدور حول صفحة ابله فاهيتا
وانها ترسل رسائل مشفرة عبر صفحتها لعمليات ارهابية
2- ظهور اعلان ابله فاهيتا وشريحة المرحوم مع فودافون
3- فى يوم 25 ديسمبر 2013 شاهدت الاعلان
وكتبت فى المساء اننى سأسهر على تحليل ما جاء به
رابط البوست
4- فى اليوم التالى يو م27 ديسمبر 2013
قمت بكتابة تفسيرى للاعلان
ونشرته على حسابى الخاص بالفيس بوك
وكتبت الشرح التالى :
لا تعليق ..الا لمن يفهم فقط
لا اسئلة للتوضيح .. لن يكون هناك رد وشرح
** تفسير مبدأى وسأضيف اى جديد فى حالة فكرت فى شىء اخر
---------------------
فى الثانية عشرين
وطى التلفزيون وروحى كملى دعبسة فى الصندرة
اعتقد دا معناه قلة الظهور الاعلامى لاى حد اخوانى
والاختفاء عن الانظار والتخطيط فى السر
بعد اعلان الجماعة انها ارهابية
--------------------------
الثانية 22
البنت بتقول الاختبااااااااار
واعتقد دا يخص الامتحانات
انهم ممكن يعملوا حاجات فى الجامعات وقت تجمع الطلاب فى الامتحانات
ودا بدأنا نشوف بوادره فى الفترة الاخيرة
من تفجير اتوبيسات الجامعات
--------------------------
الثانية واحد وتلاتين
فريزر يا بطة فريزر
حملة فريزر كانت هجوم من الانجليز على رشيد
اعتقد دمياط جايز تشهد جزء من الاحداث الساخنة
--------------------------
الثانية 42
ماما توتو ؟
اعتقد دى تركيا
طقم سنانها اتجمد فى الكوباية؟
معناه ان تركيا او اردوغان وزارته ونفوذه فى المنطقة
اتجمد واتشل بسبب التظاهرات اللى حاصله ضده
الوزارة والاعوان هم طقم السنان
والمنطقة او الشرق الاوسط هو الكوباية
ودا معناه ان تركيا حاليا وضعها متأزم فى المنطقة
ومش هاتقدر تساعد الاخوان
--------------------------
الثانية 35
الساقعة دى ماتشافتش من ايام ديليسيبس
نذكر ان من اكبر الضربات المصرية للمستعمرين
كان تأميم قناة السويس على يد الزعيم جمال عبد الناصر
وبما اننا بنقول ان السيسى خليفة ناصر
فده معناه ان الجيش ماشافش رجل قوى وزعيم زى السيسى من ايام عبد الناصر
--------------------------
بعت سيكيوريتى البواب
ندهلى الكلب اللى فى جراج المول اللى جنبينا
ريكس البوليسى بييجى يشمشم ويطلعلك الضايع وبياخد نسبة
اعتقد المقصود هنا جهاز مخابرات شقيق
اما القطرى واما الليبى
ودا معناه انهم استعانوا بالمخابرات القطرية عشان تفيدهم فى الورطة دى
بس ماقدروش يوصلوهم لحاجة
بس طلعلى فردة صندل كانت ضايعة
اعتقد انهم فشلوا فى تهريب مرسى
ولكن نجحوا انهم يهربوا عناصر تانية كانت على وشك القبض عليها
--------------------------
فتشتى فى لكلوكة؟؟ اللكلوك للقدم
يعنى مراقبة تحركات
فتشتى فى محفظته
يعنى تسريب معلومات
ياقته الدراكولا؟
اعتقد الياقة تخص الرقبة
وان المطلوب مراقبة تحركات وتسريب معلومات
لحدوث عمليه اغتيال
--------------------------
دقيقة وعشر ثوانى
بودى كل الشريحة
اعتقد دا معناه
كلمة شريحة
قد تعنى شريحة فى المجتمع
يعنى دايما بنقول ان الاطباء مثلا شريحة من المجتمع
فجايز الكلام ان بودى اكل الشريحة؟
يعنى (عبد الفتاح) السيسى قضى على الجماعة
وهيا بتقول بندور على شريحة المرحوم قبل ما يبقى مرحوم
يعنى بندور على لم شتات الجماعة
قبل مرسى ما يبقى رئيس والجماعة تضيع
وبتقول انا كلمت الشيخ الالوسى؟
اعتقد دا حاكم قطر
وان هوا خلى المرحوم يجيلها فى المنام
يعنى وصلها رسالة
بس اتشد على طول مالحقش يقولها الشريحة فين
يعنى خط التواصل بينهم قفلته المخابرات قبل ما توصلهم معلومات تانى بكيفية لم شمل الجماعة
--------------------------
البالطو البيج
سيناء الصفراء
فتأتى بطانته؟
يعنى استخدام البطانة ..وهى شىء داخلى
يعنى الانفاق
عضعضتى ياقته؟
اعتقد دا المقصود بيه الحدود
والفكرة هنا توصيل الرسالة للموالين فى سيناء
بالتحضر فى عملياتهم واستمرارها
وفى نفس الوقت استخدام السياسيين فى دورهم
بدليل بتقولها فتشى فى طقم البيبيوهات
اعتقد دا جمع بيبيونة
ودى بتتلبس فى البدل الرسمية
يعنى السياسيين والنخبة
امثال حمزاوى وايمن نور والبرادعى
بمعنى ان الارهاب يستمر فى سينا
والضغط السياسى يستمر من خلال السياسيين
--------------------
الشريحة بيقولوا عليها اوفر وهدايا
دا معناه ان فى تمويل خارجى كبير
وان فى وعد بمكافاّت كبيرة من دول خارجية
فى حالة لو الجماعة قدرت تجمع نفسها
وقدرت تخرب مصر
وقتها الهدايا هاتوصلهم وهاتكون كتير
رابط المنشور على صفحتى الشخصية
5- فى اليوم التالى 28 ديسمبر 2013
فوجئت بصفحة ابله فاهيتا والقائمين عليها قد رأوا تحليلى للاعلان
فقاموا بوضع صورة بروفايلى على الصفحة لديهم
وحاولوا السخرية من كلامى حتى يبعدوا الناس عن تصديقى
وحتى لا تلتصق التهم بالصفحة
وهذا رابط على صفحة ابله فاهيتا
6- بالطبع اصبح اللعب على المكشوف
فقمت بوضع رد اتحدث لغة ابله فاهيتا
لكى اثبت لمسئولى الصفحة انى قادرعلى كشف لغتهم الغريبة فى الكلام
7- فى المنشور الذى وضعته صفحة ابله فاهيتا تتهكم على تفسيرى للاعلان
وجدت بعض التعليقات المريبة التى تحمل نفس لغة ابله فاهيتا
فبدأت بتتبع اصحاب تلك التعليقات
وكتبت التالى :
بعض التعليقات من البوست بتاعى اللى اتحط عند فاهيتا
الاول بيتكلم بنفس اللغة
والتانى بيطلب ان الرموز المستخدمة فى الرسايل تتغير
عاوزين يغيروا الفووورمة؟
يعنى يغيروا الطريقة لانها انكشفت
والتالتة بقى دى حلوة اوى
اخوانية
بتحب باسم يوسف
اللى هوا اصلا كان ضد الاخوان ( زى ما هما عاوزينا نفهم )
اللى هوا اصلا عمل شهرة ابله فاهيتا
بس مش دى بس الملاحظة
الملاحظة هتلاقوها فى الصورة اللى فى اول كومنت فى البوست دا
ان البنت اللى عملت كومنت فى البوست بتاعى
كان ليها كومنت تانى فى البوست اللى بعده !!!
يا دين النبى
دا ايه الحلاوة دى
يلا يا عصفورة وصلى الرسالة بسرعة
منتظر بوست ليا انى بتحرش
ولو ان مع العلم.. شكلهم وحش ومش دا الاستايل المفضل بتاعى
#يهدها_الإباحية
8- استمرت الحرب بينى وبين ام الصفحة واللعب استمر على المكشوف
وفى احد الايام اللاحقة .. كنت اتابع تعليقات اعضاء صفحة فاهيتا
فلفت نظرى حساب لسيدة تتكلم بنفس لغة فاهيتا
فتحت الحساب الشخصى لها وجدتها تضع صورة تشبه سيدة مصرية
ولكن الحساب حديث وصورة الغلاف الخاصة بالحساب
عبارة عن جندى اسرائيلى يقف بجوار مدرعة مصرية محروقة
فهنا انتابنى الشك .. كيف لسيدة مصرية ان تكون سعيدة بوجود جندى
اسرائيلى بجوار مدرعة مصرية محروقه .. لكى تضعها غلاف لحسابها فى الفيس بوك
وهنا كتبت تلك الملاحظة فى احد الجروبات التى كنت مشترك بها والمختص بتحليل الشفرات ايضا
فوجئت ان كلامى وملاحظتى وصلت للقائمين على صفحة اببله فاهيتا
ولا اعلم؟ اذا كان كلامى ضرب من الجنون ؟؟ لماذا يهتمون به؟
وهنا عندما شعروا اننى على وشك كشفهم وفضحهم
استخدموا اسلوب القتل المعنوى فنشروا بروفايلى مرة اخرى على صفحتهم
وقالوا انى اتحرش بعضوات الصفحة ...
حتى يغضب الاعضاء ويقومون بعمل ربيورت ويتم اغلاق حسابى
وبالتالى لا استمر فى فضحهم
9- فى الايام اللاحقة وجدت اليوم السابع ينشر تفسيرى للاعلان
ويهتم الجميع بالتفسير والحمد لله انتشر التفسير والتحليل بسرعة كبيرة
وقامت اليوم السابع بنشر التحليل تحت عنوان:
اتهامات بالإرهاب والجاسوسية تلاحق "أبلة فاهيتا وشريحة المرحوم"..نشطاء يتداولون تحليلات للإعلان ويؤكدون: يحمل إشارات لصالح الموساد والماسوانية.. وآخرون يتوقعون اغتيال مرسى وتفجير فى رأس السنة
رابط التحليل على اليوم السابع
10 - فوجئت بعد نشر التحليل على اليوم السابع بالشاب احمد سبايدر
يخرج فى القنوات هو وشخص يدعى سامح ابو عرايس
وكل منهم يقول انه صاحب التحليل؟؟؟
شاهدت الكلام وانا اتعجب..كيف يمكن ان ينسبوا التحليل لانفسهم؟
فقررت ان اكتب منشور على صفحتى بالفيس بوك اسجل اعتراضى
ثم اصمت ولا اتحدث فالمهم هو كشف الحقيقة بغض النظر عن طريق من !!
كتبت هذا المنشور..والذى ستلاحظون فيه ان اصدقائى يطالبون منى ان اقدم التحليل فى فيديو
على اليوتيوب حتى يعرف الجميع الحقيقة
المنشور .. فى الرابط التالى
ولكن ....................؟
ما جعلنى اتكلم واقوم بعمل فيديو يشرح التحليل الصحيح
هو رؤيتى للقاء احمد سبايدر مع خيرى رمضان واحمد موسى
وتم التهكم على احمد وتم تحويل القضية الى مجرد لهو و مرح وانها قضية غبية
وان الكلام غير صحيح وما الى ذلك
وكان ذلك بسبب ان احمد لم يدرس الموضوع جيدا وقال ان التفسير يخصه
فقمت بعمل الفيديو حتى اثبت للجميع انى صاحب التحليل الاصلى
وحتى انقذ القضية قبل ان يحولوها الى مسرحية مضحكة !!
فقمت بعمل اول فيديو لى .. تحت عنوان
التحليل الاصلى لاعلان ابله فاهيتا وفودافون شريحة المرحوم وسرقة ابو عرايس وسبايدر للتحليل
11- فى نفس اليوم الذى نشرت فيه التحليل على يوتيوب
فوجئت بصدى رهيب وانتشار رهيب للموضوع
وتلقيت مكالمة من المخرج عز الاطروش القائم على قناة الفراعين
وطلب منى عمل لقاء او عدة لقاءات مع الاعلامى توفيق عكاشة ولكنى رفضت
لاننى لا احب الشو الاعلامى ولا اريد ان يقال اننى افعل كل هذا من اجل الشهرة
ولكنى وافقت على اجراء مكالمة مع الدكتور توفيق عكاشه
وهو بالمناسبة شخص احترمه واقدره
وكان تلك هى المكالمة
11- بعد المكالمة التى فضحت الكثير
بدأت الحرب بينى وبين القائمين على صفحة ابله فاهيتا
واستمر تفسيرى الخاص الذى دائما اقول انه مجرد وجهة نظر خاصه بى
يحتمل الصواب او الخطأ و ايضا هناك الكثيرين غيرى يقومون بتفسير تلك المنشورات
ولكن اتحدث عن نفسى.. واستمر تفسير المنشورات والذى يمكنكم ايجادها الموقع هنا
فى القسم الخاص بتحليلاتى المقروءة
12- مؤخرا ومنذ ايام ... كان رد الفعل الاخير لابله فاهيتا تجاهى
وبإختصار.. هذا الفيديو سيوضح ما الذى حدث
فضيحة جديدة لصفحة ابله فاهيتا - صفحة العملاء والخونة - مسحوا الكومنتات اللى بتفضحهم - شير وافضح
وتستمر الحرب .. ليس فقط مع صفحة ابله فاهيتا وانما مع صفحات اخرى كثيرة تستخدم اسلوب الكلمات المشفرة لتوجيه رسائل لعمليات تخريبيه .. وهذا اسلوب بدأ يتبعه اعداء مصر بعد ان علموا ان مخابراتنا المصرية تراقب كل وسائل الاتصال من موبايل وايميل وكل شىء
اتمنى ان اكون قد قدمت ملخص وافى للموضوع
شكرا
