الى الاعلامى احمد موسى : عفوا - انا اقدرك ولكن لا استطيع السكوت على تصرفاتك الخاطئة
مصر للجميع وليست ملكا لافراد
الاعلامى احمد موسى
اتفقنا اننا هانشكر فى الحاجة كويسة
والحاجة الغلط لازم نتكلم فيها
حضرتك على قناة التحرير ذكرت بالحرف الواحد ان فى حالة ترشح سامى عنان للانتخابات .. هاتطلع فضايح واوراق ممسوكة عليه وتفضحه
وبالامس على قناة صدى البلد
قلت مادام طلع راجل محترم وماترشحش
يبقى انا هاقفل الموضوع ومش هاتكلم
** معلش يعنى يا استاذ احمد
الوطن ومقدراته مش واقفين عند شخص معين
واللى يكون عارف حاجة غلط عن شخص مهم فى الدولة
ومايقولهاش لمجرد انه مش هايترشح قصاد السيسى
يبقى غلطان ومش وطنى
** اللى اعرفه انه سواء اترشح او لا
سواء نزل انتخابات او لا
حضرتك مواطن مصرى يعرف معلومة فساد عن واحد تانى
يبقى لازم تبلغ
اصل احنا مش لعبة فى ايديكم
ومش هانمشيها تخليص حسابات
اللى ضد السيسى يتم فضحه ولما يبقى مش ضده يبقى حبيبنا
** حاجة من الاتنين
يا سامى عنان فاسد زى ما قلت..فياريت تطلع حضرتك الادلة بتاعتك
يا اما حضرتك كداب وكنت بتعمل حملة تشويه لسامى عنان لمجرد انه مترشح قصاد السيسى
انا مابحبش التلون
وكل غيظى يجى من واحد يقولك انا هأجل اعلان فضيحة او فساد عشان فلان اتعدل؟ يعنى ايه اتعدل..؟ والبلد دى مش بلدك لوحدك؟ وكمان سمعة الاشخاص مش لعبة؟
يا تطلع تقولنا كنت عارف عنه ايه
يا تطلع تقولنا ان دا كان مجرد شوو منك
معلش
مابعرفش اسكت على الغلط !
E.E
Eslam Elbahrawy
