بمناسبة واقعة التحرش - لا تحكموا بالمظاهر فهى خداعه
قبل ما انزل
عاوز اسيبلكم تعليق بسيط عن واقعة التحرش وقد يكون الاخير
انا فى ناس بعتتلى فى الانبوكس
بتقولى ياعم يعنى انت مش شاب زينا ...؟
ومش حاسس بالحالة اللى عند الشباب !!!؟
لا يا سيدى انا شاب زيكم ..
انا بغلط وبدعى ان ربنا يغفرلى غلطى بعد كده
انا ممكن اكون بعمل حاجة غلط ولما بندم عليها
باجى اكتبلكم بوست انكم ماتعملوش الغلط دا عشان مش عاوزكم تعملوا زيى مثلا !
فى فرق بين انك تعمل غلط تتحمل انت نتيجته
وبين غلط يتعمل وتضر بيه حد غيرك
ولازم تعرفوا ان فى حاجه اسمها
ان اللى يستره ربه .. مايفضحوش عبده
يعنى ممكن انا زى انسان اغلط .. بس بستر على نفسى واسكت جايز ربنا يغفرلى
بس قولولى بقى كام شاب بينزل كل يوم على القهوة مع اصحابه ويحكيلهم انه شاف امبارح الفيلم الفلانى...؟ وانه كلم البنت الفلانيه واتكلموا فى الحوار الجنسى الفلااااااااانى....؟
وبقينا نتباهى بقلة ادب لحد ما اصبحت واقع
انا عاوز اقولكم كمان
انا جايز خلفية جهازى لمطرب .. وبحب مطرب وصورة بروفايلى لمطرب
بس مش بتحرش ولا بعاكس ولا بعمل جريمة
وفى غيرى حاطط صورة داعية اسلامى او صورة دعاء
وهو من ورا الشاشة بيعمل كل حاجة غلط
فياريت محدش يحكم على حد بالمظاهر فقط
لان لو بالمظاهر ...؟ كان شيوخ الاخوان حكمونا مليون سنة !!
انا مش بعرف اعيش الدور وامثل التمثيل اياه
انا كان ممكن احط صورة لداعية اسلامى
ولا صورة لرمز سياسى واعمل نفسى انى رمز من رموز الصلاح فى الارض !
لكن ......... مابعرفش انافق
انا زى ما انا
انا هافضل بطبيعتى ..
بحب فنان وبسمع اغانى وبشوف افلام وبخرج وبعمل كل حاجة
بس فى المقابل بصلى وبصوم ومش بتحرش ومش بعمل حاجة غلط
احسن ما احط صورة شيخ ولا صورة واحد بدقن
وانا من ورا الشاشة......... خاررررررررررربها !!
نصيحة ماتحكموش على حد من مظهره
مش كل واحد حاطط صورة شيخ بقى محترم
ولا كل واحد حاطط صورة مطرب بقى زنديق
مش كل واحد منقبة او محجبه اخدت رخصة الاحترام فورا
ومش كل واحد بشعرها اخدت رخصة عدم الاحترام
انا شوفت شباب كتير مش شيوخ فى جوامع..لكن محترمين
وشوفت انور البلكيمى بيطلع المنبر .. وينزل ياخد واحدة على الطريق فى عربيته
طبعا مش الكل كده .. ولكن الغرض من البوست
الرد على الناس اللى بتاخد بالمظاهر
والرد على الناس اللى بتقولى هو انت يعنى مش شاب وعندك شهوة زينا؟
والغريبة انى عمال اقولكم انكم بتقولوا على المنقبة محترمة
واللى بشعرها بتعاكسوها ..؟
رغم ان والله اوقات بشوف المنقبة بتتعاكس ..............!!!!!
يعنى انتوا مش بيهمكم المظاهر اصلا !!!
E.E
Eslam Elbahrawy
منشور by Eslam Elbahrawy.
