عندما هاجم باسم يوسف امانى الخياط - كان تعليقى :
ربنا بيسلط ابدان على ابدان
بالنسبة للناس اللى شافت فيديو تحليل الحلقة الخامسة
وشافوا رأيى فى هجوم ( المشخصاتى ) على الاعلامية امانى الخياط
انا كنت واضح فى النقطة دى
وقلت انى احترم شخصها واحترمها كإنسانة
ولكن كإعلامية .. فى وجهتين نظر للى حصل معاها
وجهة النظر الاولى .. بتقول ايه يعنى لما تغلط وتعرف غلطها وترجع للحق والصح دى حاجة مش وحشة ..
وجهة النظر التانية بتقول .. ماهو ماينفعش نتسبب فى قتل وخراب ودم والاخر نقول عدنا الى رشدنا
انا مع وجهة النظر التانية .. وزى ما قلت فى الفيديو
اولا لما نكون احنا كأفراد عاديين من اول ما بدأت مظاهرات 25 يناير واحنا كنا بنقول دى خراب ونكسة ومخطط .. فهل الاعلاميين ماكانوش عارفين وهما اقرب الناس للاعلام والاسرار والكواليس والمصادر ؟؟
ثانيا فى خطأ تسامح فيه وخطأ لا
يعنى لو واحد لم شوية ناس عشان يكسروا شارع؟
ورجع ندم على اللى عمله .. ماشى
اهو الشارع هانجيب عربية رمل ونصلحه
انما لما ناس تسوق شباب فكرياً
وتتسبب ان بلد تقع ودم ينزف وشهداء يسقطوا
دول انا شخصيا مقدرش اسامحهم وبحملهم ذنب كل نقطة دم
لان الاعلام هوا اللى قاد مهزلة 25 يناير
من خلال التهويل وتحميس الشباب وان الاعلامىمن دول ينزل التحرير لابس كوفيه وعامل فيها عمر المختار ويقول كلمتين للشباب ويسيبهم يموتوا ويروح هوا يتابع على التلفزيون
فهل دلوقتى لو انا كتبت بوست قولتلكم جربوا عصير الجوافة؟ والعصير طلع وحش
وقولتلكم معلش كان اختيارى غلط
هايبقى بالظبط زى ما اقولكم حطوا مكونات معينة فى العصير..والمكونات دى تجيبلكم تسمم ( بعد الشر عليكم ) واجى اقول انا اسف ماخدتش بالى
** وبالمناسبة.. كون انى مش مسامح فى حقى كمواطن بعد اللى حصل لبلدى فى 25 يناير.. لا يمنع انى احترمها انها رجعت تانى لصفوف جيش بلدها
الفيصل بينى وبين الباقيين .. انى مش قادر اسامح .. انما كموقف ليها دلوقتى؟ اكيد موقف كويس وشجاع لحد يرجع عن خطأ ودا قمة احترام البنى ادم لنفسه
دى كانت وجهة نظرى
وبأكد تانى انه انتقاد او نقد اعلامى
انما لشخصها كامل الاحترام
وقد اكون انا مخطىء. ولكن اعمل ايه
مابعرفش اضحك على نفسى وقول حاجة غير اللى انا مقتنع بيها
Watch it
E.E
Eslam Elbahrawy
