الفرق بين مصر واليابان
علبة لبن ووجبة سم
الاعلام المصرى يدمر المجتمع
معرفش صاحيين ولا نمتوا ..
بس ببساطة
اللى على اليمين دا علبة لبن .. واللى على الشمال دى وجبة سم !
** اللى على اليمين علبة لبن اخترعها اليابانيين .. بيكون لونها ابيض
ولما تخلص صلاحيتها ويفسد اللبن .. تتحول للون الاصفر
او بمعنى اصح..كل يوم اللون الاصفر يتدرج يتدرج لحد ما يوصل ليوم انتهاء الصلاحية تماما وتصفر العلبة كلها دليل على فساد اللبن
** اللى على الشمال دى وجبة سم
برعاية الاعلام المصرى
عبارة عن بنت عندها 8 سنين .. قناة المحور تعبت نفسها
وجابت البنت عشان المذيعة تقولها ايه حصل وتبتدى البنت اللى عندها 8 سنين تقول ازاى اتمسكت واتقلعت واتلمست واتنيلت بستين زفت !!
** عرفتوا الفرق ايه ؟ انا هاقولكم الفرق ايه
الفرق ان الصورة على اليمين عملها ناس تؤمن بس بالعمل والمجهود والتقدم
انما اللى على الشمال صورة لبلد ناسها مفيش عندهم الا 3 مصطلحات
مجتمع متدين بطبعه
مصر مذكورة فى القراّن
حضارة 7 الاف سنة
** عرفتوا احنا هانفضل تحت ليه .. عرفتوا هانفضل متخلفين ليه
احنا بنزعل لما بيتقال علينا دول عالم تالت
اقسم بالله احنا عاااله على العالم التالت دا احنا تحت الارض
** الفن والاعلام يقدر يقود امه... ولكن برضو يقدروا يسقطوا امه
وزى الاعلام ما اسقط البلد فى 25 يناير 2011
الاعلام حاليا بيسقط البلد تانى !!
** نفسى بس ريهام سعيد ولا غيرها ولا غيرها يفهمونى هاستفيد ايه فى اللحظة السووودة اللى هاسمع طفلة بتحكيلى تم اغتصابها ازاى.. او واحد ملحد من ضمن 95 مليون مواطن طالع يقولى هوا ليه شايف ان مفيش ربنا
انتوا عار علينا .. جتكم القـــــــــــــــــــــــــــــــــــرف
اللهم بلغت
اللهم فاشهد
E.E
Eslam Elbahrawy
