سبحان الله
المرحوم الكابتن ابراهيم يوسف يتسبب فى انصاف مبارك مع مدحت شلبى
تم النشر بتاريخ 1 يونيو 2014
بمناسبة مبارك والبدلة الزرقا وشماتة البعض
الشىء بالشىء يُذكر !
___________________________
امبارح كنت بتفرج على اعادة حلقة يوم الخميس من برنامج مساء الانوار بتاع مدحت شلبى على قناة النهار
المهم الضيوف كانوا مصطفى يونس كابتن الاهلى السابق وحسن شحاته مدرب منتخب مصر السابق والناقد الرياضى محمود معروف
بيتكلموا زى كل حلقه عن الذكريات والمواقف اللى قابلتهم زمان لما كانوا بيسافروا يلعبوا فى دول افريقية
وهنا شوفت 3 حاجات قررت انى ادونهم واكتبهم واعرضهم عليكم
الحاجة الاولى انهم كانوا بيتكلموا لما كان الاهلى رايح فى التمانينات يلاعب فرقه من غانا وكان الطيران صعب ودا كان ماتش النهائى فذكر الناقد الرياضى محمود معروف موقف وقال يومها الرئيس مبارك أصدر قرار بإن لاعبى الاهلى يسافروا الى غانا بطائرة حربية عشان يسهل عليهم السفر
وبعد الماتش اللاعيبة قالت ان الطيارة الحربية ماكانتش مريحة فقرر الرئيس مبارك ان طيارة مصر للطيران اللى كانت فى نيجيريا تغير خط سيرها وتنزل على غانا عشان ترجع لاعبى الاهلى
وبعد الموقف دا وفى نفس واحد
الاربعة اللى قاعدين فى الحلقة قالوا الله يمسيه بالخير مبارك ويديله الصحه
انا عمرى ماشوفت رئيس كانوا بيقولوا عليه حرامى وقاتل ولحد الان ناس بتدعيله عالهوا بالصحة والخير
الحاجة التانية ان مدحت شلبى عرض جزء من ماتش مصر والجزاير سنة 1984 فى تصفيات دورة الالعاب الاوليمبية واثناء حديثه عن الماتش قال
احنا فى مصر كسبنا واحد صفر
وفى الجزائر اتعادلنا واحد واحد
وجاب الجون الكابتن ابراهيم يوسف الله يرحمه ولكن الجون اللى جابه دا للاسف لم يسجل فى التاريخ لان وقتها والماتش مذاع كان ميعاد اذان العصر وكان التلفزيون بيقطع البث عشان الاذان فالجون جه فى وقت انقطاع البث ولم يتم تسجيل الهدف تلفزيونيا ولذلك لم ولن يعرض ابدا
وهنا..؟
فكرت........؟
يااه
زمان كانت قناة تلفزيون واحدة والماتش بيقطع والناس مش بتشوف الاجوان
طيب يا اخى انا طلعت فى عهد مبارك لقيت التليفون الحمول والدش والريسيفر
والقنوات الخاصة والنايل سات وقنوات النيل المتخصصة ومدينة الانتاج الاعلامى
ومليون قناة بتذيع الماتشات وتلفزيون بيدفع ملايين عشان يذيع لنا ماتشات كاس العالم وماتشات كاس افريقيا
يعنى مبارك الحرامى عمل دا كله؟
سبحان الله
اسف ان البوست طويل
بس انا قولتلكم كتير انى لو بتفرج على برنامج او ماتش او مسرحية
مش بحب حاجة تعدى عليا مرور الكرام
E.E
ESlam Elbahrawy
