كيف حارب الماسون مصر من خلال السينما على مر التاريخ
تعرف على الخطة الشيطانية بداية من القرن الثامن عشر وحتى السبكى
تعالى نرجع لزمان
ونشوف هل دايما الخطة واحدة والزمن بيتغير
ولا الخطة بتتغير بتغير الزمن
______________________
ايام زمان
لما مصر كان عندها اقوى حربين فى تاريخها
حرب 67 و حرب 73
شوفنا فى السينما ما يسمى بالانتاج المصرى اللبنانى المشترك
وهو دا العصر اللى بيسميه جيل اباءنا
انه عصر العهر الذهبى فى السينما المصرية على ايامهم
العصر اللى كان نجومه ناهد شريف وسهير رمزى ومحمد عوض وهويدا وليز سركسيان
اللى مشهورة بإسم ايمان و غادة الشمعة وإغراء و كاتلين وايهاب نافع وشمس
البارودى ودخل فى الموجه عادل امام ومحمود عبد العزيز ونور الشريف
ومستعد اعدلكم الف اسم لان دى نوعية الافلام اللى كانت عندنا وقتها
فيلم..ممثل مصرى مع ممثلة لبنانية بتقلع وهى دى السينما المصرية
ووقتها كنا فى حرب او وقت ما بعد الحرب مباشرة
وكان دا فى نظرى انحطاط فنى
_________________
تيجى بقى للالفيه التالته
بداية الحرب تااانى على مصر
بدأنا نرجع تانى لوجود جنسيات مختلفة فى افلامنا بتبوظ السينما
ومع مرور الوقت وزيادة الحرب على مصر
بدأت تزيد حدة الهبوط فى الفن
ومع 25 يناير وصلنا لقمة الانحدار
فهتلاقى ان الخطة هى هى او الاحداث هى هى
مع تغير الزمن من 1973 ل 2014
بص حواليك هتلاقى افلامك كلها اللى بيقودها هيفاء وهبى اللبنانية وصوفينار الارمينية
ونور اللبنانية وهند صبرى ودرة اللى من تونس ومعاهم كنده علوش من سوريا
وسيرين عبد النور من لبنان وقمر من لبنان ولاميتا فرنجيه من لبنان
وبرضو قايمتى طويلة فى الممثلات دول
ونفس الفن الهابط بيتقدم
وكل افلامهم عري وجنس وشذوذ
زمان كانت شركة الانتاج اللى بتتبنى دا معروفة
ودلوقتى شركات الانتاج اللى بتتبنى دا برضو معروفة
معرفش دا من قبيل الصدفه؟
ولا من قبيل ان وقت الحروب الفن بيكون اقوى سلاح لتنويم العقول
** وهتلاحظوا ان الفترة اللى بين حروب السبعينات وحروب الالفية الجديدة
يعنى الفترة اللى بين فن السبعينات اللبنانى المصرى المشترك
وفن الالفية التالته اللى اصبح كله مستورد
بين الاتنين دول فترة التمانينات والتسعينات
وهى الفترة اللى فيها افلام نقدر نقول عليه فن بجد
وان كان بيشوبها افلام تجارية كتير ولكن مش بنفس ضعف اللى بنتكلم عنهم
** بالمناسبة لو والدك شاف الكلام دا ودافع عن الجيل بتاعه
خلى اجابتك عليه تكون بسيطة
وقوم هات قناة سينما 1 بتاعت اوربت واقعد اتفرج معاه
وشوفه هايخليك تتفرج ولا هايقلب القناة !!؟
شوفوا انتوا بقى
E.E
Eslam Elbahrawy
