سيبوهم يجربوا وهايرجعوا لقديمهم تانى
اسلوب المخابرات العامة المصرية - تفكير الصقور
بيعجبنى اوى التكتيك اللى بتلعب بيه المخابرات بتاعتنا
بالتنسيق مع رجال الجيش والدولة المصرية
ماشيين بمبدأ
سيبه يجرب .. وهايرجع لقديمه
اقولكم ازاى
1- ايام الانتخابات كنتوا عاوزين تنتخبوا الاخوان ؟
محدش قالكم لا سابوكم تنتخبوهم
بس عملوا حاجة تانية
سابوا الاخوان تشوط فيكم وتعلمكم الادب
عشان لما تندموا على افعالكم تروحوا تستنجدوا بيهم تانى
وقد حدث بالفعل ..الاخوان طلعت عينكم والاخر روحتوا للجيش وخلص الحوار
2- طالبتم بعدم وجود امن فى الجامعات
قالكم ماشى
ووقت المظاهرات
سابوا البلطجية يطيحوا فيكم ويعلموكم الادب
ومارضش يتدخل عشان تعرفوا قيمتهم
وبعد ما اتلسعتم
رجعتم وقولتم والنبى الامن يرجع
3- دلوقتى بقى المخاابرات بتلبس البهايم نفس الخازوق
بس بالرااااحة من غير ما يحسوا حتى يكتمل اللبس
طلعوا قانون التظاهر
لموا العيال الصيع
قوم ايه يا ولاد؟
لجنة الخمسين حتى الان فيها 13 علقوا عضويتهم باللجنة لحين الافراج عن الصيع
وال 13 دول فيهم حملة تمرد ونقيب الصحفيين وناس تانية
قوم يحصل ايه؟
قوم الشعب يعرف ان دول كلاب زى ما كنا بنقول
قوم ايه؟ بما ان لجنة الخمسين كلها طابور خامس
هايعلقوا كلهم عضويتهم
قووووم ايه
لما يعلقوا عضويتهم؟؟ تفشل لجنة الخمسين ويفشل الدستور الجديد
يقوم طالع الرئيس المؤقت رازع بيان بعودة العمل بدستور 71 لحين انتخاب رئيس الجمهورية
وبكده يبقى تم تحميل الخازوق اللى مخابرتنا كانت بتجهزه من وقت المجلس العسكرى اللى جه بعد نكسة يناير
وهو عودة العمل بدستور 71
بس هما خلوا اللفة تبقى طويلة
ولفوها من بعيد
عشان على بال ما نلفها
يكون اتكشف قصادنا الطابور الخامس كله
** وجهة نظر **
E.E
Eslam Elbahrawy
