مصر بلدنا الملعب الكبير - بقلم إسلام البحراوى
وصف تفصيلي لحال مصر
من خلال شارع واحد
قاعد في القهوة
كوباية شاي بالخمسينه
وصحبه حلوة وطرابيزة قصاد الكافيه علي الشارع
لو بصيت علي شمالك
هتلاقي فرن عيش فينو وواحدة بتقول للراجل ماينفعش السبع ارغفه بجنيه. وهو يقولها لا يا ماما السته بجنيه
وعلي يمينك كشك سجاير واقف شباب في ثانوي بيشتري سجاير صينب فرط وواحد بيقول للتاني يابني بلاش السجاير الصيني فيها سرطان والتاني بيرد يقوله سرطان سرطان احنا هانموت مرة واحدة بس
قصاد الكافيه تعدي عربية تمنها مبلغ وقدره فيها شاب مايكملش 16 سنة ومشغل مهرجان شعبي صوته مسمع الشارع وبيغني للعلبة الذهبية والمخدرات
ومن بعيد في نقطة شرطه
العسكري معدي شايل كيس فيه ساندوتشين فول ومن مشيته تحس انه من التعب مش هايلحق ياكل ساندوتشين الفول
وهناك بقي علي مرمي النظر .. هايبر ماركت طالع منه ناس ووراها عمال الهايبر وشايلين اكياس بشئ وشويات
وهنا بقي عالقهوة
الواد بيبو بيسأل دكتور من زمايلنا اللي قاعدين علي دوا للدوالي بتاعت الرجل لان الواد بيشتغل علي رجله من 10 الصبح لحد 3 الفجر ومش عاوز يدفع خمسين حنيه في كشف دكتور
دا كان الوصف التفصيلي للشارع من خلال القهوة والشاي للاسف برد واحنا بنوصف الماتش :D
E.E
ESLAM ELBAHRAWY
