رسالة الى المقاطعين فى الانتخابات الرئاسيه - انتم صفر على الشمال
بالنسبة للمقاطعين
والله هذا الكلام حقيقى
اعرف عيل اجوف .. مالوش ولا فى سياسة ولا بتنجان
لما ابتدى يفهم فى السياسة نزل انتخب شفيق
وكان مع الناس فى 30 يونيو
بس بسبب بنت .........؟ بقى رابعاوى ودم الناس وبتاع
ايوة حضرتك صدق اللى قريته .. بسبب البنااااات
انت ماتعرفش ان فى شباب فى البلد دى عشان ترضى عنه واحدة بتعمل شات معاه وعشان يجيب معاها سكة ممكن يعمل عشانها اى حاجة
فى شباب لو مصاحب بنت بتقول هانتخب حمدين
بينزل هو ينتخب السيسي بس على بروفايله لازم يقول انا ضد السيسي عشان المزة ترضى عنه وانا بكلمكم عن واقع ملموس ومعروف
وفى ناس انا اعرفها .. معقدين وفشله
مش قادرين يتجوزوا وبيحبوا بنات اعلى منهم فى المستوى
فعشان يدارى فشله انه بص لواحدة اعلى منه وعشان يدارى عجزه انه مش قادر على حاجة مش من طاقته ولا مستواه بيدور على شماعه يعلق عليها خيبته فبيقول الحكومة السبب مش موفرالى سبل الحياة الكريمة
ويبتدى يعارض كل ما يمط للحكومة والحكم بصله سواء جيش او شرطة او وزارة
انا شوفت النوعية دى واعرفها
شوية عيال مفكرة ان معنى ان الحكومة توفرله سبل الحياة الكريمة
انه يكون من طبقة معينة ويجرى يحب بنت اكبر واعلى منه والحكومة مجبرة توفرله الالوفات اللى تسمحله يحط راسه براس البنت دى
مايعرفش ان سبل الحياة الكريمة بتتحدد بناء على مستواك الاجتماعى
انما عيال فاشله وبتعلق فشلها على الدولة
دى قصة قصيرة عن معظم المقاطعين والربعاوية اللى انتم ممكن تتفاجئوا انهم كانوا معاكم وفجأة اتقلبوا
دور وراهم ..هتلاقى معظمهم شباب النت والفيس اللى بيغيره البنات
الحريم هاتجنن الشباب اقسم بالله
خصوصا لما يكون شاب مش لاقى ياكل ويلاقى مزة بتبصله .. لو قالتله ساعتها قول محمد مرسى دا ولى من اولياء الله الصالحين..اكيد هايعملها
#عن_تجربة_ومشاهدة_وعارفهم_واعرفهم_كويس
مات الكلام
E.E
Eslam Elbahrawy
منشور by Eslam Elbahrawy.
