وجهة نظر - لماذا اوافق على منع عرض فيلم نوح
يريدون تدمير الاسلام كما دمروا باقى الاديان بدعوى الحريه
معلش يا شباب.. بوست طويل شوية
بس ارجو قراءته..لانى مش هاتكلم فى الموضوع دا تانى
لانه مقفول من قبل ما يتفتح اصلا !!
******************************
شوف يا حمادة
حرية ابداعك تبدعها فى حته تانية
انما الدين مافيهوش حرية ابداع
اقولك الدين بيقول حرام
تيجى تقولى انت متخلف وبتفكر بفكر الجاهلية
هاقولك لما اكون بفكر بفكر الجاهلية وبحافظ على دينى
احسن ما ابقى متطور زى حضرتك وماشى فى طريق الالحاد
ماهو يا حبيبى فى البداية فى امريكا بدأت كده
بدأت انهم يتكلموا عن المسيح ..؟
وبعدين يجيبوا فيلم يصلبوا المسيح؟
والاخر....؟
بتشوف دلوقتى فيلم بيقولوا نكته عن الرب والاله
وانه بيزنى ويسرق وكأنه واحد مصاحبهم !!
انت عاوزنى كمسلم اوصل للمرحلة دى؟
الاول اسمح بعرض يوسف الصديق وواحد يمثل سيدنا يوسف
وبعدين اسمح بعرض عمر بن الخطاب
وبعدين تجسيد سيدنا نوح
والفيلم اللى بعده هوب تجسيد سيدنا محمد
واخر المتمة الاقى فيلم بيتكلم عن الاسلام
وواحد طالع يجسد ربنا (استغفر الله العظيم )
والاخر تقولى انا اللى متخلف؟
انا متخلف ولا انت اللى غبى
ماهو اللى زيك هما اللى خربوها وبيخربوها
اللى زيك هما اللى بيسيئوا للدين تحت مسمى الحرية
حرية ايه يا شوية ناس جاهله؟
الدين مافيهوش حرية
الدين فيه حرام وحلال
هاتيجى تقول ابداع؟ معلش فى الكلمة ابداع دى تبقى خالة حضرتك
ياراجل
دا انت الست امك لو كانت وزيرة ولا شخصية عامة وماتت
وجيبنا واحدة تجسد شخصيتها فى فيلم
والواحدة دى مشهورة بأفلام التعرى والاثارة وسمعتها زفت
هااتيجى تعترض وتقول ازاى واحدة زى دى تجسد شخصية امك
السؤال هنا
شخصية امك ؟؟ شخصية اااامك؟ اهم من شخصية سيدنا نوح؟
الاعتراض مش على الابداع..ما احنا سايبين خالد يوسف بيطلع مناطقنا العشوائية ان كلها سرقة وزنا محارم وقرف
انما تيجى تقولى نزور القصة..ونغير فيها ؟؟
وتجيبلى ممثل بتاع خمور وجنس وقرف يمثل دور نبى؟؟
اسم النبى حارسك وصاينك
وبعدين عاوز تفهم انا معترض ليه؟
انا حاليا بعمل موضووع عن سرقة الاثار العربية والتاريخية بعد نكسات الربيع العبرى؟
وبقول فى الفيديو ان السبب وراء السرقة هدفين
هدف قريب.. وهدف بعيد
الهدف القريب انه لما يدمرلك المجمع العلمى ويسرق المخطوطات القديمة ويحذف جزء حرب اكتوبر من المنهج..يطلع عندك عيل مالوش تاريخ وبالتالى يكون ماعندوش انتماء
والهدف البعيد انه لما الواد يكبر ويلاقى المخطوطة اللى بتثبت ان المسلمين هزموا اليهود زمان اتسرقت..وان فى واحدة تانية فى اسرائيل ببتقول العكس ( ودى مزورة طبعا ) وقتها هايكون سهل يكدبك ويصدقهم
وبناء عليه حضرتك
انت عارف اننا شعب مالوش فى القراية
فلو جيت مش هاقولك بقى لو جيبت العيل الصغير؟
لا..هات الشاب اللى من سن 16 لحد 25
وقوله امسك الكتاب دا واقرا قصص الانبياء؟
يقولك قراية مين يا عم ؟؟هاروح اتفرج على التلفزيون احسن
فلما حضرتك يتعرض فيلم مزور تاريخ الاسلام وتاريخ نبى من انبياءه
ايهما هايأثر على عقل الشاب المسلم اللى مش فاهم دينه؟
فيلم هوا شافه بمؤثرات صوتية وحركية مصروف عليها وملايين والبطل ممثل هوا بيحبه ..؟
ولا كتاب قصص الانبياء اللى فيه القصة الحقيقية بس عمره ما قراه لانه مابيحبش القراية؟؟؟؟؟؟؟؟؟
عارف حضرتك قصة فيلم نوح دى لو اتعملت كتاب؟ الله فى سماه ولا هانسمع عنه ولا هايعمل ضجة ولا هايبيع نسخة
انما الضجة معمولة لان الشىء المرئى بيدخل من العين للعقل وبيبرمج دماغك واول ما تشوف الفيلم هاتقتنع بقصته وحتى لو بعد كده جينا نغير مفهومها اللى فى دماغك مش هاتتغير
لان الانطباع الاول يدوم
ياريت الجهابزة اللى قالوا عليا متخلف
يعرفوا ان متخلف مسلم
احسن من مخترع ملحد
بلا قرف والواحد حاسس انكم ماتفرقوش حاجة عن الاخوان
واخدين كل حاجة بالفهلوة والعافية والدراع
ومش حابين تفكروا
وبتختلفوا لمجرد الاختلاف وبس
عشان تثبتوا انكم متطورين ومتقدمين واحنا اللى متخلفين
** بالمناسبة..دى فتوى تحريم التجسيد للانبياء
E.E
Eslam Elbahrawy
