بالصور تحليل الاشارات والرسائل الخفيه
فى اعلان جهينه طلع اللى جواك
دعوة لاثارة الفوضى فى المجتمع من خلال رسائل برمجه لغويه وعصبيه للمشاهد
اولا شاهد الاعلان من خلال الفيديو التالى
المرة دى سؤال ودعوة للتفكير
اهو ولا بنتهم.. ولا بنقول ..؟ عشان الناس اللى بتضايق
انا عاوز افهم ايه الفايدة من اعلان لمشروب او لزبادى
بيقولك ان انت متقيد وان من حقك تكتب على الحيطان
وان دا مش غلط
طلع الحرية اللى جواك .. واكتب على الحيطة وبهدلها ...؟
( صورة 1 )
** ايه الفكرة انك تجيب الالتراس والشماريخ اللى بسببها حصلت مجازر وتقول ان المجتمع مقيد حريتك؟؟ لا طلع حريتك واعمل اللى انت عاوزه !!
( صورة 2 )
** ايه الفكرة انك تجيب اللبس المخنث بتاع الشباب المخنث بتاع الايام دى؟
وتقوله المجتمع مقيد حريتك..البس براحتك؟
( صورة 3 )
** يعنى انت عامل اعلان عشان تشجعهم يكتبوا شتايم وقرف على الحيطان واهالينا وبناتنا يشوفوا القذارات دى؟
يعنى انت عامل اعلان عشان تشجع الالتراس والشماريخ اللى بسببها مات ناس ومازال بيموت؟
يعنى انت عامل اعلان عشان تشجع اننا نشوف الشباب اللى بيلبس استريتشات زى الحريم ولابس فيزون ؟؟؟
بالله عليكم اى منتج دا اللى يوجه رساله زى دى ؟
هل دى رسالة كويسة؟؟
هل دا منتج كويس واعلان كويس؟؟
مش بقول اهو ولا شفرات ولا نيله
انا بسأل سؤال للناس اللى بتقولى انت بتشكك فى كل حاجة
وانت حاطط المؤامرة فى كل حاجة
جاوب عليا وقولى دا معناه ايه !!
#إعلان_زبادو_جهينة_الجديد !!
#طلع_الحرية_اللى_جواك !!
حرية= فوضى .. مش كده
E.E
Eslam Elbahrawy
