القبض على قيادات الاخوان بعد فض اعتصام رابعه
هو رؤية مخابراتيه خاصه
رؤية إسلام البحراوى
يوم بعد يوم
مازلت اصر على ان اللعبة.. لعبة مخابراتيه بحته
لا علاقة لها بجيش او شرطة
اعلم هناك من يقاوم هذا التفكير
لا يؤمن بنظرية المؤامرة
ولكن تلك هى الحقيقة
المخابرات تبارز بعضها البعض بالاعلانات والجواسيس والاحداث
هكذا رأيت القبض على العريان فى هذا التوقيت تحديدا
ارى ان تلك ما هى الا تفكير مخابراتى بارع
عملاً بمبدأ .. ان الانسان عندما يقتنع انه وصل للقمة
ثم ينظر ويجد ان القمة مازال امامها قمة اخرى
فتهبط عزيمته .. وتقل ارادته
لذلك ..
هل بعد ان علمنا ان العريان كان فى احد شقق التجمع الخامس
هل لدينا شك ان اجهزة الجيش والشرطة والمخابرات
بعد ان قبضت على البلتاجى وابو اسماعيل
كانت تعجز عن القبض على العريان؟
انه الفكر المخابراتى يا عزيزى
** اعتقد وفى مخيلتى فقط ومجرد وجهة نظر
1- ان المخابرات تعلم ان العريان اخر الكوادر التى لها كلمة مسموعة لدى شباب الاخوان
2- لذلك.. اذا تم القبض عليه مبكراً منذ بداية الاحداث
قد يظهر قائد غيره ويستمر الاحتقان
3- لذلك تم غض البصر عنه كل تلك الفترة
حتى يكون هو المؤجج الوحيد لمشاعر شباب الجماعة
لا يوجد غيره ..هو الاخير.. الجميع يعتمد عليه
وفجأة ... وقبل بداية محاكمة المعزول
والشباب الاخوانى يتوقع منه تعليمات وتسجيلات لزيادة الحماس
يتم القبض عليه والقضاء على اخر من يحرضهم
وهنا تهبط العزيمة
انا اكاد اقسم بالله .. ان ايا كان عدد الذين كانوا يقررون الخروج للتظاهر يوم محاكمة مرسى .. قد قل عددهم الى النصف الان بعد القبض على العريان ..
4- اعتقد وبداخلى شعور قوى جدا ان ذلك كان مرتب له
وان ذلك كان تحت النظر ان يتركوه
حتى يحطموا حماس الارهابيين للنهاية
5- اخيرا مثال توضيحى لما افكر فيه
الشباب العاشق للانترنت ..
لما يكون مررهق جدا بس نفسه يقعد على النت
ويلاقى نسخة الويندوز وقعت
بييجى على نفسه ويقعد يصطبها ويحملها ويستنى
بيكون مرهق بس اول ما النسخة تفتح بيحس بسعادة كبيرة
خلاص بينه وبين النت خطوة..مجرد تعريفات الجهاز بس
ولكن مع اول تعريف .. وهوا مفعم بالحيوية ولنشاط
ويقرر انه هايسهر ويكمل اكتر رغم تعبه
ويصطب كل البرامج عشان يسهر على النت بقى
لو صطب اول تعريف وعمل ريستارت للجهاز
وفجأة لقى النسخة وقعت تانى؟
هنا بقى؟ هل الحيوية والنشاط هايفضلوا جواه
وينزل نسخة تانية بعدها فى نفس الوقت؟
ولا حماسه هايقل.. ويقرف.. ويدوس على زرار الباور ويقفل الجهاز؟
دا اللى حصل مع شباب الجماعة والعريان
هما فقدوا الامل لكن كان عندهم اللى يسخنهم
وكانوا طالعين لمرسى يوم المحاكمة
طيب دلوقتى وكل اعضاء التنظيم سقطوا قبل المحاكمة بأيام
هل ستظل عندهم العزيمة؟
بالطبع لا.. وهايقل طموحهم وهايموت
** لو ان دى كانت الفكرة
اعتقد لينا حق فعلا ان جهاز مخابراتنا يتصنف كواحد من اقوى الاجهزة المخابراتية فى العالم
** اخيرا..مجرد وجهة نظر..قد لا تحتمل شىء من الصواب **
