هل الالحاد اصبح له اتباع كثيرون فى مصر
حتى يتم عرضه بكثافه على شاشات التلفزيون
انا اللى اعرفه ان الاعلام لما بيناقش قضية
القضية دى بتكون مأثرة على الرأى العام
وليها ناس بيمثلوها والناس دى كتله لا يستهان بيها فى الجتمع
مش كده؟؟ اكيد كده
طيب ايه الفكرة انى افتح قناة المحور الاقى مذيع بيسأل واحد ويقوله
وحضرتك شايف ان ربنا مش موجود ليه ؟؟
وبعدين اروح لقناة النهار الاقى المذيعه بتسأل واحد وبتقوله يعنى انت كويس اهو وعايش وشغال وعندك حياتك رغم ان ربنا مش موجود ..؟
وبعدين تروح قناة تالته تلاقى المذيع جايب واحد يسأله بيقوله
احكيلنا بقى وجهة نظرك وقولنا ليه رافض وجود ربنا اشرح وجهة نظرك ..؟
** هوا فى ايه
ايه حكاية نشر الالحاد اعلاميا عشان تبتدوا تروجوا ان الناس دى موجودة وبكثرة وفجأة تعملولهم كيان جوا المجتمع ..
لصالح مين يا اعلام وسخ .. لصالح مين
** حتى يوم ما تحب تعمل حلقة عن الالحاد فى دولة مسلمة
المفروض الحلقة تكون معمولة عشان تبين كُفر الملحدين
مش تجيب واحد يحكى وجهة نظره اللى ممكن تقنع شباب كتير
خصوصا ان الايام دى الشباب بيدور على اى عذر ومبرر عشان يتفرج على بورنو ويشرب مخدرات و يزنى براحته وهوا عنده مبرر
فتكون النتيجة انه يعتنق الفكرة هروبا من فكرة الحرام والحساب
** عالاقل يوم ما تجيب .. اعمل مناظرة
هات عالم من العلماء المسلمين
يا راجل بلاش تجيب عالم فى الدين
دا انت لو جيبت عالم فى الفيزياء الكونية
وقعد يسأل الملحد دا اسأله عن كيف تم خلق الكون لو ان مفيش إله ؟
والله العظيم دا كفيل يخلى الملحد دا يولع فى نفسه
لكن تجيبه لوحده فى الحلقة ويحكيلنا انجازاته مع الالحاد
** ظاهرة خطيرة انا حذرت منها من فترة لما ظهر على التلفزيونات حوار السنه والشيعه وقلت هاتحصل فتنة وفعلا حصلت وشوفنا القتل اللى حصل فى مصر وكان اول مرة نشوف حاجة كده اسمها قتل بين سنه وشيعه
وحذرت من شهور لما برضو قناة المحور عملت نفس الحوار مع شباب ملحدين وقلت ليه دلوقتى واشمعنى؟
وانا دلوقتى بحذر تانى
وبقولها للريس الجاى زى ما قولتهاله من كام يوم
حال البلد لن ينصلح ..وانت لن تنجح
الا اذا لو طهرت الاعلام والفن والرقابة !!
أشهد أن لا إله إلال الله
وأشهد أن سيدنا محمد رسول الله
E.E
Eslam Elbahrawy
