مسلسل عد تنازلى - تعلم معنا كيف تحب الارهابيين
وقم بتربية اطفالك على ان الارهاب هو الجهاد
مأساة الفن فى مصر
بسم الله الرحمن الرحيم
حلو مسلسل عد تنازلى مش كده؟
دا من احسن مسلسلات رمضان 2014 يا جدع
جميل جميل
عارفين مشكلتنا ايه؟ اننا الوحيدين اللى بيتنفذ عليا الخطه اكتر من مره ومش
بنفهمها وكل مرة تدخل علينا ويتلعب بينا
موقف حصل فعلا
اخو زوجة احد اصدقائى.. طفل 15 سنه ..كنت بتناقش عن مسلسل عد تنازلى انا واصحابى وفجأة لقيت الولد بيرد معانا فى
الحوار .. وكنت وقتها بقول ليه المسلسل بيحاول يطلع الارهابى بطل المسلسل اللى هوا عمرو يوسف كأنه حد مظلوم وبيعمل
حاجه صح وفوجئت بالطفل دا بيرد عليا ويقولى هو صح يا عمو .. انت ماشوفتش اول المسلسل..دا الضابط دخل عليهم القهوة وشتمهم
وضربهم وكمان الضابط قتل ابنهفهو بينتقم من اللى قتلوا ابنه
وهنا لقيت الكارثه صحيت قصاد عينى والله .. والله ربنا يعلم انى كنت ناوى اتكلم عن المسلسل ولكن .. كلمات الطفل دا خليتنى
بجد انجز فى تحضير بوست عن المسلسل دا
المسلسل فيه حاجات كالاّتى:
1- اول الحلقات يجيبلك ان سبب ان عمرو يوسف كره الشرطه .. انه وهو قاعد مع طالبب عنده على القهوه جه ضابط وحاول يقبض على الطالب دا وكان عمرو يوسف رافض القبض عليه وليه وليه لان عمرو يوسف بيرد على الضابط وبيقوله مش من حقك تعمل
كده..الضابط تعنت معاه واعتقله !
( وهنا بيربى جواك فكرة ان الداخليه بلطجية والشغل اللى اتلعب علينا على مدار الكام سنه اللى فاتوا دول )
2- بيمشيلك حلقات المسلسل على ان ضابط الشرطة هو اللى قتل ابن عمرو يوسف وبالتالى الراجل يا عينى فى ضابط قتل ابنه
والراجل بينتقم لابنه !
3- تعمدوا فى الحلقه الثامنه تقريبا انهم يجيبوا التحقيق مع قائد الجماعه لما قبضوا عليه ودخلوا الضابط عليه .. وكان المشهد
عبارة عن شيخ مسالم جدا والضابط رابطه فى كرسى ونازل ضرب وتعذيب فيه
( ترسيخ لفكرة تعذيب الداخليه للمنتمين للجماعات وان الناس بتوع الجماعات دول ناس مظلومة وبتتعذب )
4- فى حلقة من الحلقات بيحصل حوار بين عمرو يوسف اللى بيجهز متفجرات للجماعه وبين امير الجماعه امير الجماعه بيعطيله فلوس وبيقوله خد الفلوس دى؟
عمرو يوسف بيقوله اشمعنى انا بتدينى فلوس؟
قاله اصل انت شغال معانا كمجرد شغل انما انت مش زى باقى الاخوة اللى مؤمنين بقضيه ومستنيين اجرهم الحقيقى وهى
الجنه فى الاخره ان شاء الله
( هنا محاولة ترسيخ فكرة ان قتل الجيش والشرطة هى جهاد كما يقول تجار الدين والارهابيين واقناع الشباب الصغير ان الجنه مستنياهم )
5- ايه الفكره انك تكرر مشاهد فى حلقات مختلفه عن اغتيالات وتفجيرات بتحصل جوا مؤتمرات لوزارة الداخليه وكأنك
بتحاول توصل ان الامن عندنا يسهل اختراقه وفاشل فى تأمين مؤتمراته ؟
6- فى الحلقه الثالثه اللى هى المفروض بيتقبض على عمرو يوسف ومعاه طالب عنده فى كلية هندسه لما اتقبض عليهم
على القهوه المشهد اللى بعده جايبين اخت الطالب دا وهى بتقول اخويا ماتقبضش عليه..اخويا اعتقلوه وكل دا عشان بيصلى
وبيربى دقنه ومش عاجبه حاجات فى البلد وهنا بقى تحس بأكثر مراحل البرمجه اللى داخله دماغك عشان يقنعوك بكلام الاخوان
ان اللى بيصلى ومربى دقنه هو اللى بيتم اعتقاله لان البلد دى كافره ومش عاوزه تطبق شرع ربنا !!!!!!!!!؟
7- انا عاوز اقولكم ان كل دا عبارة عن حاجة اتكلمت عنها كتير وهى علم البرمجة اللغويه والعصبيه انه يفضل يعرضلك مشاهد ويكررها ويكررها لحد ما تقتنع بالكلام دا ويتكون جوا عقلك فكرة مغلوطه ودا اتحقق بالفعل لما قدروا يسيطروا على
عقل طفل بيتفرج على المسلسل وقال ان اللى بيعمله الارهابى دا صح لان من الاول ضابط الشرطة هو اللى اهانه وهو اللى قتل
ابنه .. وكأن دا مبرر ان حتى لو حصلك كده..انك تكون ارهابى
8- احنا بيتلعب بينا من كل اتجاه اعلانات .. افلام .. مسلسلات .. برامج غسيل المخ شغال بشكل مرعب الاول كان من الخارج عن طريق افلام اجنبيه بيغرقوا السوق بيها انما دلوقتى بقى من الداخل وشركات الانتاج اخترقها العملاء بشكل كبير واصبحت كل كلمة بتتقال وكل مشهد له مغزى وهدف
دى كانت ملاحظة بسيطة عن المسلسل ومستنى اشوف باقى الحلقات هاتسفر عن ايه
كل ما سبق مجرد رأى شخصى يحتمل الخطأ والصواب
E.E
Eslam Elbahrawy
