الى الرئيس السيسي - ارسلنا مساعدات من طعامنا فداسوا عليه
لدينا فى مصر من يأكل من القمامه
دا الاكل اللى من فلوسى
دا الكل اللى من قوتى وقوت ولادى
دا الاكل اللى بيتدعم من ضرايبى
دا الاكل اللى بيتزرع فى ارضى
دا الاكل اللى بيتعمل فى مصانعى
دا الاكل اللى صناعته بتكلفنى كهربا بسببها بقعد فى الضلمه
خسارة فيهم يا ريس والله
والله العظيم الاكل اللى انداس عليه دا فى ناس مش لاقياه
والله العظيم الاكل السوبر لوكس اللى اتقال عليه مسوس دا فى ناس مش لاقياه
عارف ياريس ال 500 طن مساعدات دول
لو انت جيت معايا بعد الفطار ومشينا سوا كده فى الشارع
هوريك اللى يستحقوا ال 500 طن دول بجد
هافرجك على امهات واطفال ملمومين على صناديق الزباله بيفتحوا الاكياس جايز يلاقوا حاجة تتاكل
هافرجك على اطفال بتعدى على الكافيهات تلم علب الكانز والعصير اللى تحت رجلين الزباين وتحاول تشرب منها جايز فاضل فيها شويه
بلدى اولى بكل قرش
واللى محتاجه البيت يحرم على الجامع
وماخدناش حاجه من العروبه الا استشهاد ولادنا وخراب البلد
وجهة نظر ومات الكلام
E.E
Eslam Elbahrawy
منشور by Eslam Elbahrawy.
