حقيقة العالم - مدونة إسلام البحراوى: بالفيديو والصور - اعلان موبينيل الجديد - يحتوى على اشارة رابعه - واشاره واسقاط واضح لإنقلاب 1954 - وتشبيهه لما حدث فى 30 يونيو 2013

بالفيديو والصور - اعلان موبينيل الجديد

يحتوى على اشارة رابعه - وإشاره وإسقاط واضح لإنقلاب 1954

وتشبيهه لما حدث فى 30 يونيو 2013

شاهد لتصدق

بسم الله الرحمن الرحيم

فيديو صوتى يشرح الموضوع

طبعا فى بداية الامر الموضوع مش للناس بتوع المنطق والمعادلات والاستنتاجات

الموضوع دا موجه للناس اللى مؤمنه بعملية برمجة العقول عن طريق الاعلانات

** فى بداية الامر كانت اعلانات موبينيل فى رمضان هذا العام بينى وبينها مشكله فى انها بتقلل جدا من المصريين وانها بتطلعهم اغبياء ومش بيفهموا بسرعه ودا فى حد ذاته كان تقليل من المصرى كمواطن !

ناهيك عن انه بيصورلك ان الصيام بيخليك تنسى وبيضرك

رغم ان ربنا فى القراّن الكريم ورسولنا فى سنته قالولنا عن فوائد الصوم الصحيه !!!!

دا الاعلان للى ماشافوش لسه

** لما شوفت اعلان موبينيل لما كان الشاب فى التاكسى

لفت نظرى شوية حاجات كده ولكن قلت .........؟ جايز مش مقصوده

الاول لفت نظرى ان التاكسى عليه علامه خمسه وخميسه ولكنك للوهله الاولى لما تشوفها تفتكر علامة رابعة بالضبط والسبب فى كده ان الخمسه وخميسه دايما بيكون لونها ازرق او لبنى ومش صفرا

و دى صور للخمسه وخميسه الطبيعيه

2- النقطة رقم اتنين وبرضو لحد دلوقتى من حقكم تختلفوا معايا بس لسه المفاجأة جايه قدام

برضو الولد اللى بيمثل الاعلان لون التى شيرت بتاعه اصفر

واظن اننا اتفقنا قبل كده ان الالوان بتلعب درو هام فى موضوع البرمجة اللغويه والعصبيه

ومحدش يقولى لابس اصفر عشان موبينيل لان موبينيل لوم اللوجو برتقالى مش اصفر

** نيجى بقى للنقطة التالته

لما تكون بتشوف اعلان .. عامله نجيب ساويرس !!

وكمان لشركه معروف ان ليها اعلانات محرضه

واعلان شايف فيه علامة رابعه

لازم تدقق فى كل تفصيله

بص بقى يا سيدى

رقم التاكسى فى الاعلان ..؟ نمرة التاكسى كااااااااام؟

تعالوا نشوف؟

تماااااااااام التاكسى .. مكتوب .. مصر.. 1954 .. على اللون الاسود

عارف سنة 1954 كان فى ايه؟

كانت السنة اللى تم عزل الرئيس محمد نجيب فيها على يد عبد الناصر

هاييجى حد يقولى وايه المطلوب؟

المطلوب تشوف الاخوان بيقولوا ايه على عزل محمد نجيب؟

القصة مبسطة قبل ما تشوفوا الصور

ان الاعلان ربط اللى حصل سنة 1954 فى مصر واللى بيصفه الاخوان انه انقلاب عسكرى على محمد نجيب لان الاخوان كانت بتأيد نجيب .. بيشبهوا دا باللى حصل فى 2013 ودا اسقاط واضح فى الاعلان

لان صعب اوى فى اعلان واحد تجيبلى علامة رابعه وتجيبلى رقم مكتوب .. مصر 1954 كإسقاط على عزل محمد نجيب وتقولى ان دا حصل صدفه او مالوش اى تفسير ... وعشان تفهموا اكتر شوفوا ازاى الاخوان بيتكلموا وبيشبهوا 1954 و 2013 ان الاتنين انقلاب من جيش ظالم حب يقعد فى السلطة وان الاتنين انقلاب حصل بسبب ان نجيب كان بيؤيده الاخوان وعاوز يطبق الشريعه الاسلاميه وان مرسى كان من الاخوان وعاوز يطبق الشريعه الاسلاميه وعشان كده الجيش انقلب فى الحالتين !!!!!!!!!!!!

** ف اللى كان مراد توصيله من الاعلان ان اللى حصل سنة 1954 انقلاب عسكرى من الجيش اللى رفض محمد نجيب لان الاخوان كانوا بيأيدوه ولانه هايطبق الشريعه والجيش ماكانش حابب دا ولا كان حابب تكون مصر اسلاميه

ولذلك تم انتاج الاعلان فى 2014 عشان يعرفك ان الموقفين متشابهين وان السيسي عمل نفس الكلام !

تعالوا نتصفح كده كلام الاخوان فى المواقع وتوصيفهم للحدث

هاجيبلكم الكلام بالصور من مواقع الاخوان عشان تكون موثقه

1- مدونة اخوانيه تصف ما حدث بإنقلاب عسكرى بسبب ان الجيش طمع فى سلطة

2- موقع اخوانى يحلل ثورة 30 يونيو ويشبهها انها انقلاب مثل عام 1954

ويقولون اخطر جمله ..

انقلب عبد الناصر على محمد نجيب الذى كان يحظى بتأييـــــــــــــــد الاخوااااااااااان

3- من موقع بوابه الشباب بالاهرام

يتحدثون عن ان محمد نجيب كان يحظى بتأييد الاخوان ولكن عبد الناصر رفض الارادة الشعبيه وتأيد الاخوان لنجيب فأنقلب عليه لان عبد الناصر كان يملك الاعلام والصحف وهو ما يشبه موقف السيسي !!

وفى نفس المقال يقول الكاتب الاخوانى انه :

افتتحت جريدة ' الدعوة ' الاخوانيه عددها رقم 122 الصادر في 23 يونيو 1953 بالترحيب بإعلان الرئيس محمد نجيب - وقتها - إلغاء الملكية وإعلان الجمهورية بمقال كتبه صالح العشماوي جاء فيه ' الحق أن الإسلام لا يعرف الملكية كنظام للحكم , فهو لا يقر وراثة الحكم , ولا يعترف لأحد بقداسة فوق القانون , ولاشك أن النظام الجمهوري هو أقرب الأنظمة إلي نظام الحكم في الإسلام , وأخيرا أعلنت الجمهورية في مصر ولكن أي نوع من الجمهوريات؟ لن يرضي الشعب بغير ' الجمهورية الإسلامية ' ولن نقبل غير الإسلام نظاما , ولن نرضي بغير القرآن دستورا ' , كما حملت الصفحة الرئيسية للجريدة وقتها وكانت في حجم ' التابلويد ' صورة مؤسس الجماعة الراحل الشيخ حسن البنا , وتحتها كتبت : وصية .. أيها الإخوان المسلمون اسمعوا .. وجاء فيها : أردت بهذه الكلمات أن أضع فكرتكم أمام أنظاركم , فلعل ساعات عصيبة تنتظرنا , يحال فيها بيني وبينكم إلي حين , فلا أستطيع أن أتحدث معكم أو أكتب إليكم , فأوصيكم أن تتدبروا هذه الكلمات وأن تحفظوها ان استطعتم , وأن تجتمعوا عليها .. وان تحت كل كلمة معاني جمة .. أنتم لستم جمعية خيرية , ولا حزبا سياسيا , ولا هيئة موضوعة لأغراض محدودة المقاصد , ولكنكم روح جديدة تسري في قلب هذه الأمة , ونور جديد يشرق فيبدد ظلام المادة , ومن الحق الذي لا غلو فيه , أن تشعروا أنكم تحملون هذا العبء بعد أن تخلي عنه الناس .

لكن هنا نتوقف أمام ظاهرة غريبة فعلا , ففي عام 1954 كان هناك جدل شديد حول العلاقة بين الدين والدولة وتخوف لا يزال موجودا لدي البعض - من سيطرة الإخوان المسلمين علي الحكم , وتأثير ذلك علي النموذج الذي كان يصبغ الحياة المصرية منذ عهدها الملكي , ومن نوادر ذلك الجدل فوز مصرية لأول مرة - وربما تكون المرة الوحيدة والأخيرة - بلقب ملكة جمال الكون بعد تتويجها ملكة لجمال مصر , واسمها أنتيجون كوستندا من مواليد الإسكندرية وتنتمي للجالية اليونانية , وكانت تلك المسابقة تجري سنويا في مصر ويتم خلالها استعراض المتسابقات بأزياء مختلفة منها ملابس البحر ( المايوه ) , العلمانيون حينها رأوا مثل ذلك النموذج بريقا عالميا لمصر قد ينطفئ في ظل الدولة الدينية التي لن تقبل بمسابقة كهذه , بينما كان الإسلاميون لا يتحدثون عن هذا الجانب وغيره باعتباره قشورا وعيبا وحراما .

4- اظهار ان عام 54 كان اضطهاد للاخوان المسلمين

وكذب وافتراء

وتشبيهه بما يحدث الان

ولااااااااااااااحظ جدا انهم بيقولوا ان محاولة اغتيال عبد الناصر كانت مجرد تمثيليه من ترتيبه عشان يهيج الناس ضد الخاوان وهو نفس الكلام اللى بيتقال حاليا ان كل ما الجيش او الشرطة يموت منهم حد فى تفجير يقولك السيسي والمخابرات اللى مدبرينه عشان يكرهوا الناس فى الاخوان

فاهمين الشغل ماشى ازاى