لعنة الفراعنه - انقطاع الكهرباء فى القاهرة لحظة وفاة مكتشف مومياء توت عنخ امون
وكوبرا تلدغ العصفور الذهبى
لعنة الفراعنه
قيقة لا يجب ان نغفلها
** فى الاقصر
قصة حقيقية شاهد العيان عليها احد اقاربى
من المعروف انك ماتقدرش تفتح اى مقبره فرعونيه الا بوجود شيخ معاك
لان برضو من المعروف وجود جن بيحمى المقبره
وفى حالة فتح المقبرة او محاولة فتحها بدون التخلص من الجن حارس المقبره
بيتأذى اللى بيحاول يفتحها
** شخص ما فى الاقصر وجد تحت بيته كعادة كل الناس فى الصعيد وهى بتحفر بتلاقى مقابر ودا منتشر جدا
وجد مقبره وفعلا حاول يفتحها لوحده
وكانت النتيجه .. حاجة بتسمعوا عنها
ودايما الاعلام يقولك دا ليها تفسير علمى ومش بيرضى يقول الحقيقه
اللى حصل ان البيت ولع ..
مش بس كده.. لما فضل البيت كل شويه تقوم فيه حريقه
الراجل اخد اولاده وزوجته وراح بيت تانى فى نفس المنطقه
وكانت النتيجه برضو ان البيت الجديد كان بيولع
لحد ما الراجل راح لمنطقة تانيه خالص وسكن فيها
و دا اللى كل سنه بنسمعه ان فى بيوت بتولع فى الصعيد
ويطلع واحد يقولك اصل البيت بيبقى فى السطح بتاعها فى قش والقش بيتفاعل مع حرارة الشمس والكلام دا .. ولكن عاوزين الحقيقه اسألوا اهالى البيوت دى وادخلوا على يوتيوب هتلاقوا الاهالى بيقولوا ان دى افعال جن
** يبقى انى اختم بنقطه صغيره
اللورد كارنار فون
دا اسم العالم اللى اكتشف مقبرة توت عنخ امون او اللى قام بتمويل اكتشاف المقبره بمساعدة هوارد كارتر ... وقد حدثت الاحداث التاليه عند فتح المقبره
1- كان لدى اللورد كارنار فون عصفور ذهبى .. وفى اليوم الذى فتحت فيه المقبره كان اللورد كارنار فون يضع عصفوره فى الشرفه .. واذا به يسمع صراخ العصفور ليدخل ليجد ثعبان كوبرا يلدغ العصفور ليموت فى الحال
2- فى يوم الاحتفال الرسمى لافتتاح المقبره .. شىء ما داخل المقبره قد وخز اللورد كارنار فون مما ادى لحدوث حمى شديده له ليتوفى فى الحال .. ولكن لم يقف الامر عند هذا الحد ..
فكان هناك شيئان اغرب من بعضهما
الاول .. ان فى لحظة وفاة اللورد كارنارفون انقطعت الكهرباء عن القاهرة بأكملها
فى مفارقه غريبه لم يجد لها احد تفسير
والثانية هى ملاحظه التى اشار لها الكاتب محسن محمد عندما ذكر ان ما وخز اللورد كارنار فون كانت بعوضه والمفارقه هنا ان البعوضه وخزته او قرصته فى خده الايسر والغريب ان الاصابة التى وجوها فى وجه مومياء توت عنخ امون وقت اكتشافها كانت ايضا فى خده الايسر !!!
** لعنة الفراعنه لها الكثير من الاساطير
حكايات حقيقيه واخرى تم تأليفها
ولكن ان كنا لا نصدق ما لم نعيشه
فوجب علينا تصديق ما نعيشه حاليا ولكن لا يتم تسليط الضوء عليه
فنحن الان وفى 2014 .. اصبح ابو الهول هو الهدف الاول والاخير لجميع المنظمات الاثريه اليهوديه التى تريد الكشف عن اسرار الكون وهم يعلمون ان اسفل ابو الهول يوجد كنز الكنوز !
By : E.E
Eslam Elbahrawy
