كيف غيرت الجماعات الارهابيه استراتيجيتها فى مصر بعد ان تم تضييق الخناق عليها فى الفتره الاخيره
نظرية الترهيب المزيف
** وجهة نظر **
بيقولك دايما التاجر لما بيفلس .. بيدور فى دفاتره القديمه
عاوزين تعرفوا حقيقة تقدم قوات الجيش والشرطة فى صد الارهاب من عدمه من غير تقارير وازرة الداخليه ولا بيانات المتحدث العسكرى !!
احسبها معايا كده
مش ملاحظ ان العمليات قلت
مش ملاحظ ان بيانات الارهابيين قلت
لا دا انا هاقولك كمان على اللى يدل ان فعلا حاليا بيتم التضييق عليهم
الفيديو اللى طلع من كام يوم وكان فيه صور من حادث الفرافره ولكن اتضح ان عملية قتل الجنود اللى متصوره تخص عمليه حصلت فى اول يوم رمضان
ماسألتش نفسك ليه طلعوا دلوقتى بس فيديو لعمليه من اول يوم رمضان؟
انه الافلاس يا ساده
الناس دى متحجمه ..الناس دى متضيق عليها
وبالتالى حابين يفضلوا فى الصوره .. فمادام مش هايعملوا عمليه
يطلعوا فيديو يفكرونا بالعمليات اللى فاتت
من مصدر موثوق .. الجماعات الارهابيه غيرت فى الشهور التلاته الاخيره الاستراتيجيه بتاعتها .. لو تلاحظوا كان الاول بيتعمل العمليه ويطلعوا الفيديو بتاعها مش كده؟؟؟
لو ملاحظين ان العمليات اللى بتحصل مؤخرا مش بيطلعلها فيديوهات
وهنا دى الاستراتيجيه الجديده .. انه بيصور العمليه ويخلى الشريط معاه بدون نشر .. عشان لما تضيق الخناق عليه وماايبقاش عارف يعمل عمليه .. يروح مطلعلك شريط من المتخزنين ..شريط يكون لعمليه قديمه ويركب عليه صور فى مقدمة الفيديو لعملية جديدة .. عشان تقتنع ان الارهاب لسه موجود وشغال
انا عاوز اقولهم ..
هانت .. ولا هايبقى فى عمليات .. ولا حتى فيديوهات
التصفيه شغاله حتى لو لم يتم الاعلان حاليا
E.E
Eslam Elbahrawy
منشور by Eslam Elbahrawy.
