بالصور - عمر عفيفي اول من روج لقضية خالد سعيد فى امريكا
وحان الوقت لتشرب امريكا من نفس الكأس
جايلى تعليقات على موضوع المظاهرات العنيفه اللى حاصله فى امريكا بسبب الشاب الاسود اللى قتلته الشرطه..وقالولى انت بتقول مقتل شاب برىء ؟ مع انه له فيديو وهو بيسرق سجاير من سوبر ماركت ...؟
شوفوا بقى
خراب بلدى بدأ على ايد الامريكان ومن وسط امريكا نفسها
يبقى لازم ادوقهم من نفس الكاس اللى شربونى منه
اشمعنى هما يقتلوا واحد سرق سجاير ؟ ومش عاوزنى اقول برىء
رغم ان فى بلدى اخدوا واحد بالع بانجو وقومولى ثوره على حسه !!!!
الصوره دى حبيت امسى بيها على عمر عفيفي
واللى عارف ان ناس من متابعيه موجودين عندى وبيتابعوا الكلام
دا الافعى عمر عفيفي فى امريكا وحاطط صورة خالد سعيد وبيروج لخراب مصر عشان يدعم النكسه المشبوهه
وزى ما كان عمر عفيفي واحد مصرى بيهيج الرأى العام الامريكى على مصر مستغلا قضية مقتل شاب قالوا انه برىء
انا دلوقتى بقوم بدورى كشاب عربى بهيج الرأى العام العربى على امريكا ام الحريات والديمقراطيه مستغلا مقتل شاب برىء فقير مش لاقى ياكل فسرق سجاير من سوبر ماركت .. وامريكا بلد الديمقراطيه والحريه قتلته
حد هايقولى انت عاوزهم يستعملوا الرحمه مع واحد بيسرق؟
هاقولك ايووووووه .. حقووووووق الانسان بتقول كده
ماهو لو كان تقرير الهيومان رايتس اللى طالع من اسبوع بيغلط مصر لانها دافعت عن نفسها وقت فض اعتصام كان فيه ارهابيين وقتله ومسلحين ؟
يبقى لازم اغلط امريكا لما تتعامل بالقسوه دى مع واحد يا دوب سرق خرطوشة سجاير !
ماهو لما تجيلى منظمة حقوق انسان تقولى الارهابى اللى بيدبح جنودكم فى سياء حافظوا عليه وعاملوه معامله اّدميه ؟
يبقى لازم انا اطالبهم انهم يطبقوا حقوق الانسان ولما حد يسرق سجاير يتقبض علي ويتعامل كويس؟ مش يتقتل
داين تدان .. والكأس دوووووار
يارب تكون النقطه وضحت
E.E
Eslam Elbahrawy
