الخطه والتخطيط - تعرف على المؤسسات الخمس التى خطط عملاء 6 ابريل لتخريبها منذ 25 يناير وحتى الان - كل شىء محسوب
المعروض قدامكم حاليا هو صوره
صوره للتدريب اللى كان بيتدربه شباب 6 ابريل قبل 25 يناير
التدريب اللى كان بيشرح كيفية التحرك واستغلال اى فرصه لتهييج الناس
فى الصوره انتوا شايفين على لوحة الشرح
ايه هى الاهداف اللى هما عاوزين يضربوها بالتدريج
وقبل ما تبصوا على الصوره والاهداف لازم تفهموا وتفتكروا حاجه مهمه جدا
ان الاهداف دايما باقيه .. بتتنفذ حتى مع اختلاف الوقت والظروف
زى اول رئيس امريكى واخر رئيس امريكى فات بينهم عشرات السنين
ولكن الهدف كان واحد عند الاتنين وبيتنفذ مهما اختلفت السنين والامور
الاهداف المراد ضربها زى ما انتوا شايفين
والضرب هنا مش بس مراد به ضرب عسكرى او ضرب بالنيران
ولكن اغتيالها معنويا واجتماعيا
1- السلطه
2- الشرطه والجيش
3- المؤسسه الدينيه
4- المؤسسه التعليميه
5- الاعلام !
فكروا فيها ... تعالوا نشوف ازاى دا اتحقق فى جميع الازمنه اللى فاتت
ايام 25 يناير :
1- هجموا على السلطه .. فأسقطوا مبارك ( اللى تظاهر بالسقوط بمزاجه )
2- هجموا على شرطه وجيش لما فتحوا السجون وحرقوا الاقسام
3- دمروا المؤسسه الدينيه لما بدأ السلفيين للظهور للدخول فى السياسه والانقسام بين صحة الخروج على الحاكم من عدمه
4- الهجوم على المؤسسه التعليميه من خلال محو اجزاء من كتب التاريخ التى تتحدث عن مصر وتاريخها العريق
5- تم ترويض الاعلام والسيطره عليه من خلال نشر سرطان النشطاء وسط البرامج حتى سيطروا على كل ما يدخل الى عقل المشاهد
ايام المجلس العسكرى :
1- هجموا على السلطة المتمثله فى المجلس العسكرى
2- هجموا على الشرطة والجيش من خلال الهجوم المتكرر على وزارة الداخليه ومحاولة اقتحامها وكذلك الهجمه الشديده على المجلس العسكرى ومحاولة تلفيق التهم دائما
3- استمر هدم المؤسسه الدينيه مع زياده ظهور التطرف الدينى ولكن على استحياء غير واضح
4- المؤسسه التعليميه حاولوا هدمها من خلال حرق كان ملحوظ للمدارس ومش بس كده .. كان فى كارثه حرق المجمع العلمى !!!
5- الاعلام - حولوا فكر الاعلام انه يصدق ان فى حاجه اسمها فصل بين الجيش وقاداته وبدأ الاعلام يقع فى الفخ ويهاجم المجلس العسكرى ويرجع يقولك مالوش علاقه بحبنا للجيش ونجح العملاء انهم يستغلوا الاعلام فى تفتيت رؤية الاعلام للجيش وتقسيمه ما بين قاده وجيش
فى عهد الاخوان :
1-الهجوم على السلطه كان موجود .. هاتستغرب وتقولى ازاى اذا كان 6 ابريل فرع اخوانى؟ ازاى الاخوان هايهجموا على نفسهم؟ هاقولك لا يا سيدى الفاضل..السلطه فى نظرهم هى اى مصدر قوة بيحاربهم وبيحارب وجودهم..لذلك محاربة السلطه هنا كان موجه للجيش..فوجدنا تدبير مذبحة رفع للاطاحه بالمشير طنطاوى !
2- الهجوم على الشرطه والجيش كان واضح من خلال زرع خونه داخل الداخليه زى الضباط الملتحين وزى الضباط اللى كانوا بيسربوا معلومات ادت لاغتيال عدد كبير من شهداء الجيش والشرطه زى محمد مبروك وابو شقره !
3- استمر هدم المؤسسه الدينيه من خلال ظهور قنوات الفتنه وشيوخ السبوبه واصحاب الفتاوى المتخلفه وشاهدنا بسبب تلك القنوات ولاول مره ..شاهدنا قتل ومشاجرات بين السنه والشيعه فى مصر .. شاهدنا سب ولعن يخرج من السنة شيوخ .. شاهدنا شيوخ تحلل الدماء وتحلل العنف !
4- الهجوم على التعليم استمر من خلال العبث بالمناهج وازالة الجزء الخاص بحرب اكتوبر وتقليص حجمه بالكتب وفى المقابل وضع سيرة حسن البنا بالمناهج
5- الهجوم على الاعلام كان واضح من خلال قنوات الفتنه التى انتشرت كالجراد من محمد العمده الى ابو اسلام الى عبد الله بدر والبلكيمى وغيرهم مما ادى لظهور الاعلام المصرى فى اقبح صوره وكأنه اعلام دوله ارهابى !
الان .. فى عهد السيسي .. يستمر تنفيذ الاهداف
ولكن تغيرت فقط الاستراتيجيه واصبح الهجوم بدلا من ان يكون فكرى..أصبح دموى
1- الهجوم على السلطة..طبعا حدث ولا حرج عن الاخوان والحديث عن الشرعيه والهجوم الدائم على السيسي
2- الهجوم على الجيش والشرطة وايضا حدث ولا حرج فى قتل وتفجير وعنف يحدث يوميا بل وكل ساعه ضد الجيش والشرطه
3- الهجوم على المؤسسه الدينيه .. وهنا نقطة الفصل .. الخونه الان فى المرحله (ج) من تنفبييذ الخطه وهى المرحله الاخيره لذلك ستلاحظون عنف الهجوم..تحولنا فجأه من مجرد شيوخ يطلقون فتاوى غريبه..الى هجوم على الازهر..ظهور ظاهرة الملحدين ونشرها وكأنها ظاهره لها رواد ومتابعين .. الهجوم على كتب الدين وكتب الازهر والهجوم على كبار العلماء واستخدام شخصيات عامه لها متابعين فجأه وجدناها انحرفت وبدأت تتحدث فى الالحاد !
4- الهجوم على المؤسسه التعليميه و هذا ايضا وصل للمرحله (ج) وهى المرحله القصوى فتحول الهجوم من حرق مدرسه او تغيير منهج الى اقتحام جامعات.. اقتحام مدن جامعيه..تعطيل الحياة الدراسيه داخل الجامعات .. قتل ودماء وتكسير وحرق..
5- الاعلام ... بدأوا فى استغلال الاعلام فى اكبر موجه موجهه الى مصر منذ عشرات السنين .. فجأه استطاعوا تحويل الاعلام الى مادة تتحكم فى عقل المشاهد المصرى..فأصبحت فقط ترى ..: الالحاد .. زنا المحارم.. الدم..القتل..المخدرات..الجن والعفاريت .. العهر السياسىالعهر الفنىز.الالفاظ البذيئه ..افلام بورنو تحت مظلة افلام سينمائيه .. وبإمكانكم استكمال القائمه
ما اردت شرحه فى الفقرات الماضيه هو ان دائما العدو يضع الخطه ويستمر فى استخدام نفس البنود فى كل الازمنه ولكن تتغير الاستراتيجيات حسب تغير كل زمن على حده !
خونة الاخوان و 6 ابريل تدربوا على ذلك ومن قبل 2011 وضعوا خطة ووضعوا المؤسسات التى سيهجمون عليها بالترتيب فى كل مرحله زمنيه
بالضبط لمن يعرف بروتوكولات حكماء صهيون ..التى تم كتابتها منذ عقود العقود
ولكنها حتى الان يتم استخدامها
اتمنى اكون وضحت وجهة النظر
حتى لا ننخدع ونظن ان ما يحدث جديد علينا
لا.. ما يحدث شىء طبيعى مررنا به ولكن حدة الامر تتصاعد وتشتد
لانهم الان فى الرمق الاخير !
E.E
Eslam Elbahrawy
منشور by Eslam Elbahrawy.
