بالصور : مشاهدة مذابح اطفال سوريا اصبحت بالحجز فى اسرائيل
هضبة الجولان تتحول لمزار سياحى لمشاهدة تدمير سوريا على الهواء مباشرة
بقولك ايه لو سمحت .. بعد اذنك
ممكن اخد من وقتك دقيقه ... متخافش مش هادفعك فلوس ولا هاطلب منك مصلحه
ايه رأيك فى الصور دى؟ جميله ؟؟ مبهجه ؟ منظرها حلو؟
تفتكر انا حاطط الصور دى ليه؟
عشان البنت اللى لابسه هوت شورت؟
ولا عشان اكلمك عن مزار سياحى فى بلادنا العربيه؟
ولا عشان احكيلك عن مشروع قومى فى بلد عربى ؟؟؟؟
** عاوز اقول لحضرتك دى هضبة الجولان المحتله من الجانب الاسرائيلى
واللى واقفين دول سائحين اسرائيليين
عارف بيزوروا ايه فى المكان دا ؟؟
** الحكومه الاسرائيليه حولت مكان فى هضبة الجولان الى مزار سياحى
بيروح السياح يقفوا ومعاهم عدسات مكبره بيتفرجوا على المعارك بين الجيش السورى والجيش الارهابى ( المسمى بالحر ) !!!!
** اسرائيل خصصت مكان الناس تروحه.. وعملت فيه مشروبات
وبتقدملك خدمة انك تشوف ابناء البلد الواحده وهما بيقتلوا بعض
والخدمه هناك خمس نجوم
حسب رغبتك عاوز تروح من نص اليوم وتشوف المعارك
ولا تحجز من اول اليوم وتحضر تحركات المدرعات من البدايه قبل بداية المعارك !!
** اقسم بالله ما سبق ليس تهكماً او مزاحاً
الكلام حقيقي
الاسرائيليين عاملين مزار سياحى تشوف فيه مباشر الحرب فى سوريا وتشوف اطفال سوريا وهما بيتقتلوا
** وهنا فى ختام كلامى .. كان عندى اخوه سوريين بيزعلوا لما بتكلم عن سوريا ويقولولى انت ايه دخلك فى الشأن السورى..احنا نعرف اكتر منك
طيب ممكن اسيبلكم سؤالين تجاوبونى عليهم
الاول : الاسرائيليين واقفين ناحيه قوات الجيش السورى المسمى بالحر .. وهو الجيش اللى قال انه عمل ثوره ضد بشااار عشان بشار خاين وبايع سوريا لاسرائيل صح ..؟ طيب ليه الجيش السورى الحر المزعوم لما بيشوف الاسرائيليين واقفين كده مش بيوجه اسلحته وبيقتل دول كلهــــم ؟ واهو يبقى فعلا جهاد بجد ؟؟؟
السؤال التانى :
ماسألتش نفسك .. ليه الاسرائيليين واقفين متطمنين جداااااااااااااااااااااا وهما بيشوفوا حرب ورصاص وقنابل ومش خايفين ان حاجه تيجى فيهم؟
لدرجة ان التقارير اللى جايه بتقول انهم وقت تفجير القنابل بيصيحوا بصيحات الاعجاب وكأنهم بيشوفوا العاب ناريه فى احد الاعياد ..
تفتكر ايه اللى طمنهم اوى كده؟ ايه خلاهم متأكدين ان مش هايحصلهم اصابه؟
انا بكلمك عن الاسرائيلى اللى لما حماس بتبعتله بومب العيد بينزل يستخبى فى المخابىء .. ف ايه الجرأه دى انه يقف يشوف حرب بالسلاح التقيل ؟؟
** انت عارف الاجابه
بس خايف تجاوب عشان المكابره مانعاك
ببساطه جدا .. الاسرائيليين مش واقفين يتفرجوا على الجيش السورى الحر -
الاسرائيليين واقفين متطمنين لانهم بيتفرجوا على الجيش الاسرائيلى ( فرع سوريا ) .. الجيش الحر اللى تم نشأته وصناعته من اسرائيل.. ولذلك متطمنين ان مستحيل حاجه عملوها وبتنتمى ليهم ..هاتضرب عليهم نار !!
الله المستعان
ربنا معاكى يا سوريا !
الموضوع بالمدونه مع الشرح بالصور من خلال الرابط التالى
E.E
Eslam Elbahrawy
