بين حرائق القرى بالصعيد ووصف العلماء لاهل الصعيد بالجهل
الحقيقه التى يخاف ان يذكرها العلماء - كفاكم تضليلا
بسم الله الرحمن الرحيم
حرائق القرى فى الصعيد .. ايها المسئولون
اصمتوا يرحمكم الله
تعتيم رهيب واسباب واهيه وغبيه يتحدث عنها اهل العلم الذين يشعرون بالغيره بعد ان يعجزوا عن تفسير ظاهره تفوق علمهم ودراستهم وكتبهم ودراساتهم
قرية برسيم فى قنا و اكثر من 22 بيت يشتعلون فى وقت واحد لمدة 35 يوم
الساده المسئولين يرحمهم الله سأطرح ما قالوه وسأرد عليهم المنطق بالمنطق من مجرد مواطن عادى وبسيط ولست بعالم او خبير !
الساده العلماء الكرام قالوا ان اسباب الحرائق تكمن فى الاّتى :
1- السبب الاول ان الحرائق يسببها ماس كهربائى
2- السبب الثانى ان تفاعل التربه كميائيا فيحدث حريق واشتعال للنيران
3- السبب الثالث ان بعض رجال المباحث بيولع فى البيوت عشان يطفش اهاليها عشان يبحثوا عن اّثار
وهنا للرد على الساده المسئولين الكرام
1- بالنسبه لموضوع ان سبب الحرائق ماس كهربائى؟ ما ردك ايها السيد المسئول العظيم ان معظم البيوت التى حدثت فيها
الحرائق ليس بها ماء او كهرباء !
2- بالنسبه لموضوع ان سبب الحرائق يتم فعله بسبب تفاعل كيمائى فى التربه ..على ما اعتقد وحسب دراستى ان التربه
تعنى الارض .. التراب.. الطين اللى بندوس عليه ..؟
طيب ايه رد سيادتك لو قولتلك ان فى بيوت بتولع من سقفها .. السقف بيولع .. والسقف اعتقد انه مش ترررربه؟؟
وسؤال اخر .. اى تفاعل كيميائى ينتج عنه نيران يصل لهيبها الى الطابق الثــــــــــالث !
3- بالنسبه لموضوع ان الحرائق سببها بعض الاشخاص الذين يحرقون القريه حتى
يهرب اهلها منها ويدخل هؤلاء الاشخاص للبحث عن الاثار؟
اولا سيدى الكريم هناك لجنه من الاثار جاءت الى القريه وقالت ان القريه لا يوجد بها اثار ..
ثانيا اى مجنون سيفكر فى تهجير قريه عدد سكانها 30 الف نسمه
ثالثا .. كيف سيتمكن شخص او عدة اشخاص من عمل حريق لاكثر من 22 بيت فى وقت واحد دون ان يراهم احد او يشعر بهم احد
4- نقطه اخرى هديه منى الى الساده المسئولين
اذا كان هناك تفاعل للتربه .. واذا كان هناك ماس كهربائى .. واذا كان هناك اشخاص يحرقون بفعل فاعل.. هل لك ان تفسر لى
كيف لبيت يظل سليما .. و دولاب ملابس من الخارج سليــــــــــــــم وتفتحه من الداخل تجد النار مشتعله فيــــــه ...؟
هل تفاعل التربه تفاعل فقط داخل الدولاب؟؟دولاب سليم من الخارج ويحترق من الداخل ..؟
شقه سليمه وزوج وزوجه نايمين على سرير وفجأه المرتبه تولع بيهم ؟
5- العلماء يكابرون لانهم يشعرون بالغيره من الاحداث والظواهر الخارجقه لان كل منهم يكون غيور على ما تعلمه .. الطبيب
يريد كل شىء ان يقاس بالمشرط .. والمهندس يريد العالم ان يسير بالبرجل والمنقله .. وعندما يظهر شىء يعجز
علمهم ان يحله..يشعرون بالغيره فيصفون الناس بالجهل !
6- بالمناسبه ما هو قو سيادتكم ان الاهالى لما كانوا بيروحوا لمكان فيه رمل عشان ياخدوا الرمل يطفوا بيه الحريق .. بيلاقوا
حشرات اشبه بالعقارب بتظهر فوق الرمل عشان الناس تبعد وتخاف وماتاخدش الرمل تطفى الحريق ..؟
وبالمناسبه دى مش عقارب..وهاقولك بعدين دى ايه
7- اياكم .. اقسم بالله اياكم ان تصفوا اهل
الصعيد بالجهله .. العلام فى الراس مش فى الكراس .. اهل الصعيد دول اللى ورثولنا العلم والمعرفه الحقيقيه ... اهل الصعيد دول
اقسم بربى وما اعبد فيهم ناس عندها معرفه عن الكون والمعارف القديمه لا يعرفها اكبر عالم فى العالم
وبالمناسبه ..
الجاهل هو من يكابر لعدم ظهور الحقيقه ازاى تقول على اهل الصعيد جهله واحنا اللى جهله
هو مش انت بتتكلم دايما بإسم الدين والاسلام والايمان ...
فلو كان القراّن نفسه اتكلم عن السحر والجن .. لما نيجى احنا نقول دا جهل؟ يبقى احنا اللى جهله .. احنا اللى مش عاوزين نصدق
8- فرقوا بين الخرافه وبين الظواهر الخارقه.. فرقوا بين الدجل وبين السحر والجن المذكور فى القراّن
9- تفتكروا الفتره الاخيره لما كلمتكم كتير عن ان الحرب على الصعيد مش طبيعيه .. فاكرين لما قولتلكم الحرب مش بس حرب
الرصاص والجيوش والاعلام والانترنت وقولتلكم فى حرب خفيه من نوع اخر ..؟
10- الصعيد عايم على بحر من الالغاز وبحر من الكنوز تكفى ان العالم كله يحاول انه يسعى اليها
11- فاكرين من فتره .. قولتلكم فى حاجه مش طبيعيه يا جماعه فى الصعيد وان الحروب بين الشر والخير بيتم استخدام كل
انواع الاسلحه بما فيها عالم ما وراء الطبيعيه والخوارق والحسر الاسود ..
فاكرين لما قولتلكم انى حضرت جلسه علاج بالقراّن وسمعت بودنى جن يهودى بيقول انهم موجودين وبيحاربونا وهايحتلونا !
12- من زمان عمالين تقنعونا ان فى اسباب علميه ويقولك اصل الحراره و أصل
الكيمياء والتربه و أصل الماس الكهربائى
طيب انا عاوز المسئولين يبحثولى عن تفسير لما سيتم ذكره :
1- حرائق القرى فى الصعيد وقرى تتفحم بالكامل ولن اذكر اسماء لان القائمه تحتاج لايام لذكر القرى التى تحترق !
2- تفسير سيادتكم لاقوى عواصف غريبه حصلت فى اسوان الصيف الحالى ولم تمر على مصر من قبل
3- تفسير سيادتكم لكمية الدماء التى تواجدت فى الصعيد عبر القتل والهرج والمرج وابرزها حادث الفتنه القبليه بين الهلايله والدابوديه
4- تفسير سيادتكم للسيول اللى غرقت الصعيد هذا الصيف واحنا فى درجة حرارة كانت بتتجاوز 45 دررررجة !
5- سيبك من كل ما سبق .. هل تذكروا حادث بنى مزار بالمنيا؟؟؟ بيوت كامله وعائلات كامله الناس تصحى تلاقيهم كلهم
مدبوحين فى وقت واحد وتم سرقة اعضاء معينه من اجسامهم فى وقت واحد وكل دا والبلد نايمه ومفيش حد صرخ او صوت او
او او ...؟ هل كل دى صدف وافعال طبيعيه ؟
13- الصعيد طول عمره مركز لحضارات كتير .. الصعيد طول عمره بداية ونهاية حروب كتير .. الصعيد تحته كنز الكنوز ..
الصعيد مليان بالكثير من الاسرار ..
14- ليا كام ملحوظه بخصوص الموضوع دا .. اولا ان القرى اللى بتتحرق بتكون قريبه من معابد فرعونيه فيها اّثار
وثانيا .. البيوت معظمها بيولع فيها غرف النوم .. السراير .. دواليب هدوم الستات والبنات !
مم جايز اللى فاهم فى الحاجه دى يفهم الكام ملحوظه دول !!
15- على فكره .. ناس كتير هاتقرا البوست دا وهاتحس انها كان نفسها تقول نفس الكلام بس خايفه الناس تتهكم عليها
وتضحك عليها .. وناس كتير هاتطلع تتهكم عليا وتقول عليا مجنون او بتاع خرافات .. بس انا مش بخاف وانا ليا رأيى وكلمتى
ومبدأى وبس .. انا مش مؤمن بخرافات .. بس مؤمن بحاجات ذكرت فى القراّن وشوفتها بعينى وعاصرتها وعيشتها لايام
وشهور .. ونصيحه اول ما تلاقوا واحد من العلماء مش لاقى تفسير منطقى للى بيحصل
وفجأه بيوصفكم بالجهل؟ اعرفوا انكم على حق
ومره تانيه اياكم توصفوا اهل الصعيد بالجهل لمجرد انهم مدخلوش مدارس !
اهل الصعيد انا قعدت مع واحد منهم فى محافظه معينه .. من جرد سلام بينى وبينه قالى تاريخ حياتى كله بالتاريخ والساعه والاحداث .. وكأنه عاش معايا الماضى كله !
وهو شخص من اللى بيطلق عليهم .. واحد من بتوع ربنا ..
ولو سمعتوا الناس دى وهى بتتكلم عن الدين وعن الظواهر وعن الحاجات المستخبيه عننا
هاتعرفوا ان لهم عالم تانى غير عالمنا .. فياريت محدش يستقل بيهم
واتمنى ان لو الموضوع له تفسير علمى حد يطلع يقولنا وانا انزل بوست تانى وموضوع تانى واقول اسف كنت غلطان واتضح ان فى سبب علمى للموضوع
اسف للاطاله
E.E
Eslam Elbahrawy
