نتيجة الفن الفاسد فى مصر - شاب يتأثر بمسلسل ابن حلال فيقوم بحرق والده مثلما شاهد فى المسلسل
وياريت انصاف البشر هايفهموا
الله يلعن ابو الغباء ويلعن ابو المكابره ويلعن ابو الاستغباء المعشش جوا الناس
قعدنا نقول الرقابه ياريس
الفن بيدمر البلد يا جماعه
يابنى المسلسل او الفيلم بيحفر جواك حاجه فى عقلك من غير ما تعرف
يا ناس المسلسلات بتتحكم فى عقول عيالكم
ولا حياة لمن تنادى .. بتكلم انسان اّلى بلا مخ ولا عقل
مسلسل ابن حلال اللى واخد اعلى مشاهده واعلى مش عارف ايه
المسلسل اللى طول حلقاته مطلعين المجرم مظلوم مع موسيقى هاديه
وان دايما الداخليه وحشه والداخليه بلطجية والداخليه بتلفق تهم
وان الواحد من حقه يشيل رشاش ويسيطر على منطقه لانه اتظلم
والمسلسل اللى ظهر فيه الولد بيولع فى ابوه
الحادثه اتكررت اهى بالضبط فى الصعيد
والعيل اللى شايفينه دا ولع فى ابوه بنفس طريقة المسلسل
وكلام المأمور اللى قبض على الولد بيقول ان دى مش اول حادثه تجيله ويكون القاتل شاب ومتأثر بحاجه شافها فى التلفزيون
والله العظيم الفن هايوقعها لو محدش عمل عليه رقابه
ومستنى كالعادة الناس بتوع بلاش افوره
والناس بتوع ارحمونا هو كل حاجه مؤامره
وانصاف البشر بتوع ياعم دا فيلم بنتفرج عليه عشان نفرفش
انتوا احرار .. احنا فى مرحلة كل واحد بيقول يلا نفسى
وانا قررت اقول يلا نفسى .. وانتوا يلا نفسكم !!!!
E.E
Eslam Elbahrawy
