مترجم اللغه العبريه الخاص بمبارك يكشف اسرار لاول مره
هل كان مبارك ديكتاتوريا لا يبالى بالقضيه الفلسطينيه؟
مين صاحب الصوره ؟
دا يا سيدى الدكتور منصور عبد الوهاب
المترجم الخاص باللغه العبريه داخل رئاسة الجمهوريه فى عهد الرئيس مبارك
اليوم كان فى لقاء على التلفزيون وذكر شوية حاجات وقفت عندها
مثلا :
1- قال الدكتور منصور انه كان المترجم الخاص بحضور الاجتماعات المغلقه بين اى مسئول اسرائيلى والرئيس مبارك وان فى خلال سنين عمله مع الرئيس مبارك لاحظ ان فى كل وجميييع اللقاءات مع المسئولين الاسرائيليين .. ايا كان هدف ومحور اللقاء .. يجب ان يبدأ مبارك الحديث عن القضيه الفلسطينيه وتأخذ اكبر وقت من الحوار ثم ينتقل مبارك لموضوع الحوار الاصلى ايا كان اهميته .. المهم ان يبدأ بالقضيه الفلسطينيه
( دا مبارك اللى قالك خاين وبايع القضيه وماكانش بيساعد !!! )
2- ذكر الدكتور منصور ان مبارك كان بيراعى جدا اللى شغالين معاه من حيث الاحترام .. فقال .. دايما وقت الاجتماعات اللى كنت بكون مترجم فيها ..
كان الرئيس يسأل .. هو فين فلان ( سائلا عن المترجم ) ..
ويسأل مبارك؟ هو اتغدى ولا لسه لانه هنا من الصبح ؟ فلو ماكانش اتغدى..يدعوه الرئيس مبارك عشان يتغدى معاه وسط الوفد الضيف الموجود !
( دا مبارك اللى بعد نكسة يناير قالك كان بيخلى زكريا عزمى يضرب السواقين بالشلوط ) وبالمناسبه دى كانت احد اكاذيب برنامج معتز مطر على قناة مودرن !
3- قال الدكتور منصور انه ماكانش مرتبه شهرى..
ولكنه كان بيتم حسابه على اليوم .. بمعنى ان اليوم الذى يأتى فيه ليترجم لقاء بين مبارك واحد الضيوف..يتم حسابه على هذا اليوم
وتخيل مترجم لرئيس الجمهوريه كان بياخد كام فى المره؟؟
كان بيقبض .. 158 جنيه ونص .. ولما سألهم الدكتور منصور اشمعنى يعنى مش 200 جنيه؟ قالوله ان هو المبلغ 200 اصلا بس دا بعد الضرايب بيكون 158.5 !
( دا مبارك اللى بيقولك كان بيسرق مليارات .. وكان بيدفع وبيرمى فلوس.. اللى اعرفه ان اللى بيسرق مش هايفكر فى فلوس البلد وهايدى للمترجم دا انشالله الافات .. ماهو مش هامه الفلوس ) !
دى كانت مقتطفات من حوار الراجل المحترم دا
ولسه التاريخ هايطلع كتير اوى
E>E
Eslam Elbahrawy
منشور by Eslam Elbahrawy.
