رساله الى وفاء الكيلانى بعد طلبها من عمرو مصطفى ان يعتذر لهند صبرى بسبب انتقاده لمسلسل امبراطورية مين
بمناسبة وفاء الكيلانى وهى بتقول لعمرو مصطفى هند صبرى تستحق منك اعتذار لمجرد انه انتقد مسلسلها؟
كان نفسى عمرو مصطفى يرد عليها يقولها وهى لازم تعتذر لشعب مصر كله لما فى حلقة من الحلقات اظهرت ان مصر للطيران كلها همج وبيربطوا الناس فى كراسى الطياره .. ولما اظهرت ان كابتن الطياره بيعاكس الركاب وبيتحرش بيهم .. ولما اظهرت اننا معفنين لما سجدت على الارض فى مطار القاهره ولزقت فى راسها سيجاره دليل على عدم النضافه ولما طلعت فى حلقة من الحلقات فى فرح شعبى اظهرت كل الشباب فيه سكرانين وبيشربوا .. ولما طلعت لبست بدلة رقص ورقصت فى فرح شعبى وقالت فى المشهد اللى بعده ياااه انا ماحسيتش انى مصريه غير لما رقصت وكأننا شعب كله راقصات
كل دا كان فى اول عشر حلقات فى المسلسل
ولو عاوزين كوارث تانى نقدر نطلعلكم
وكان نفسى عمرو يذكر المشاهد دى
ولو دا عادى ووفاء الكيلانى وناس تانيه شايفاه عادى ان ممثله تونسيه تعمل كده فى مصر؟
هل نقدر احنا نروح تونس ونعمل مسلسل يظهرهم غير متحضرين وراقصات ؟
دا احنا لما بنتكلم عن تونس ولا سوريا فى السياسه تلاقى تعليق يقولك لو سمحت لا تتدخل فى شئوننا
طيب اشمعنى مصر بقى؟
كانت وكاله من غير بواب
التوانسه اخواتنا وبنحترمهم ويحترمونا
ولكن الممثل مادام جاى مصر يحترمها
مش يعمل عمل فنى يظهرها انها بلد همجيه
بالمناسبه اخيرا
مبسوط ان كلام عمرو مصطفى عن النكسه والخونه ... سبحان الله .. كان فى نفس القناه اللى كان بيطلع يتنطط فيها الاراجوز الصهيونى اياه .. فعلا .. يمهل ولا يهمل
E.E
Eslam Elbahrawy
منشور by Eslam Elbahrawy.