تحليل اعلان جهينه ميكس واستمرار لترويج فكرة الفوضى فى ملاعب كرة القدم
بص يا سيدى
ازاى تغذى فكره معينه من خلال البرمجه اللغويه والعصبيه للمشاهد
من خلال انك تعيد تكرار فكره معينه لحد العين ماتتبرمج عليها
وبالتالى تدخل المعلومه للمخ ويبدأ تنفيذها وكأنه منوم مغناطيسيا
وفى نفس الوقت يتقبلها ويشوفها انها مش غلط
شركة جهينه من الشركات اللى كل اعلاناتها فيها برمجه لغويه وعصبيه
ودايما بتبعت رسايل سلبيه كتيره
فى 11 ابريل الماضى حللت اعلان جهينه .. طلع اللى جواك !
وتقدروا تشوفوا التحليل من الرابط دا
او افتحوا الصوره رقم 1 فى البوست
.. وكان الاعلان بيقول طلع اللى جواك وبيشجع انك تكتب على الحيطان وتفسد الذوق العام . وفى نفس الوقت فى مشهد تانى بيشجع الالتراس وفكرة الشماريخ !
وبيبين ان د حريه ومن حقك تعملها
فى الصوره رقم 2 .. دى صور من اعلان جهينه الجديد .. جهينه يا ميكس يا جامد
ومن خلال الصوره رقم 2 هاتشوفوا انه بيدعم نفس الفكره
عامل اعلان يبسط بيه الناس من خلال طرح فكرة ان اقتحام الملعب و اشعال الشماريخ فى الملعب دا شىء ايجابى وفيه تحدى وفيه فكاهه ومرح !
هتلاحظوا فى الجزء الاول من الصوره ان دى مباراة كرة قدم
والجزء التانى .. الجماهير مولعه بالشماريخ
والجزء التالت الولد بيقتحم الملعب وبيسرق الكوره وبيجرى
والجزء الرابع الشرطه بتجرى وراه وهو فرحان ورافع ايده وكأنه انتصر لما اقتحم الملعب
** هنا بقى يكمن اصل حكاية البرمجة اللغويه والعصبيه
اللى هو الحق المكتسب من خلال تكرار الخطأ
انت مثلا لو النهارده واحد صاحبك بخيل فقولتله تعالى نخرج وهاحاسبلك على الشاى بتاعك
تانى يوم حاسبتله .. تالت يوم حاسبتله
رابع يوم هو من كتر التعود على الغلط دا .. تلاقيه بدل ما يطلب شاى .. يطلب حاجه اغلى ويجبرك تحاسب وكأن دا من حقه !!!
هى دى نفس الفكره
المفروض ان الحاجه المعروضه على التلفزيون دى بتكون حاجه مسموح بيها من خلال القانون والعادات والتقاليد
طيب لما تعرضلى اقتحام ملعب وشماريح .. يبقى كده الولد لما يشوف هايقول ان دى حاجه عاديه لانها لو غلط ماكانتش اتعرضت على التلفزيون .. وبالتالى بيتمسك بالفكره .. وبيتمسك بالحق اللى هو اصلا باطل .. وتلاقيه بيكسر ويحرق بناء على برمجه فى دماغه انه شاف التكسير والاقتحام اد فى اعلان تلفزيون ولما تيجى تقاومه يغلطك !
اللعب على العقول من خلال الاعلانات بيتصرف عليه كتير
والفكره بيكون الهدف منها زرع الشىء الخاطىء فى مخك بشكل غير مباشر !
يارب اكون قدرت اوصل الفكره
وقدرت اربط بين اعلانين لنفس الشركه بيشجعوا نفس الفكره السيئه
E.E
Eslam Elbahrawy
منشور by ضد الماسونية Eslam Elbahrawy.
