فكره اتمنى وصولها للشئون المعنويه للقوات المسلحه - قناة مصريه تسمى مصر 777 - للرد على اى افتراء على الجيش المصرى واكاذيب الاعلام
فكره هارجع اطرحها تانى
من كام شهر قلت اننا حربنا مش بس بالرصاص
لكن الحرب حرب اعلام
بدليل ان الاعلام هو اللى موقع البلد من نكسة يناير 2011 حتى الان
ولذلك
انا دايما بشوف ان محاربة العدو لازم تكون بنفس نوع سلاحه
ماينفعش اعلام يتحارب بالبيانات
ولا ينفع رصاص يتحارب بالاعلام
الاعلام لازم يتحارب بالاعلام
ولذلك وقتها اقترحت انشاء قناة مصريه تديرها الشئون المعنويه للقوات المسلحه
ونسمى القناة مصر777
بإعتبار ان فرقة ال 777 هى فرقة صد الارهاب والعمليات الخاصه
فإسم القناة هايكون 777 لان هدف القناه هو صد كل الارهاب الاعلامى وتصحيح المعلومات المشوهه
وتكون القناه قناه تلفزيونيه فيها برامج من مذيعين موثوق فيهم
ولكن مضاف اليها مواد اعلاميه من الشئون المعنويه للقوات المسلحه
ومضاف اليها احد افراد مكتب المتحدث الاعلامى للقوات المسلحه عشان يطلع ببيانات تكذيب لاى خبر كاذب ويصرح بالبيانات والاخبار الصحيحه
ويصحح اى صور متداوله ضد الجيش او الشرطه ويعرف الناس ازاى بيتم فبركتها وحقيقتها واصلها ايه
لان الانترنت مش كفايه . لان ابويا وامى وجدى مش بيقعدوا على النت انما بيتفرجوا على التلفزيون وبكده نضمن نسبة مشاهدة الناس الغلابه اللى هما اصلا بيتلعب بيهم من الاعلام وبيستغلوهم !
وبكده نكون ضربنا عصفورين بحجر
الاول اننا حاربنا الكلاب بنفس سلاحهم وهو الاعلام .. ولكن من خلال قناة موثوق فيها عند الشعب ومفيش مجال انها تكون ملك لمذيع او ملك لتوجهات المذيعين
والتانى اننا نذيع مواد واغانى تعرف الناس اهمية جيش مصر ونخلى الاطفال تقعد تتفرج عليها سواء وهى بتذيع اغانى عن الجيش .. او افلام سينمائيه او تسجيليه بتوضح بطولات الجيش المصرى على مر العصور
فكرة واتمنى ان حد يشتغل عليها
وبكده نقدر نضمن ولو قناه واحده ترد على الاكاذيب
وفيها ناس وطنيه
وبيديرها مؤسسه محترمه
E.E
Eslam Elbahrawy
منشور by Eslam Elbahrawy.
