شفرة الحقيقة - مدونة إسلام البحراوى: احذروا البرمجه اللغويه والعصبيه للاعداء - ما يحدث فى سيناء هو اخلاء للحفاظ على الارواح وليس تهجير

احذروا البرمجه اللغويه والعصبيه للاعداء - ما يحدث فى سيناء هو اخلاء للحفاظ على الارواح وليس تهجير

حاجه كده عاوز اتكلم فيها

وبعدين نتكلم فى الصوره

اولا خلوا بالكم من برمجتكم لانكم اتبرمجتم

ايوه .. ماتتفاجئش .. انت واحد من الناس اللى كتبوا جملة

( بدء تهجير اهل سيناء )

وبكده نجح العدو فى برمجتك .. يا فندم التهجير بييجى لما العدو يكون هو اللى بيضربك ويهجم عليك .. زى ما حصل فى حروب 67 و 73

لكن لما جيش بلدك يطلع الناس عشان يقضى على الارهاب

اسمه اخلاء مؤقت لسكان سيناء حرصا على سلامتهم اثناء القضاء على الارهاب

بخصوص الصوره .. طبعا لازم تلاقوا ناس كتير معارضه موضوع الاخلاء

ماهو انت جاى تدينى 1200 جنيه تعويض للمتر؟

دا انا بيتى فيه فتحة نفق باخد عليها الشىء الفلانى

دا انا المحل بتاعى فيه فتحة نفق باخد عليها الشىء الفلانى

دا انا امام جامع والجامع جواه فتحة نفق باخد عليها الشىء الفلانى

تيجى انت تقولى سيب النفق .. وخد 1200 للمتر !!

انا مستغرب من قرار القوات المسلحه ان البيت او المحل اللى هيلاقوا فيه فتحة نفق مش هياخد تعويض .. بس كـــــــــــــــــــــده؟

انا منتظر قرار ان البيت او المحل اللى فيه فتحة نفق لازم يتحاكم بتهمة مساعدة الارهاب وتسهيل تهريب ارهابيين واسلحه تضر بالامن القومى !!

واخيرا .. بعد الحادث الارهابى الاخير

كتبت وقلت ان بسهوله ممكن نعرف مين عمل العمليه بدون تحريات

وبمناسبة البوست .. والصوره .. هاكرر الكلام تانى

اقولك مين اللى عملها ..؟ من غير تحريات ؟؟؟

اقولك الحل ..؟ لا ياعم منا لما بتكلم بتقول عليا جاحد وقلبى قاسى

بس تخيل .. والنبى لاقولك

ابحث عن :

1- ابحث عن من كان سيفشى سر ساعة الصفر فى حرب اكتوبر

2- ابحث عن من يعتبر سيناء دوله منفصله عن مصر

3- ابحث عن من يرفض استخراج بطاقة رقم قومى مصرى لانه غير معترف بالدوله المصريه

4- ابحث عن من يرفض الخدمه فى الجيش المصرى لانه لا يعترف بالدوله المصريه

5- ابحث عن من يتاجر مع الصهاينه وله تعاملات معهم

6- ابحث عن من يقول ان التعامل مع الاسرائيليين تجاريا افضل من التعامل مع المصريين

7- ابحث عن من يسيطر على عمليات التهريب سواء مخدرات او سلاح او بشر

8- ابحث عن من يزرع كل اراضيه مخدرات

9- ابحث عن من لا يريد دولة قانون ويسير بقانونه الخاص

10- ابحث عن من لا يستطيع ضابط الداخليه ان يوقف سيارته التى لا تحمل لوحات معدنيه وبداخلها رشاش لانه يعلم انه صاحب سيطره على المكان

11- ابحث عن من يدعون الفقر وهم اغنى اغنياء البلاد

12- ابحث عن من لديهم اجهزة اتصالات داخل الجبل تفوق اجهزة اتصالاتك

13- ابحث عن من يتحكمون فى امن سيناء وحدودها

14 - ابحث عن من لا يريد اقامة اى تطويرات او مبانى او مساكن او دخول مرافق ويريد ان يظهر دائما فى مظهر الفقير لانه لا يريد تعمير تلك الاراضى حتى تظل تحت سيطرته ويتحكم فيها بقانونه الخاص

15- ابحث عن من يتغنون بالفقر فى سيناء وهم يركبون افخم السيارات ولديهم من القصور فى انحاء العالم الكثير والكثير

16- ابحث عن من تعاونوا فى 28 يناير مع الارهابيين وفتحوا لهم الانفاق وساهموا فى الهجوم على كمائن الشرطة والجيش فى سيناء وفتح السجون

17- ابحث عن من يخرج منهم اكبر نسبه من الشباب المتزوجين من يهوديات اسرائيليات

** انت لسه هاتبحث؟؟ ما انت عارف

انا مش هاقولك هم مين .. بس اكيد انت عارف هم مين

وانتوا كلكم عارفين وساكتين وبتكدبوا نفسكم وبتاخدكم الوطنيه الكدابه والكلام المزيف بتاع الفيس بوك ومحدش عاوز يتكلم ويقول كلمة حق

يا عزيزى .. كلنا عارفين بس مستعبطين

يا عزيزى ... الحوار دا زيه زى حوار الهلال والصليب

تبقى الحريقه قايمه .. ويطلعوا فى التلفزيون يحضنوا بعض

الحوار دا مش هايتحل الا بالقووووه

شغل الاجتماع مع القبائل .. والقبائل بتحب الجيش والفيلم دا ماعادش ينفع .. دى سينما الستينات .. سيناء لازم تنضف .. والنضافه بالتطهير

وبرضو سلاموووو عليكم